دخلت وظيفة وكنت الاحظ شيء غريب انه كان مديري يدق علي وقت خارج الدوام وفاليل ؟ وماكنت ارد عليه ابد واشوف رسايل توصل واتس واطنشها كان رحت تكلمت عليه عند اختي لان خايفة من المدير ونظراته لي فدوام واهتمامه الزايد بي خلى البنات دايم يتسالو ليش انا بالذات يركز علي ويهتم بمكتبي ولادري هي عين صابتني منهم حسبي الله وقالت لزوجها وهو صديقه وكان اللي مدخلني الشغل.
وانا دخلت هالوظيفة عشان بس اشتغل ماهو عشان يكلمني ولما طنشته ماشفت الا بعد فترة يقولي خلاص تعالي استلمي راتبك ووقعي وانا ماعلقت عشان كرامتي بس ماودي اذل نفسي عشان يخليني باقية في وظيفتي دام له غرض غير الشغل .. كان جاب موظفة غيري وحطها بدالي ...مع انه كان يمدح شغلي لاني الوحيدة اللي اجيد لغتين مع العملاء ... يعني ليش انا دون البنات مع اني ملتزمة بشغلي اكثر منهم.
مدري ليش كل شيء يروح مني الله كتب لي اعيش كذا سادة بدون شيء مزهرية فالحياة لان دخلت غيرها ونفس الشيء وسويت مشروع ونفس الشيء تروح مني الاشياء مع اني اجتهد فيها ماهو اللي افشل لاتروح مني كذا زي الهوى الشكوى لله طابت نفسنا من الدنيا والناس الشكوى لله .