مديرتي أستغلتني ...

الي يشوفون انها طيبة وخلصة استغلوها الله يعينك لاتسكتي وخليك قوية وناقشيها ماتقدر تسوي لك شي 24 حصة وفوق هذا مكلفتك باعمال فوق طاقتك والله حرام وظلم ماترحمك وين تروح من ربي...

أنا مديرة وجاي تعميم الي نصااابها 24 عاادي تاخذ جماعه وريادة
بس انا معلماتي الي نصابها 17 و18عطيتها ريااااادة فقط(( وهم العربي فقط))بحكم تعدد المناهج

كلميها وفهميها بلحسنى ترا الكلام الطيب له وقعة وتاثيرة

الله يوفقك

حبيبتي اول شي هل في في المدرسة معلمات اقل نصاب منك .. اذا في لا تستحين يا عمري روحي للمديره وكلميها قولي لها انا ما اقدراشيل كل هذا هي بتلاقي غيرك لا تخافين .. بالنسبة للمناوبه لازم تمر على الجميع .. مشاركتك في اعمال المديره هذي تعتبر مساعده منك .. الجمعيات على حسب التعميم لك جمعيه لكن غالبا المعلمات اللي فوق 20 حصة يستثنونهم المديرات عرفا .. واذا تبين من خبرتي الخاصه ما احد يقدر يجبر احد انه يسوي شي بالغصب وعادي ياعمري روحي اوقفي قدام المرايه وتعلمي تقولين لأ .. اذا انت حابه الشغل الشي يرجع لك لكن اذا حاسة انك مستغله ما احد يقدر يستغلك غصب عنك بس انت قوي قلبك ..

معليش عمري مندوبة اعلام ايش قصدك ؟ .. انت مدرسة حكوميه او اهليه ؟.. اذا منشورات ومطويات وكذا السنه هذي جاي تعميم بعدم توزيع اي منشورات داخل المدارس من اي نوع .. واذا اذاعة المدرسة خلي جمعيتك هي نفسها الاعلام على الاقل بنات الجمعيه يساعدونك بالشغل واختاري بنات كويسات للشغله هذي .. وشكلك ماشاء الله تبارك الله خطك حلو بس برضو الكمبيوتر موجود اي احد يقدر يكتب اعلان وباحلى تصميم على الكمبيوتر .. بالتوفيق لك انا ما ودي احرضك بس انا كنت زيك قبل وبعدين اكتشفت انو مافي غيري اللي يشيل الكل يناقش على اتفه الاعمال واذا الزموه فيه يسويه باي شكل عشان لاعاد يعطونه اياه مره ثانيه انا ما اقول سوي زيهم لأنها لو خليت خربت بس انت لك انك تحللين راتبك بالاعمال اللي فعلا مطلوبه منك اي تعاون خارجي يرجع لك الحق انك تسوينه او لأ ..

الله يسهل امرك ويوفقك

ما عندي علم بس ما حبيت اطلع بدون ما ارد عليك