السلام عليكم ورحمة الله وبركاته
شخبار الحلوات السهرانات
المهم بدون مقدمات
اليوم واحنا رايحين سوق أوشيقر انا وامي
دخلت العطاره وامي دخلت محل ثاني المهم يوم جيت طالعه الا فيه رجال عمره يمكن في الخمسينات او نهاية الاربعين المهم كاشخ وكان واقف عند باب المحل ويقزني قز انا بصراحه عادي ما خفت بطلله هههه بس شكيت في امره قلت وش يبي ذا وطلعت من المحل وراح قدامي ويلتفت علي انا يوم شفته يتلفت ويقزقز انا هنا صرت كذا:mad: قلت خيييييير
جا يتكلم كنه ما صدق خبر قلت خلني اشوف وش سالفته واللي شجعني اني اسمع السالفه انه كان معلق على جيبه بطاقه زي بطاقات الموظفين بس والله مدري وش مكتوب فيها لاني اصلا ما جسرت اناظر فيه
المهم هذا نص الكلام
(احنا مؤسسه تساعد الارامل والمطلقات واذا تعرفين احد يعني يبي ومحتاج وانا تبع امير)
شكيت بصراحه قلت طيب وين الورقه او اثبات او شي قال تعالي من هنا يقصد ورى المحل علشان اعطيك رقم المؤسسه او رقمه هو والله ماركزت
لان المكان اللي كنت واقفه فيه مليان ناس بالضبط حول ابا الخيل وكان يبي يعطيني الرقم في مكان فاضي ما فيه ناس هذا اللي خلاني اشك قمت قلت له السالفه فيها رقمك وانا معصبه قام سحب نفسه بسرعه وراح حتى ما ناقش ولا شي
بس والله يابنات نظراته تخوف حتى صوته خشن لهجته بدويه
المشكله ما كان فيه هيئه والا كان قلتلهم انا شاكه في امر هالرجال وهم بطريقتهم يتصرفون
شفت مره ثانيه واحنا طالعين من السوق كان يناظر في الحريم كانه زي اللي يتصيد بس من بعيد
غريب صراحه
بنات تتوقعون انه فعلا مؤسسه او كذاب
بالمناسبه اقولكم اني كنت قاريه الاذكار ودعاء السوق والله هو سبب للحفظ بعد الله سبحانه
يلزم عليك تسجيل الدخول أولًا لكتابة تعليق.
ام ااارااام
•
لاحبيبتي بااين انه كذااااب يمممممممممممه يخووف
لاحبيبتي بااين انه كذااااب يمممممممممممه يخووفلاحبيبتي بااين انه كذااااب يمممممممممممه يخووف
:(هذا اللي حسيته انه كذاب بس احيانا اقول استغفر الله ما ابي احط في ذمتي الله حسيبه ان كان له نيه خبيثه
الله يستر شكله يبغى صيده الله لا يوفقهالله يستر شكله يبغى صيده الله لا يوفقه
تصدقين عاد انا شلت هم قلت حسبي الله عليه لو لقى له صيده وحده حالتها ضعيفه وجاهله بتصدقه على طول
الصفحة الأخيرة