حبيبتي مستحيل العيب بالناس كلها مدام تتصرف معك كذا
اسالي احد تمونين عليه مثلا اختك او شي
بصراحه عن عيوب شخصيتك

انا بصراحه اللي ينفرني من ادميه كثرة الثرثره ماطيقها

صح كلامها اسالي احد تثقين فيه عن السبب لانو مو معقوله الكل ينفر منك بدون سبب



مهما كانت أقدار الله مؤلمه ثقوا بأن في طياتها رحمه كبيره❤️

جيتي  ع الجرح نفس حالتي بس انا اشد واحس عندي تبلد بمشاعري تجاه الناس 

انا الحين فيني خجل مررره امي الله يخليها لي كانت تقولي لا تتكلمين بس خليك ساكته واستمعي بالبنات واذا احد سألك ردي عليه وطبعا لاني ساكته مااحد يعطيني اي اعتبار واذا اتكلمت ماني مسموعه لاني مافرضت شخصيتي كانت تهددني انها بتجي المدرسه تشوفني  مع اني كنت جريئه وعندي صديقات بس الحين مااعرف اسولف ولا من وين ابدا كل اللي اعرف اقوله كيف حالك ايش اخبارك وزي كذا سواليف وهرجه مااعرف من وين ابدا احس اني ارتبك 
وللاسف للاسف للاسف ماصار عندي ثقه بنفسي لاني ماادري ايش سبب منع امي لي من اني اتكلم مع البنات وماصحيت لنفسي الا بعد مااتزوجت واختلطت بالناس 
احزن على نفسي لمن تجي بنت بجمعه عمرها ب12 و13 وتسولف ولسانها زي الغسل الله يحفظها ولا يضرها وانا حرمه وساكته 
والحين تربي خواتي على الاختلاط  بالناس والحريم وقولوا كذا وخليكم كذاا
للاسف طلعت بالهدنيا جلفه جافه ماعندي ثقه بنفسي ماعرف اسولف  ثقافتي محدوده حتى زوجي قالي مره ماتعرفين تسولفين صارت زي الجرح بقلبي اذا زوجي قال كذا الناس ايش بتقول لاني كنت ساااكته اغلب وقتي ومافي احد بعمري   احب اختلط بالناس بس ماالقى لي قبول ولمن ازور احد احس اني ثقيله عليهم
تصدقون اني في بعض المواقف مااعرف ايش ارد وايش اقول واذا 2 يتكلمون اسمع كلامهم بتركيز عشان اتعلم اساليب الرد والحوار 
الله يسامحك ويحللك ياامي والله اني احبها واعرف انها تفكر اني صمتي لمصلحتي بس للاسف طلعت متوحده ومالي احد لاصديقات ولا جماعتنا 
حتى زوجي ملاحظ ان مالي احد اسولف معاه 
اللهم انا نسألك القبول في الارض 
الله يرزقنا الصحبه الطيبة والحمدلله على كل حال 

قولي اللهم حبب خير خلقك فيني وانتبهي تقابلين احد وتسلمين بحراره خليك ع طبيعتك سلمي عادي وامشي وخليك ثقيله لاتطيحين الميانه مع الناس بسرعه انا اسلوبي كذا والكل يبغ يجلس معي يعني باختصار لاتحاولين تعطين وجه بسرعه حتى السواليف خليك معاهم رسميه مو ع طول تثرثرين وتحكين عن حياتك وزوجك وانا اشتريت وانا رحت المكان الفلاني وتسوين نفسك انك تعرفين كل شي لا احذري من هالاسلوب واهم شي اختصري السالفه اللي بتقوليها والله يحبب خير خلقه فيك

قوي علاقتك مع الله ... لان الله لو احب عبد حبب خلقه فيه
ثانيا : اكثري من القراء في كتب فن التعامل فن الردود فن الحوار اللباقه في الكلام لو ما تقدري للكتب النت اكبر موسوعه لكدا
ثالثا : افتكرو دائما الصمت هيبه من لاهيبه له ..
رابعا : لاااااااا تبالغي ابدا ولاتجاملي كثير وخلي لسانك حلو بذكر الله يعني لمن وحدا تتكلم معاك ( ماشاء الله _ سبحان الله ..)
خليك مستمعه اكثر من متحدثه .. لان الناس تحب اللي يسمعلها.. والله يوفقك