مرة زوجي طلع ببنتي لاهله
كنت اقوله مقدر اطلع اليوم تعبانة وهو كالعادة يعصي كلامه ولازم اللي يبغاه يصير
يعني أنا كنت ابغى اروح معهم بس مرة كنت تعبانهةووقت متأخر
المهم زوجي راح معاها وهملها هناك وهي تخاف إذا ماكان ابوها معاها او أنا ماكنت معاها يعني ياهو ياانا أكون معاها أما يتركها في بيت اهله تخاف توها كان عمرها سنة تقريبا
ومن جابها لي زوجي متغيرة مرة والله مابالغ تعبت اعرف وش فيها سالتهم وش صار يقولوا ماصار شيء ولاادري بصراحة بنتي صارت غريبة من جابها زوجي

صارت ماتبغاه شهر كامل تخاف من ابوها ماتبغاه ومن ياخذها تصرخ بقوة مع العلم انها كانت تحبه وتبغاه بس تشوفه تصيح كانت تبغاه وصارت ماتبغاه اقوله لانك اهملتها أنا قلت لك اجلس معاها لاتهملها بس ماتسمع كلامي..
المهم الحين بنتي كل شيء تغير فيها من داك اليوم اللي راح فيها وهملها مع اهله وهم اصلا ماعندهم احد ياخذها عمتي مقعدة وبنتي تخاف منها وهي كحلتها وبنتي تخاف اكثر من هالشيء وش حال أنا ماكنت معاها والبهيم هملها لحالها .
كانت عادي اتركها تلعب واقوم اتحرك في البيت الحين صارت تخاف من كل شيء وكل شيء اسويه لازم احملها ماشاء الله أنا صابرة بس المشكلة انها كانت عادي تجلس في المشاية وكل شيء تلعب بس من وقتعا ماتبغى شيء وبس خائفة ووراي طول الوقت ولاحظت بس كنت ابعد حتى لو هي جنبي تصير تخاف وحتى الناس ماتبغاهم كانت عادي حتى الكل يقولي بنتك ابغى الناس وعادي ماتصيح وانا مرة فرحانه ان بنتي كذا تبغى الناس وماتبكي يعني اشوف أطفال مايبغوا احد ابد أنا بنتي ماشاء الله حتى لما اطلع و يشوفونها ناس يعرفونا ياخذونها يصورو معاها سناب وعاديةبتني لو حملوها كانت ماتبكي وتفرح 😭
الحين وش اسوي عشان بنتي ترجع زي قبل كانت تبغى الناس وعادي تلعب لحالها واتحرك عادي دون احملها مدري وش صار فيها من داك اليوم عجزت افهم وش فيها يعني نفس اليوم اللي طلع معها تغيرت صارت تخاف حتى من ابوها وبس تبكي ماتبغى احد😭💔💔
وش اسوي حتى شغل البيت كنت مقدر أقوم به ولازلت اعاني نفس الشيء حتى المشاية صارت ماتبغاها وقتها وهي اللي ماشاء الله كانت تفرح لما احطها فيها ولااطول بعد لما احطها دعواتكم الله يشفي بنتي ويصلحها وترجع لطبيعتها ماعرفت وش صار فيها من لما طلع معها زوجي وتركها عند اهله حاولت اعودها على الناس من جديد بس ماهو فايد شيء مع انها كانت عادي وأنا اطلع معها يعني كنت وهي متعودة على الناس لانها ظلت في الحضانة لما ولدتها وصارت عادي ماتفرق أنا مسكتها او غريبة ...حسبي الله ونعم الوكيل عجزت افهم أهل زوجي وش سوو فيها لدرجة حتى ابوها صارت تخاف منه وبس يجي بياخذها تصرخ وتخاف ماتبغاه.
أنا مدري وش بسوي إذا رحت اولد 💔💔💔وين بودي بنتي خفت من ودى زوجي بنتي تغيرت مرة صارت تخاف من كل شيء حتى منه ...هم عندهم أطفال احيانا يضربوا وحماتي عادي تصارخ في وجه أي احد حتى لو طفل مرة صارخت ع بنتي قدامي عشان شيء تافه وبنتي خافت وأنا ماستبعد انه يكون حصل شيء زي كذا في غيابي حسبي الله ونعم الوكيل