سلام عليكم جميعا
ياجماعة انتم كلامكم صح100% لكن بالراحة على البنت شوي ...بتوصلونها للمقبرة بعد ..اكيد صابها الاكتأب
اما عن رأي انا ياأختي صاحبة الموضوع ....اتصرفي بمجموعة كبيرة من الي عندك لـ جمعيات خيرية .او اهديها لناس مقربين...روحي البنك وحددي الحساب الي ينزل بالصراف وخليه محدود بشكل معقول..اول كل شهر تصدقي بمبلغ معين صدقة جارية في هيئة الاغاثة وماتتخيلي كيف تحسي براحة وتتيسر امورك باذن الله...وخلاص ريحي نفسك من تأنيب الضمير
باي ذا واي,,شنطة شانيل اصحك تتصرفي فيها خليها طول العمر قدامك.1-لانها اكيد تحفة قيمة2-عشان تذكرك بأنك سويتي شي انت مو راضية عنه 3-انا ابي اجيك واتصور بجنبها...
ويارب انشالله تكون عندك الارادة ..والله يريحك ويباركلك بصحتك ومالك

انا راح اساعدك لوجه الله تعالى
وترا حالتك عادية في ناس كثير مثلك ومو معترفين بادمانهم على الاقل انتي احسن منهم انك اعترفتي وطلبتي العلاج
فإذا انتي مستعده قولي لي ولي رجعة لموضوعك قريب ان شاء الله

وش حليلي
اله يجزاكي خير كلامك صحيح بالنسبة للفلوس الي تصير بيدي غصب تصير
ومالي مفر منها .
مسئلة لما اشتري اشوف انا محتاجتها ولالا لاء هاذي للآسف ملغية بقاموسي ويمكن هاذا اكبر مشكلة عندي
وصدقيني مانسيت الفقراء والضعوف والملغلوب عليهم وما يحتاج احكي.
اشكرك كلامك صحاني من نوم.
____________________
اغلى وصال
مشكورة اختي والله يجزاكي خير دايما اذا مريت بمقابرهم افكر كيف يقابلون ربهم وهم كاثوليك ويهود واتذكر حالهم واحمد ربي اني ولدت مسلمة عسا الله يثبتنا
تسلمين اختي
____________________
nouf00
مشكورة اختي
____________________
شكلوتو
اختي مو مسئلة كل ماشريت اتصدق الحمدالله الصدقة هاذا شي ثاني
ومسئلة الدخل هل هو ثابت انا اقولك لا ماعندي راتب او دخل ثابت لكن زوجي وبطاقة من ابوي .
اما عن السبب ماعندي ريزن معين يعني زعلانة او فرحانة ما تفرق شفت شي عجبني ودخل راسي خلاص اجيبة او شسفتة بمجلة اسوي لة اوردر حتى لو اطلع مع صديقاتي احيا نا ما اشتري بس الاحظ نفسي لما اكون لوحدي اشتري واجزم اكثر
اسراف.
اتمنى اني اكون مسؤلة عن عائلة بس انا بدولة مدري ما اثق سراحة الا بالمسجد اذا رجت لرياض تتبلور الفكرة باذن الله
مشكوورة اختي على نصائحك والله من جد افرحتني.
_______________
orkidia
مشكورة اختي امين الله يشفيني
_______________
Sheery
والله كلامك سليم ياختي ادور لي على جمعيات مسلمة او اشوف المسجد اذا محتاجين دعم لمشروع تعليمي او تحفيظ القران او حتى يعولون عائلات محتاجة وربك يسهل .
_______________
دلوعة أبوها23
الله يخليلك ابوك وحنا نستغني عن حبهم وعطفهم لنا انا مستعدة مئة بالمئة .
________________
والله مشكورين بنات من جد مدري كيف صحيتوني من سبااااااااااااات عميق
انا باقولكم ايش صار معي اليوم
تكلمت مع زوجي بالموضوع
وقلت لة خل بطقات الصرف كلها عندك وانت المسئول عن اغراض البيت الي ابية اكتبة لك ولو بغيت اطلع مع البنات نوسع صدورنا اخذ ممبلغ بسبط يادوب حق الكافي والغدا بسسسسسسسسس
قال لية البهذلة ذي؟؟؟؟؟؟ مستغرب من قراري
قلت هاذي السالفة .
قالي
تعرفون وش رد على؟؟؟




ما توقعتة يرد على




قالي لا منتي بزرة ولا قاصرة ما تتحكمين بنفسك انتي مرة لك اولاد بالغة عاقلة قايمة بيت اذا انتي تحكمين نفسك يعني خلى البطقات معك لكن امسكي نفسك وهذبيها وانضبطي اذا اخذت البطقات اليوم بكرى بترجعين بتتعدلين لك شهر شهرين بس بترجعين صدقيني اذا ما اقتنعتي من نفسك مارحا تعالجين المشكلة راح تستمر معك بس اقعدي مع نفسك وحاسبيها وشوفي وين تصرفين وهل هاذا معقول؟؟؟؟؟؟ فكري وشوفي
اما اذا كنتى مصرة اني اخذهم عندي تراى هاذا قرار عقيم او فكرتي تقصيهم وترمينهم برضو قرار عقيم بانقطاع النضير؟



وش رايكم بنات انا اقتنعت واحس اني استحيت منة ومن نفسي ورحمت روحي من جد لكن انشاء الله باتحسن ونس اقين الف شكر وجزااااااااااااكم الله خير عن كل كلمة قلتوها لي والله يجمعنا مع ابرار المتقين بالفردوس الاعلى ننعم بوجهه الكريم
اختكم في الله

كلامه صحيح .. لانه اذا سحبها منك و رجعت لك بعدين بترجعين ..
لكن الصراع الافضل انها تصير بيدك و تمسكين نفسك عن الشراء :)
احسن حل .. ر وحي المكتبة و دوري عن كتب تتكلم عن هالشي .. و اغلب الكتب تلقينها عند جرير مترجمه للعربي لان الغرب عندهم مشاكل مثل هذي .. بس روحي للموظف اللي عند القسم و اطلبي منه كتاب عن هالشي و هو بيدور عليها .. و ممكن كتب الدكتور فيل تنفع :)

لاتخلين الفلوس معك
ولاترضي لنفسك بــ (( إن المبذرين كانو إخوان الشياطين)) ..........