مديري معه حق ولا نذاله ؟؟

السلام عليكم
بنات تعرفون توظفت الحمدلله بعذ عيد الاضحى
وادرس بالجامعه بعد المهم
طلبت من المدير حقي يوم واحد فقط اطلع قبل الدوام بنص ساعه عشان الحق ع المحاضره لان كل المحاضرات تحولت عن بعد بس هذا اليوم محتاجه اطلع قبل نهاية الدوام بنص ساعه فقط


وهو يعرف ان قبل انتهاء الدوام بساعتين ونص شغلي كامل ينتهي وماعندي شي اسويه ( لان شغلنا مرتبط بجهات حكوميه ) يعني سواءً طلعت ولا قعدت مو مستفيد مني شي هالوقت


وكلمته قال مافي انتي توك موظفه جديده تعتبرين ولايمكن اصلا اخليك تطلعين ولو قبلها ب١٠ دقايق حتى وانا ومشغول ومو فاضي وماعندي كلام غيره ومسك اوراقه وكمل وقفلها بوجهي
قلت طيب انت عارف ان هذا الوقت اصلا مااسوي شي خير شر قال هذا اللي عندي !!!!ومسك اوراقه !!!!!!!!
شف النذالة بس !!!!!!!!!!
يابنات قهرني نذل وش بيضرك لو سمحت لي !


وبدايه الدراسه كان عندي اختبارات اجباريه
ورينه رسايل الاختبار ورفض يحسبها غياب بعذر !
قلت خلاص بختبر وبرجع طيب
قال عندك ساعتين اكثر منها غياب !!!!
قلت طيب الاختبار مدته ساعتين ونص ؟ قال خلاص غيبي
طيب احسبه غياب بعذر قال مرفوض !




المهم اتفأجا يوم الخميس


الموظفات الثانيات اشوف ورقه الحضور
كاتبين غياب بعذر " لقاح كورونا "
كلهم خذوها نفس الاسبوع بايام متفرقه !!!
وصار هذا غياب بعذر !!!!!
قلت خير وش اللي ماخذه لقاح وصار غياب بعذر !!!
انا اخذته بنفس يوم الاختبار عشان اقدر ادخل الجامعه
وكنت مسخنه ومرضت من اللقاح وقعدت اسبوع اداوم
وماقلت بغيب ويصير غياب بعذر


قاعده اسولف مع عمتي عن الموضوع قالت اجباري ترا اللقاح يحسبونه غياب بعذر مدري صدق كلامها ولالا ؟؟؟




وش رايكم بنات ارجع اكلمه ؟ اقوله اجل نفس اليوم اللي غبت فيه عشان الاختبار اخذت اللقاح بعد


علماً الرواتب اعتمدت خلاص مخصوم يومين نزل
تتوقعون بيعطيني وجهه ولا خلاص اطنششش ؟




والله الخصم مو قاهرني كثر نذالته مايبغاني اطلع للمحاضره قبل الدوام وهو عارف مااسوي شي ذا الوقت


وتنرفزت يوم لقيته حاسب اللقاح غياب بعذر


طبعاً عذره انتي توك جديده


بنات وش رايكم له حق بحركاته ؟ ولا صدق نذل