مدري وين الخلل ف عائلتنا

السلام عليكم ..اخباركم 
ببدأ ف الموضوع ع طول .... بصراحه ماني مرتاحه من تصرفات اهلي ومن تصرفاتي معاهم كماان مدري ليش احنا كذا احس مافيه حب ف بيتنا كل واحد شايل ع التاني ومو متحملين بعض ع اشياء تافهه نتخاصم ونتزااعل مافيه تعاون بيننا وكل واحد همه نفسه بس احيانا نتعاون مو دايما مدري ليش احنا كذا دايما اقول ف نفسي خلاص بتغير ان شاءالله واغير تصرفااتي لكن غصبا عني اخاصم وازعل مره ثانيه قلت يمكن السبب امي وابويه من يوم واحنا صغار دايما يتخاصمون قدامنا ويسبون بعض واذا تهاوشنا انا واخواني كان عادي عندهم مايقولون انتم اخوان لازم تحبو بعض ...يعني عادي مايهتمون بعلاقتنا مع بعض انا واخواني واخواتي ليومكم هذا ابويه وامي يتخاصمون قدامنا يعني جالسين نسولف سوا وش زيننا ويصير اختلاف بين امي وابويه ويسوون حريقه واحنا بس نتفرج فيهم ..انا واخواتي دايما متزاعلين واذا رضينا نجلس فتره ونتزاعل مره ثانيه كنا ف غرفه وحده بس اختي الكبيره كانت تزعجني وانا نايمه تطفي المكيف وتشعل اللمبه واذا  بتداوم الصباح تقربع ف اغراضها يعني ازعاج ازعاج ..بعدين نقلت عفشي عند امي واختي الصغيره واخويه الصغير وصرت عندهم ف الغرفه الين اليوم واختي ماقالت ارجعي الغرفه ولا تأسفت ولا شي وابويه ينام ف المجلس لحاله واخواني الصغار دايما متزاعلين ومايحبون بعض ..معليش كثرت ثرثرتي لاني اول مره افضفض بهذا الموضوع وابغى احد يقولي وشلون اغير الوضع اللي احنا فيه وكلام كثير باقي ماقلته خلاص تعبت والله اغبط الاخوات اذا شفتهم مع بعض ويموتوون ف بعض نفسي نكون انا واخواتي مثلهم بس مدري كيف احس صرنا انا واخواتي رسميات مع بعض ماندري بكل شي عن بعض وكل وحده اغراضها لحالها ..وحالتنا  صعبه ارجوكم ساعدوني وانصحوني ايش اقدر اسوي عشان نعيش زي الناس بحب وموده ...وجزاكم الله خير ♡♡