مدمنين القهوة ((COFFEE))..ممكن دقيقة ؟؟

يووو والله اني مدمنة قهوه يوووووووووووووه بقوه(العربية)

طبعا القهوة العربي ما يبغى لها كلام مرتين ياليوم لكن

والله انا معذبني هالموكا أبي اضبطه زي اللي عندهم أبي نفس بودرة الموكا

وين القاه ياليت احد يفيدنا لأني صراحة انخرش عنده .

وبعد القهوة الامريكية .

انا احب قهوتنا وريحة الهيل وفيه قهوة البندق حلوة عند الرفاعي

انا كنت اشتري من ستار بكس بس قاطعتهم:06: مع ان ريحة القهوه لحالها ادمان لكن وش اسوي

وجربت جونيفير ابد مو مثل ستار بكس وللحين مالقيت القهوه اللي تعوضني:35:

هين قهوتنا مفيها كلام ,,

ترمس الله لايعوق بشر ,,

بس يشتهي الواحد انواع ثانية ,,

وقهوة البندق ياأوشن دريم اللي عند الرفاعي روعا مجربتها ,,
بس ودي بشئ يقلب الراس ,,

لما تشوفينها عند المحلات أشكال وانواع بس مدري وش اللذيذ منها ,,


بالنسبة لبودرة الموكا ,,شوفي ياتباشير ,,تلقينها بكل مكان ,,
الرفاعي....,... بروداوي بالرياض قاليري وممكن أماكن ثانية ,,

وطريقتها اللي تخليها تسطل سهلة ,,
جيبي مثلا ملعقتين كبار مليانة موكا وحطيها على نصف لتر موية وحطيلها سكر وحليب بودرة نفس القهوة وأفضل تزيدين
عشان تخثرينها ..وخليها تغلي كويس عالنار بعدين شيلها وأضيفيلها حليب مركز غير محلى زي أبو قوس او المراعي
,,وحطيها بترمس و ياسلام سلم ,,
طبعا أنا عطيتك مقياس أربع أكواب تقريبا ,,
لكن لما أعملها لنفسي بالنظر مايحتاج أقايس ,,