مدري وين احط موضوعي شلون اضبط سينابون المطعم

شوفي ياعيوني انا سويت طريقة ام الاطخم مشكلتي عليمية بالحاسب بس سوي بحث وتلقينها(سينمون اتحدا فيه الجاهز تعااالوا شوفواواحكموا) وتراها جدا رائعة بس انتي شكلك مثلي نحوس الطبخة وبعدين نتحطم اذا فشلت ابعطيك عدة نصائح كنت راكنتها على جنب وهي السبب بعد الله في نجاحي بالطبخ :
1- ضعي الخميره اولا مع قليل من السكر والقليل من الماء الدافيء لاتحطين ماء بارد ولا حار ترى الماء الحار يخرب الخميرة وهذا سبب قساوة العجينه واتركي الخليط حتى تشوفين الخليط انتفخ ثم اكملي العجن.
2-اكثري من العجن قدر المستطاع وياحبذا لوتعجنينها وانتي معصبة من احد عشان توسعينها ضربا(امزح)ولو كان عندك عجانه افضل ترها تخلي المعجنات جدا رائعه وتريح جدا عن تجربه جديده كنت اول اموت من العجن وياالله تزين بس الحين الحمد لله على طول زينه معي.
3- لاتتركي العجينه اثناء التخمر في ضوء او مكان بارد ولا حار غطيها بمنشفة وحطيها داخل درج او داخل الفرن بدون نار طبعا.
طبقي طريقة ام الاطخم مع نصائحي وردي علي بالنتيجة وترى عادي ينزل سكر شوي في الصينية بس ما تتاثر العجينه والله معك

المشكله السكر كله بالصينيه
ومشكوره على النصايح حبيبتي

نصائح رائعة جزاك الله كل خير

اهم شي تكون العجينه طريه واذا فردتيها ادهنيها بشوي زبده وعليها سكر مطحون شوي وقرفه وككاو بودره شوي

ولفيها وقطعيها وصفيها بالصينيه وغطيها لمدة نص ساعه

بعدين دخليها الفرن على 175 درجه والرف اللي قبل الاخير وانتبهي لااااااااتطول اذا طولت تيبس وتخرب
يمكن تقعد من 10 دقائق الى ربع ساعه بعدين من يوم تشقر خفيييييييف طفي النار على طول وولعي النار العلويه ولا تطول ايضا شوي بس
واول ما تطلع على طول سقيها بحليب نستله المركز وغطيها على طول وخليها
وعند التقديم رشي عليها هرشي

وان شاء الله تجين هنا وانتي مبسوطه انك ضابطتها وتعالي علمينا بالنتايج

بس ترى اهمممممم شي العجينه خذي لك مقادير مضبوطه والبنات هنا ما شاء الله ما يقصرون عجاينهم رااااائعه
كثرت بربره استحمليني

اهم شي انك لما تلفين العجينه وتقطعينها خليها يالصينية ربع ساعه ترتاح وباذن الله راح تضبط ..
انا كانت تطلع معي يابسه ربت اغلب الطرق ومافادت غيرت طريقة العجينه وبرضوا مافاد اخر شي طحت ع السر من وحده هنا في المنتدى الله يجزاها الجنه ..
والسر زي ماقلتلك هو انك تخلينها ترتاح قبل ماتدخلينها الفرن ..وجربي ورديلي ****لله بتظبط