مدري وين احط موضوعي لكن للافاده

كيفكم
بنات بصيح اكبببيي مدري وش اسوي لو وحده تفيدني
عمري ٢٩ واقولكم عمري لاني وحده عاقله واهتم مرررررره بنظافتي الشخصيه لكن قدر الله وماشاء فعل


جيت يوم من الايام من الدوام واحس شي يتحرك بشعري حسبالي ذبانه ولا حشره وامسكها طلع شي غريب والله يابنات بحياتي ماشفته واركض لامي ركض واوريها قالت يامصيبتي هاذي قمله كبيره بعد وتفتش بشعري لقته مليان صيبان بغيت اموووت شعري ماشاء الله كثير وطويل وقطعه وحده فكرت احلقه تقرفت من نفسي لكن امي حالفه ماقصه الحين كل يوم تنفضه امي بس بدون جدوى شريت شامبو خاص لقتل القمل والصيبان وبرضو مافيه نتيجه تعبت نفسيتي اتفشل من اللي حولي ماعندي ثقه بنفسي مثل اول اللي تعرف حل نهائي له ياليت تفيدني مدري كيف جاني شكيت بزميلاتي في الدوام شكيت بقرايبي معاد احب اسلم ولا اتقرب من احد حتى خواتي اطردهم من غرفتي ولا اخليهم يستعملون ادوات الشعر حقتي اخاف انقل لهم العدوى