السلام عليكم ورحمة الله وبركاته
رح أخش على طول في الموضوع و أحكيلكم وش صار من غير مقدمات
أخوي بصف ثالث ثانوي وفي مدرسه حكوميه ويبي ينقل من فصل أ الى فصل ب
راح هو زميله اللى المدير وطلبو منه إنه ينقلهم فصل ب رفض المدير وقلهم العدد كبير وماراح أنقلكم وعصب عليهم
قام زميل أخوي ودق على أبوه وقله المدير رافض أنه ينقلني لفصل ب قام أبوه قله أديني المدير أكلمه
قام كلم المدير وقله المدير هلا يأبو فلان كيفك أخبارك أمر وش تبي قله أبيك تنقل أبني لفصل ب
قله تأمر امر أنقله الفصل الي يبي وأخوي واقف يسمع المكالمه حتى خلص المدير من المكالمه وقال لزميل اخوي روح لفصل الي يعجبك
قام قله اخوي وأنا يا مدير قله انت ماراح أنقلك خلاص أنته ماتفهم أنقلع على فصلك
تتوقعون أيش رد عليه اخوي
قله نقالتها لانه عنده أب و أنا ما عندي أب
نقالتها لان أبوه حي وأنا أبوي ميت
والله لو أبوي حي كان سئل عني وجاء ألى المدرسه بنفسه ينقلني ويسئل عني أحسن منه
لكن أبويه ميت
والله اكتب لكم وعيوني غرقانه دموع من القهر على أخوي وعلى أبوي الله يرحمه
أخوي جاء البيت وهو مقهور وزعلان المدير كسر نفسه وطرده من الغرفه
أمي زعلت كثير والبيت كله أنقهر من تصرف المدير المتكبر
ومن قهر أمي حولت أخوي مدرسه أهليه كله عشان محد يكسر بنفس اخوي ويخاصمه وعلى كل صغيره وكبيره قالوله جيب أبوك :44:
حسبي الله ونعم الوكيل
لاتقولين لاتدعين مو زين والله أدعي من القهر الي فيني من الناس وظلمهم
الله يرحمك يا يبه الدنيا مالها طعم بدونك
والكل صار يصرخ علنا و يبي يتحكم فينا
وأعذروني إذا طولت عليكم
حبيت افضفض على الي في خاطري أحس اني مخنوقه ومو قادره اكلم احد
الماسه منداسه @almash_mndash
عضوة فعالة
يلزم عليك تسجيل الدخول أولًا لكتابة تعليق.
ياعمري عليك قولي الحمدللة وامك قدرت تنقل اخوك لمدرسة اهلية
وياحبيبتي الدنيا هذي اللي يعيش ياما يشوف
والحمدللة على كل حال
وياحبيبتي الدنيا هذي اللي يعيش ياما يشوف
والحمدللة على كل حال
اخ بس رحمة الله عليك يابوي
عزالله ان الاب سد وحصن ومنعة ... واذا راح الاب راح الامان !
عزالله ان الاب سد وحصن ومنعة ... واذا راح الاب راح الامان !
الله يصبركم يآرب ...ويغفر لأبوك ويرحمه ... لآتزعلي نفسك ...وزين انكم نقلتوآ أخوك مدرسة أهليه ...حآسة فيك والله ..الله يصبركم يآرب ...ويغفر لأبوك ويرحمه ... لآتزعلي نفسك ...وزين انكم نقلتوآ أخوك مدرسة أهليه...
مشكوره حبيبتي وجزاك الله ألف خير
والله يبعدك عن كل ظالم
الصفحة الأخيرة
الله يصبركم يآرب ...ويغفر لأبوك ويرحمه ...
لآتزعلي نفسك ...وزين انكم نقلتوآ أخوك مدرسة أهليه ...حآسة فيك والله ..