شوكلا الباونتي @shokla_albaonty
محررة ذهبية
مديرة مدرسه فـــاصله لاتفوتكم....
الـــسـلام عليكم ورحمه الله وبــركاته
اعجبني القــصه ونقلتها لــكم :26:
تدور القصة حول مديرة مدرسة عزباء
غابت عن المدرسة يومين وحين عادت لمدرستها قابلنها المدرّسات بالسؤال والسلامات وينك يا مديرة ؟
قالت لهم : باركولي تزوجت مسيار!!!
:icon28::icon28:
قالوا المدرّسات : ألف مبروك .. بس مين سعيد الحظ ؟؟
قالت لهم : بصراحة زوجي هو زوج وحدة فيكم !! :44:
المدرّسات : تكفين علّمينا أي وحدة فينا لاتلعبين بأعصابنا ؟
قالت المديرة والله ما أعلمكم.
المهم لزّموا عليها .. قالت : أنا ماني متكلّمة .. لكن اللي تبي تعرف هو زوجها وإلاّ لا تجيب بكرة معها 500 ريال
وإذا جت توقّع الصبح تحط الـ500 ريال على طاولتها .. واللي آخذ فلوسها معناه زوجي مو زوجها ..
واللي أخلّي فلوسها على الطاولة وما آخذها فهو زوجها ... عيب عليّ أتزوج زوجها وآخذ بعد منها 500 ريال !!
وافقت المدرّسات على هذه الطريقة.
ويوم جاء بكرة .. وكل وحدة مزهّبة معها الدراهم ..
جت الأولى والثانية والثالثة والرابعة حتى العاشرة والمديرة تاخذ الدراهم ..
يوم جت المدرّسة رقم 11 بدت المديرة تتأفف .. المهم حطت الدراهم على الطاولة ..
قالت لها المدرّسة : تكفين خذيها يالمديرة قالت المديرة : اعذريني قالت المدرسة كانّها قليلة حطيت ألف بدال الخمسمية ..
قالت المديرة : أووووووووووووه معليش أثرك أنتي جواهر والله إنّي آسفة غلطت !!
تنفست المدرّسة وقالت : الحمد لله يعني بتاخذين الفلوس ؟؟ المهم أخذتها المديرة ..
ودخلت بقيّة المدرّسات حتى الـ 23 والمديرة تلعب بأعصاب كل وحدة وفي النهاية تأخذ الخمسمية.
المهم بقي مدرّسة واحدة ماجت
اتصلوا عليها المدرّسات : هاه وينك يا أستاذة ؟؟ قالت : والله إنّي تعبانة وماني جايّة .. هاه من صار زوجها اللي متزوج المديرة ؟
قالوا لها : لين الحين مابيّن شي والمديرة عيت تاخذ الفلوس لين تحضر كل المدرّسات
( يلعبن عليها بس يبونها تجي عشان يطّمّنون إنها هي لأنه ما بقى إلاّ هي ) وقالوا لها المدرّسات : لازم تجين تكفين.
المهم جت تسحّب رجليها بالقوة ودفعت 500 قالت يعني مو زوجي؟ .. والمدرّسات كل وحدة مبسوطة إنه مو زوجها..
المهم قالت لهم المديرة:
الدراهم ( 12000 ريال ) ما راح ترجع .. وأنا والله ماتزوجت ولا شي لين الحين عزوبية .. !! بس كنت مريضة هاليومين
وكنت أطلبكم قبل شهر تدفعون على 100 ريال نصلّح المصلّى ولا وحدة منكم دفعت :09:
قلت والله لأدفّعكم 500 ريال نصلّح المصلى ونشتري مصاحف وقف للمسجد.
قالوا المدرسات : بالعافية فداك الدراهم ولو تبين زود عطيناك هو صدق بس رجالنا ما تزوجوا علينا ؟؟؟!!
إن كيدهن عــظــيم
42
3K
يلزم عليك تسجيل الدخول أولًا لكتابة تعليق.
فرررررحه
•
ههههههههههههههههههههههههههههههههههههههه
هههههههههههههههههههه
والله انها رهههههييييييية هالمديرة
الله يكثر من امثاالها
بأقول القصة لأمي هههههههه
الله يجزك خير
والله انها رهههههييييييية هالمديرة
الله يكثر من امثاالها
بأقول القصة لأمي هههههههه
الله يجزك خير
الصفحة الأخيرة