مدري وش نهايتي مع هالرجال؟؟!!

:icon33:
مساء الخير عليكم بنات حواء
والله مالقيت أحد أفضفض له ويشاركني همي وينصحني غيركم
الحكاية ومافيها اني متزوجة من ست سنين ومن 4 سنوات تقريبا بدأت المشاكل بيني وبين زوجي (اللي بتفتح ملفي الشخصي وتقرا مواضيعي بتعرف هالمشاكل لاني ماأعرف أحط روابط هنا)
وفي البداية كنت أحاول أبحث عن حل وأكتب لكم هنا وأطلب النصيحة بس دايم كان زوجي يحبطني لانه مايتجاوب معي!!! لحد ماتعبت واكتأبت وجاني خمول في الغدة الدرقية ولخبطت هرمونات:44:
نسيت موضوع المشاكل والجفا وركزت على مرضي وزوجي زاد بعده وجفاه وصار داااااااااااااااايم يسافر بحجة انها سفرات انتدابات وشغل !!! وأنا وعيالي ماعندنا أحد!!! وشايله مسؤليتهم لحالي غير تعبي والخمول اللي أحس فيه!!!!
واللي زاد الطين بله ان الدكتورة قالت احملي يمكن اللخبطة تتعدل عندك وحملت :39: وأثناء حملي جاني مرة نزيف وحضرته مسافر قال ابتصل على جارنا يوديك المستشفى !!!!!!!!!! (هو يعرف الرجال) وهذي كانت وحدة من المواقف اللي تصير لي في سفره لان ماعندي أحد ولا أعرف أحد!!!!!
طبعا بعد ولادتي زادت المشاكل والجفا والبرود بيننا بحكم كثرة سفراته ومعاملته السيئة لي ولعيالي!!!حتى وأنا نفاس سافر وأنا كنت لوحدي في البيت ماأحد عندي
والحين يابنات أنا والدة لي ست شهور وعيالي دخلوا الروضة وهو يبي يسافر وانتداباته زاااااااااااادت وانتوا عارفين مسؤلية العيال وسرحتهم وجيتهم وطلبات المدارس يبيني أتحملها لوحدي:44:
ويقول بكل بساطة ماااااااااااااااااااالك شغل فيني!!!!
أنا وكلت أمري لله وقلت ربي ***** الله مايضيع لي تعب !
لكن يابنات المشكلة الحين اني صرت عايشة زي الشغالة أنظف وأطبخ لعيالي وأسرحهم وبس عايشة للبيت والعيال وبس مافي بيننا أي اتفاق ولا اهتمام!! كل واحد في وادي :44:
تعبت يابنات تعبت كثير وأهملت نفسي وصحتي مخي صار مشوش وماعندي تركيز ولا أنام ودايم خايفة من بكرة
وماأدري وش نهايتي !!!1
والله يابنات تعبت!
أنا ماهمني زوجي لان صار بيننا جداااااااااااااااار كبير صعب ينهد ( جفا وضرب وطلالالالالالالالالالالاق ) وش بقى بعدها!!
أنا اللي يهمني الحين كيف أرجع ثقتي في نفسي ؟ كيف أريحها؟ كيف أهتم فيها؟ هذا الانسان حطمني كثير ودي أتماسك وأوقف على رجولي عشان عيالي!!
على فكرة لما كان يطلقني كنت أجلس في بيتي عشان عيالي وأرفض الخروج منه لين يرجعني!!! وسبب الطلاق طبعا يكون النقاش في موضوع الجفا والسفر تخيلوا؟؟؟؟!!!
عشان كذا لاحد يقول كلميه!!
أنا قلت لكم هو معاد يهمني اللي يهمني نفسي وعيالي كيف ارتاح عشان أقدر أربي عيالي خصوصا ان المشوار لسه طووووووووووووويل وهو رامي المسؤلية كلها علي؟؟؟