مديرتي ظلمتني كيف اتصرف

السلام عليكم
طرحي للموضوع لهدفين اول شي الى عندها خبره عن حقوق الموظف الاداريه تساعدني
و ثانيا اني افضفض لان ما اقدر اقول لامي و اكسر فرحتها
رغم اني مسحت الموضوع كثير لان ما ابي احد يعرف خصوصياتي بس محتاجه اتكلم لان العبره خانقتني و ميته من داخلي شعور الظلم يوجع مرررررره
بختصر الموضوع بس بعطيكم نبذه بسيطه عشان تعرفون ليش فرحت كثيره بتوظيفي
احنا عائله مثل كثير عوائل لاب متقاعد يعني اسره دخله الاساسي راتب التقاعد و تعرفون رواتب التقاعد
راتب ابوي يبقى منه 900 ريال و الحمدالله يا دوب تكفى و بيتنا اجار و الاجارات نار و ياليته بيت على الاقل
الحمدالله على الاقل غيرنا مو لاقي بيت
عرفتوا ليش انا فرحت بوظيفتي لان راح يكون في راتب ثاني مايخلي ابوي يطلب من احد دين
ما يخلي ابوي اذا حل الاجار ما ياكل و مهموم ويتدين من الى يسوى و الي مايسوى واحيانا يسمع منهم كلام يضيق الخلق
صار ابوي ياخذ قروض من البنك و ينقص الدخل الى يالله يكفى عشان الاجار بس من غير مصاريف البيت و الملابس
و العلاج و غيرها كثير و الحمدالله على كل حال احنا نضل احسن من غيرنا
مشكلتي اني انظلمت اليوم في دوامي من مشرفتي المشكله انها بنت بلدي تترك الاجانب من غير حسيب و تقول ماعلي منهم
و بس واقفه لي والله اني اتقى شرها رغم ان مو من حقها تمنعنا من كثير اشياء عشان الراتب بس
تدرون اني مخططه لكل شي اول شي ابي اشتري لي لاب غير هذا لان مات خلاص خخخ
او لا ابي اشتري لامي اسواره ذهب ورتني هي و قالت من زمان نفسي فيها
و ابي ادخل اخوي اهليه و ابي اكفل يتيم و يصير مثل ولدي ودي اجرب الاحساس هذا
ابي اشتري لابوي سياره اي لان سيارتنا صغيره مره خخخ
يعني مثل الى عندها احلاااااااااااااااااااااام كثيره و بتحققها من الراتب هذا
الي صار بختصار اني اليوم تعبت في الدوام جتني الدوره وانا موت اتعب منها لازم ابره مسكن
و وحده من الممرضات اعطتني مسكن واخذته و باقي جسمي متخدر من تحت مع ذلك كملت شغل و درت على كل
الاقسام اكمل اوراق المرضى و ما ارتحت الا في وقت البريك نص ساعه طبعا
رحت استراحه الموظفات و ياليت مارحت لها قلت بتمدد شوي هناك و ارفع شوي رجولي عشان الدم
والله موت الالم يا بنات احسد العيال خخخخ
دخلت فجاه بشكل يخوف وسوت لي مشكله وقالت اوقع على انذار خطي رفضت انا لان استراحه موظفين كيف
ممنوع اكل فيها او ارتاح فيه طيب في غيري اجانب يصرعونا بريحه اكلهم قالت بالحرف مالي شغل فيهم
اي بس الحريم يطلعون عينك سبحان الله اذا مديرتك حرمه والله لتسود عيشتك حسبي الله
انا رفضت اولا لانها ماقلت لي ممنوع ثانيا باي حق هو ممنوع تناقشت معاها و اصرت اني اوقع
قلت لها انا اعرف في القانون اى شئ اكتبه بخط يدي يعتبر دليل علي ما اقدر اوقع على شي انا ماعندي فيه خبر
اخر شئ قالت تشوفين انتي تشوفين !!
حسبي الله ونعم الوكيل اكيد بتسبب في طردي من شغلي هي الى قهرها ان كلمتها ما مشت
كلامي كثير بس الى جرب الظلم و ان انظلم على شئ تافه بيفهمني كثر ما احاول اكون قويه
الا ان العبره خنقتني و كرهت المكان الود ودي انا الى استقيل و مو هي الي تطردني
بس ..
طولت عليكم بس يابنات معاي حق او لا كيف اتصرف اذا فصلتني