السلام عليكم
بحكي لكم قصه ولادتي الدراماتيكيه :06:
اولا انا اكتشفت ان معي سكر حمل في الشهر السادس وسويت حميه وفي الشهر التاسع اتلخبط عندي شوي وصار يرتفع
وكان فيه خوف على البيبي ونوموني بالمستشفى عندهم اللي هو مستشفى مدينه الملك فهد الطبيه ...
للأسف ماجاتني الولاده وحددوا لي يوم اخذ الطلق الصناعي وسحبت عليهم قلت يمكن تجيني الولاده من دون ماخذ الصناعي
وفي يوم 23 رمضان حسيت بألم خفيف اسفل بطني فرحت قلت بس جتني الولاده ..دقيت على زوجي لاني كنت من بدايه الشهر
عند اهلي ورحت لبيتي وحطيت لي شنطه صغيره فيها اغراضي واغراض البيبي نستعملها في المستشفى وشنطه بقيه اغراضي اخذها معي
اذا جيت اتنفس عند اهلي ...المهم رحت المستشفى وكشفت علي الدكتوره وقالت مافيه فتح رحم وماعندك ولاده :44:
وانتي ليه يوم عطوك موعد سحبتي عليهم :mad:...خفت منها ههههههههه
المهم قالت ماتطلعين انتي فيك سكر وتأخرتي كثير لازم تولدين لازم بنعطيك طلق صناعي بسرعه قرري ..
قلت انتظروا بدق على خواتي اشاورهم وكلمهم وماااش مو مرتاحه قلت لزوجي قال توكلي على الله ...
من بكره فطورني وعطوني طلق صناعي وتميت 11 ساعه ماحسيت بشي وكنت بغرفه كل اللي فيها مثلي وكلهم ماشاء الله كم ساعه وينفتح عندهم الرحم
ويرقونهم لغرفه الولاده الا انا:44: ...يوم تميت 12 ساعه حسيت بألم خفييييف جات الدكتوره وحطت لي تحميله مره ثانيه وااااااه من خشه اصابعهم بمووووت منها :06:
وكان طول الوقت فيه جهاز لقياس نبض البيبي ولاحظت الممرضه تروح وتجي وتنادي الممرضات وقلت لها شفيه سستر ؟؟
بيبي فيه مشكله ؟
شوي وجات الدكتوره وشافت التخطيط وقالت اخت ريم ماعليش راح نظطر نسحب الكبسوله اللي هي الطلق الصناعي
لان نبض البيبي ضعف وراح نرقيك غرفه الولاده ونشق كيس البيبي ونشوف المويه احتمال متبرز فيها وعشان كذا ضعف قلبه وقالت لاتخافين اصلا مجرد مانشق
الكيس راح ترجع لك الطلوق لانه يقوم مقام الطلق الصناعي ...شقوا الكيس والحمدلله المويه صافيه ...
قالت خلاص بنكمل الولاده الطبيعيه وضعك اوكي الحين وقلت لهم متى تعطوني الأبره الشرجيه قالت مانعطي ابره شرجيه لان عملوا لها دراسات ولقوا مافيه اي فائده تفيد الولاده ..وبعدها جاتني الدكتوره وشافت تخطيط قلب البيبي وماعجبها وخلتني اغير حركتي ...
خوفتني قلت لها لاتتعبوني ولا تتعبون البيبي اذا فيه مشكله سوو لي عمليه ...قالت لا ان شاء الله يمكن
وضعيتك خلته يضعف ...دقيت على زوجي وقلت له تعال قولهم يسوون لي عمليه قلب البيبي تعبان وانا تعبت او على الأقل يعطوني ابره ظهر تريحني
مع اني متفقه مع الدكتور قبل على الأبره بس يوم جات الولاده رفضوا وقالوا اطباء التخدير يرفضون يعطون اللي بتولد طبيعي ...
زوجي كلم الدكتور ورفض ..جلس عندي يواسيني ويمسح على ظهري وتعاطف جدا معي مع اننا كنا متخاصمين قبل بس يوم شافني اتألم
رحمني وتأثر بقوه ..المهم يوم وصل فتح الرحم 8 ونصف ضعف نبض البيبي اكثر واكثر جاتني الدكتوره وقالت بنسوي لك عمليه قلت لها ليش
قالت نبض البيبي ضعف ومستحيل نخاطر بحياه البيبي ونستنى لحد مايفتح الرحم 10 قلت توكلنا على الله وسويتها والحمدلله ولدت وجبت ولد ..بعد مادخلوني غرفتي ابد نصف ساعه وجابوا
ولدي عندي وقالوا يله اهتمي فيه
قلت شلون بتخلونه عندي ؟؟
قالوا ايه مافيه حضانه عندنا وهذا دورك اهتمي في ابنك ورضعيه ...تخيلوا وحده توها مسويه عمليه وتعبانه ويبونها تهتم في البيبي وبكر بعد يعني مافيني حليب وقالوا رضعيه قلت ياناس مافيني حليب قالوا المستشفى ماتعطي حليب للبيبي
قالت حاولي ..ولدي حبيبي بس يبكي ميت جوع وصدري مافيه شي ...كلمت زوجي وقلت له يجيب لي حليب ورضعه للبيبي ...
نصيحه لكل حامل لاااااااتروحين لمستشفى الملك فهد الطبيه سمعه على الفاااااضي ....
يلزم عليك تسجيل الدخول أولًا لكتابة تعليق.
ياعمري الحمدالله على سلامتك اهم شي قمتي بالسلامه
بس والله حرام توك والده عمليه ويحطوون عندك الطفل
بس والله حرام توك والده عمليه ويحطوون عندك الطفل
أهم شي سلامتك وسلامة البيبي...
الحمدلله على السلامه ومبروك ما جاك ..
اسأل الله أن يجعله من حفظة كتابه..
نفس حالتي جاني سكر حمل بس للأسف ثبت وصرت على الانسولين ...
نصيحتي لك عشان ما يثبت عندك//
((( الحميه))) لمدة 6 أشهر.. ولا تستخدمين حبوب منع الحمل لانها تثبت السكر ..
استخدمي لولب او ابره (( الموانع الوحيده اللي تنفع لمرضى السكر))
دعواتك لي بأن الله يشفيني
الحمدلله على السلامه ومبروك ما جاك ..
اسأل الله أن يجعله من حفظة كتابه..
نفس حالتي جاني سكر حمل بس للأسف ثبت وصرت على الانسولين ...
نصيحتي لك عشان ما يثبت عندك//
((( الحميه))) لمدة 6 أشهر.. ولا تستخدمين حبوب منع الحمل لانها تثبت السكر ..
استخدمي لولب او ابره (( الموانع الوحيده اللي تنفع لمرضى السكر))
دعواتك لي بأن الله يشفيني
الصفحة الأخيرة
جيت عندهم ومفتوح الرحم وانا بنص ثامن وتنومت عندهم ورفضو يولدوني لو غيرهم كانو شقو بطني وولدوني وجلست عندهم على مضاد الحيوي وعنايه ماشاء الله تبارك الرحمن
وجيت عندهم بعدها وولدوني طبيعي وبدون توسعه وانا كنت بكريه وماشاء الله نظافه وحنان واهتمام بلبيبي غير شكل حتى اني ماشفو بنتي الا بنهار وبلليل ياخذوها بس فيهم انهم يجبرون الوحده ترضع لما تناقشت مع دكتوره قالت الفايده للبيبي تطلع مع المويه اللي تزل لك من صدرك حتى لو مافي حليب تعطيها مناعه
يعني لاتظلمي المستشفى ....اكيد طحتي في وحده ماعندها خبره او تعسرت ولادتك واقاربي مايولد الا فيه وكلهم يمدحونه وولدتي ثانيه ***** الله فيه يارب يفتحون ملفي عندهم
حبيبتي لاتزعلي مني بس كلمة حق مني ....