أكتب لكم بدموع ملؤها الحسره والألم فهذه قصتي ويعلم الله أني ترددت ألف مره في كتابتها لأنها عامه والكل سيقراها ولكن ضاقت بي الحيل فلعلي أجد عند أحدكم مشورة ...
كتب الله علي أن أولد يتيمة الأبوين ,,وربتني عمتي أخت ابوي ,,وكانت عمتي عقيم فأحسنت رعايتي هي وزوجها وكانوا لي خير عوض عن اليتم ,,وبعدما كبرت تزوجت من رجل لانعرف عنه شيئا ,,وبعد الزواج لاحظت انه كان يشرب بين فتره وفتره وكلما له يزيد وبعد زواجنا بسنتين دخل السجن بقضيه كبيره لأنه كان شارب وارتكب جريمه وانسجن لمدة ثلاث سنوات وكنت خلفت منه بنت مثل القمر ,,والحمدلله ربي رحمني اني موظفه فمااحتجت لاحد ابد وكفيت نفسي بنفسي كنت الاجازات اروح عند عمتي وعمي ووقت الدوام أرجع للبيت وكان زوجي في السجن اللي يشوفه يقول هذا خلاص راح يتوب نهائي وحفظ جزء كبير من القران وكان لما نزوره وجهه منور من كثر العباده فتوقعت ان ربي راح يكتب لي عمر جديد معاه فصبرت وتحملت الخوف والحمدلله ربي راحمني بجيران ساكنين فوق وكانوا مثل الأهل وي ذيك الفتره توفت عمتي وبعدها عمي فحسيت بالوحده في هالحياه ,,,المهم
بعد ماطلع زوجي من السجن ,,,وش تتوقعون ؟؟؟؟!!!!
تخيلوا رجع للشراب وصار مدمن الى درجه ماتتوقعون ...
استغفر الله ...يارب وين أروح ...عمتي وعمي ماتوا الله يرحمهم ,,,
والقرايب خلوها على الله مافيه أحد يسر أحد حاولت في بنات قرايبنا كم مره انهم يقولون لاخوانهم ينصحونه بس مافيه فايده كان مايعطي أحد وجه أبدا ويكره شي اسمه نصيحه ,,,شخصيته غريبه ...لاتقولون حاولي وربي حاولت معاه بكل الوسائل نصحته ,ارسلت له ناس من قرايبي نصحوه ,,حاولت ماأقصر معاه بشي ,,,بس مافيه أي فايده ,,بالعكس كلما له يزيد ....تكلمت معاه والمشكله لما اتكلم معاه وهو صاحي مو شارب ارحمه وربي احس انه محتاج تاهيل نفسي بعد السجن وحرمان الوظيفه ,,اتصلت برعاية السجناء والمفرج عنهم لانهم مسؤولين امام الله على مساعدة السجين على تخطي أزمة مابعد السجن وقالوا ان شاء الله بس للأسف ماحولك أحد
ماأساه بشكل ماتتصورونه حياتي انا وبناتي وابوه وامه المساكين ومع الاسف ماعنده اخوان كل اللي عنده خوات ومافي يدهم حيله ,,,
فكرت جديا والاف المرات بالطلاق بس اااااااخ بس ,,أصلا من عندي أروح له ..ودي ان عندي أهل أزعل ,,والتجي لهم بعد الله عز وجل في هالمواقف ,,بس ماعندي أحد لاأم لاأب لاأخ لاأخت ,,,والحمدلله على كل حال ,,,ربي معي ان شاء الله ,,
بس وربي احس اني مخنوقه ,,,وتخيلوا له ثمان سنين من طلع من السجن وللاسف اني خلفت منه ثلاث بنات
يعني تخيلوا من يوم تجي الساعه 10في الليل تجيني أم الركب أنا وبناتي أقسم بالله ياأخوات كأننا عايشين في فيلم مرعب سيناريو يتكرر كل يوم ,,أحيانا يجيني ندمان ويقول أنا اسف اوعدك ماعاد أشرب ويصير يلعن في الشراب ,,ويجلس كم يوم هادي وديع ,,,بس حده اسبوع ويرجع مثل ماكان ,,,ومن يوم يبدا الليل ,,وننام أنا وبناتي ماندري الا اللي يخابط في البيت ويصارخ وللأسف ان امه وابوه معانا ومارحمهم يصارخ في وجيهم ,,أحيانا يبكي عندهم مثل الطفل ,,واحيانا يجي متخانق مع شياطين الانس ويصارخ بأعلى صوته على امه وابوه يبي سلاح ,,,واحيانا يدخل على أنا وبناتي ويصارخ في وجيهنا ويضربني قدامهم بدون سبب ,,,ويهيني أحيانا ,,
تعبت وربي تعبت ,,
استغفر الله علشان ماأظلمه الشهر الوحيد في السنه اللي مايشرب شهر رمضان ,,لكن باقي الأيام كلها عذاب ,,تخيلوا بناتي عيونهم كل ليل وهي طايره ينامون على خوف ويصحون على خوف ,,بنتي هالسنه اولى ابتدائي ماراحت اول يوم لانه كان شارب ويصارخ في الصاله تخيلوا كيف راح تكون نفسيت بناتي بعدين
المهم انه احنا كلنا انا وامه وابوه طفشنا منه ,,فتكفون أنا ودي ان موضوعي يوصل لأي مسؤول في الدوله يريحنا من هالعذاب ,,
أو اللي عندها شور ثاني تقول لي رايها انا ابي اسوي شي علشان ينسجن ونفتك منه ماعاد نبيه لاأنا ولا بناتي,,احيانا ودي يجيه مرض يخليه يحس بالنعمه اللي هو ماقدرها
يمكن تقولون تكلمي معاه ,,,شوفي معاناته ,,,ماقصرت تكلمت معاه ,,,حتى اتصلت برعاية السجناء والمفرج عنهم ولكن يقولون خير ,,بس ماحولك أحد ,,
اللهم اهده واصلح حاله ,,وكفنا أذاه برحمتك ياأرحم الراحمين ,,
ا
اللهم اغننا بفضلك عمن سواك ...
اختك ,,,
ام لولي
للأمانه أنا كتبت لكم مشكلتي تحت معرف اختي ضي البدر لاني مااعرف اسجل وهي سمحت لي اكتب
جزاكم الله خيرا
ضي الحزن @dy_alhzn_1
عضوة
يلزم عليك تسجيل الدخول أولًا لكتابة تعليق.
الصفحة الأخيرة
(إنما أشكو بثي وحزني إلى الله )