مديري يتحرش بي ...ساعدوني بالحل

شلونكم صبايا ان شاء الله تمام؟:hahaha:
انا اليوم جاييتكم بمشكلة بتمنى حد فيكم يقدر يساعدني فيها
مشكلتي هلمرة في عملي انا اعمل لمساعدة زوجي في اعباء الحياة كوننا متزوجين منذ اكثر من سنة والحمد لله انهينا بتعاوننا كثير من ديوننا ولكن كما يعلم الجميع الحياه ليست رخيصة ونحن رواتبنا انا وزوجي متواضعة والرزق من الله

الآن مشكلتي ابتدأت عندما بدأ احد المدراء في الشركة التي اعمل فيها بالتقرب لي بطريقة مريبة في يوم من الايام كنت متوجه لمنزلي من العمل وانا كما ذكرت في مواضيع سابقة اعمل في محافظة واسكن في اخرى واحيانا ابقى في مواصلاتي ما مجموعه 5 ساعات يوميا في الذهاب والعودة فقط مواصلات ...المهم هذا الشخص هو ابن عز كما يقولون والده اكبر شريك في الشركة وهو راتبة بالاف الدنانير ومع انه متزوج ولديه زوجة جميلة وطفلتين ما شاء الله حلوين الا انه لا يستحقهم في هذا اليوم وجدني في الطريق انتظر مواصلاتي فتوقف واصر ان يوصلني طبعا رفضت بلقطع فوقف بسيارته في عرض الشارع وجلس يترجى ويا بنت الحلال الناس للناس وبوصلك شو يعني قلت له انه ليس من طريقي ورح اعطله قلي انا طالع كشف على فرع الشركة الي في المحافظة الي انا اسكن فيها ومع ذلك رفضت وبدأت السيارات تزمر وهو واقف والناس يصرخوا عليه يعني مشهد سينمائي في الشارع وفضيحة وبعدها كنت غبية وركبت طبعا الحمدلله الله ستر وما صار شي ولا غلط بحركة او شي ولكن بدا يشكيلي من حياته وانه تزوج وهو صغير وما بحب مرته وما عرف الحب في حياته ومن الحكي الفاضي ويحكيلي كم انا حلوة وفاتنه وشخصيتي في العمل رائعة ومحترمة وراقية ومن هذا الكلام وبعدها عرض علي اخلع زوجي بطريق المزح وهو يطلق زوجته طبعا انا ضحكت وتهزأت عكلامة قلتله اني تزوجت بعد عذاب ومعاناه وحب طويل مع زوجي واننا ما صدقنا انا وزوجي نلتم تحت سقف واحد وبلاخر اخلعة طبعا مستحيل لاني بحبه بجنون وحياتي بدونه ولا شي وقلتله انت كمان تحكي هيك من ورا قلبك لانك اكيد تحب زوجتك وبناتك احلى شي في الحياة ...طبعا انا ما عندي اطفال وزوجي بيتعالج وان شاء الله ربنا ما بيحرمنا الاطفال.......المهم غيرت الموضوع وسألته عن زوجته وبناته واهله بس عشان ينسى السيره وطبعا في كل مكان اقله نزلني هون واكمل انا الطريق صارت قصيرة من هون ما يقبل وصار يسأل عن زوجي شو يشتغل واذا يغار علي واذا عصبي قلتله زوجي مجنون غيرة وفعلا هو هيك وقلتله انه يغار علي من الهوا الطاير وجلس يقنعني اشلح الجلباب واجي على الشغل بالملابس الي كنت البسها قبل زواجي وصار يتغزل بشكلي زمان وبذوقي في اختيار الملابس قلتله زوجي هيك بده البس قال مش ضروري يعرف وتعالي فيهم علشغل واشلحيهم في الشغل طبعا انا زي الي بعالم الكوابيس بفكر بس كيف تجرأ يحكي معي بهلاسلوب يعني انا بعامل زملائي بطريقة عملية خالية من اي نوع مجاملة فكيف اعطى نفة الحق يحكي معي هيك وطول الطريق وانا مبين علي اني مش مرتاحة وخايفة ...المهم وصلني للبيت ولما وصلت تشاهدت وبس وصل زوجي قلتله انه مديري وصلني لانه في طريقه (مع العلم انه ما راح كشف على الفرع وطلع كذاب) زوجي عصب وقلي مش مهم بس لا تعيديها ووعدته ما تتكرر مع العلم انه المدير عرض علي كل يوم يوصلني وانا طبعا قلتله اكيد لا لا لا.........:06:
وتلتها الايام وصار يحاول معي اكثر مرة بده يعزمني علغدا ومرة عشا ومرة قهوة وهيك وانا ارفض وكل مرة حجة
وكان في زميل محترم في نفس القسم معي حس علي اني دايما متوترة بس ييجي المدير وانه يضل يتصل يسأل عني واطلب منه يقله اني مش علمكتب فقلي شكله يضايقك قلتله بعد ما فاض فيي من كثر التلفونات الي رنها المدير علقسم قلي طنشيه والمدير حس بانه واقف معي لانه اكثر من مرة يحاول يستخدمه عشان يوصلي ويصده بالنهاية تسبب بفصله بدون سبب بحجة ضبط النفقات عشان يحلاله الجو ومن يومين وانا عايشه بنار جننني تلفونات ولازم اشوفك ضروري وبدي احكيلك مواضيع وانا قلتله علتلفون وغيرة ما ينفع ما قبل ....هو خبيث وحطني براسه والمشكلة انا ابحث عن عمل اخر لكن كل حد يعرف اني متزوجة وساكنه في محافظة بعيدة يرفض يشغلني وعرضت على زوجي استقيل بحجة اني تعبت من المواصلات لكنه رفض وقلي وضعنا ما بسمح وفعلا كلامه مزبوط وانا ادري بس خايفة على نفسي هذا الشخص خبيث وقادر وطبعا الله اقدر من الجميع ومالي غيره اشكيله
بتمنى تشوروا علي بلحل وانا ادري انه من ترك شيئا لله عوضه الله خيرا منه لكن والله زوجي ما رح يفهم سبب الاستقاله ورح يضل يلاحقني ليعرف ليش وانا ما اعرف اكذب واذا عرف رح يبتلي بالرجال ونتورط
اخواتي اترجاكم تقرأو بتمعن وتعطوني حل سريع انا بطلت اتهنى بشي من كثر التفكير
:06::06: