مديرتي تهينني واسكت كثيير! خلاص طفح الكيل!!! حسبي الله ونعم الوكيل/ استوفى الرد

السلام عليكم
بدون مقدمات يابنات شوروا علي
ولله الحممد ربي شاء اني اتوظف وطبعا لاول مرة يعني
الشغل شيء جديد علي مالي الا شهر بس ونص
تخيلوا يابنات مديرتي لاحظتها دايما تهينني انا بالاخص من بين
الموظفات اول اهااانة قالت لي يالحولا والله الذي لا اله الا هو الحي القيوم
دون سبب فقط اني وقعت بمكان غلط ودايما اي غلطة مني غير مقصودة
تهينني وتصارخ علي قدام الكل سواء بالدوام او بالقروب اللي حنا متجمعين فيه
بالواتس اب دااايما دايما تقلل من شأني مرة اعترضت على شيء لاني ماحسيت فيه
مساواه لفيري محملتني شغل زيادة عن غيري قالت اسمحي لي اعتراضك جدا غبي
ودايما تهددني بالفصل وانها بتدور بديلة غيري.. احسها طفشتني كرهتني بالشغل
رغم انه كان حلمي اللي من وراه بكسب لقمة عيشي..
والمفروض اذا في اي اغلاط تتغاضى لاني جديدة عالشغل وتعلمني اغلاطي عشان اتفاداها بس مو بهالطريقة!!!

اخر مرة من يومين صارخت علي واهانتني بسبب غلطة غير مقصودة صدرت مني ومن زميلتي
جلست ابكي .. فيه اسلوب للتفاهم مو كذا بالصراخ والاهانة صح يابنات ولا انا غلطانة؟
يكفي رسولنا صلى الله عليه وسلم قال: ( الدين المعاملة).. اختصر الدين بكلمة وهي المعاملة.
وبكرة مالي نفس اروح بغيب بشوف اكمل او افصل..