الله يقطع ابليسج زين انا مندمجه وانتى جنج mbc ....كل شوى اعلان:mad:

بس عاد والله ماتحاسب ذبحتنى خخخخخخخخخخخخخخخخخخخخخخ;) ;) ;)

الله يقطعه طايح فيها تدقر<<....يعنى شتقولولها انتم امممممممممممم يفشلها

وهى خوش بنيه .....ياحرام تعاطفت وياها:44: :44:

المذكرات حلووووووووووووووه ...
مثل اللي كاتبتها...>>>شوية بكش علشان ما تنقطعين عن القصة

بانتظار البقية.....
مشكورة :26: :26:

غلاية والله حاسه فيك ياعمري عاااد انا أكره ما علي ام بي سي واعلاناتها

بس واش اسوي المذكرات لو احطها مره وحده بتسير طوووووووووووووووويله

ع العموووم يسلمووو ع المروور الحلوووو

القمورة أمورة

شرفتينا بمرورك

والحين أتركم مع الجزء الثالث من مذكرات ابو هديب:42:

المهم احنا عرفنا ان الطياره فاتت ابو هديب وهاااااله بس الوظف..... اتركم مع ابو هديب يحكي لكم اش سااااار
نكسة شهر العسل الجزء الثاني
قال الموظف....لنا
... بس ولا يهمكم فيه طيارة باكستانية متجهه للصين .. نحجز لكم قلت أنا يا الله الشكوى الله .. حجز لنا وجينا للمدرج .. ودخلنا الطيارة الباكستانية .. أول ما دخلت انفتح خشمي على الاخر من ريحة الصنان ..شوي دخلت وراي ( هاله ) اول ما دخلت على طول قالت هلا والله شباب كيف حالكم .. هي قالت كذا على طول التفت عليها وعطيتها بقس في نصف وجها من قوته أنسدحت على الباكستاني اللي داخل وراها .. حتى الباكستاني يوم طاحت عليه شاتها على ظهرها ظفر وصفق وجها في طفاية الحريق ... جيت عندها وانا اقول وين حنا جالسين فيه في مجلس ابوك ...

المهم جلست اناظر في الطيارة لقيت باكستاني معه لطخة سمنت جالس يسدبها فتحه في الطيارة .. والكراسي كراسي سيارة ونيت مديل ثمانين بدون احزمه هذي الدرجة السياحية اما الاولى كراسي جمس ( مرتبة طويلة ).. المهم جا المضيف لابس لبس باكستاني وقالنا تفضلوا دخلنا وجلسنا على الكراسي وعيني على لمبة السقف الصفراء عليها عشرين الف ناموس ... كأن حنا جالسين في قبو .. وأنا اناظر اشتغلت الطيارة والكابتن يقول لنا ( السلام اليكم ورهمة الله وبركاته الرجاء من السادة المسافرون ربط الاهزمه اللي ما انده هزام يتمسك في اللي جمبه وشكراً ) طون طوون طووون .. حتى الصوت حق الطنطنة ما طلع من الجهاز الكابتن هو اللي سواه بصوته من ضعف امكانيات الطيارة ..

اقلعت الطيارة أول ما اقلعت انكسر الكرسي حقي وطحت على اللي وراي وتجمعوا الباكستانين وشالوني ... وقالي واحد منهم تمسك في الحديدة اللي في السقف .. وهو يتكلم عن الحديدة هذي حسيت اني راكب باص مهوب طيارة .. جاني المضيف وقالي اجلس في الكرسي اللي جمب زوجتك من الجهه الثانية .. جلست في الكرسي اللي عند السيب حق المرور .. التفتت علي ( هاله ) وقلت شف يا ( أبو هديب )

ترى اذا وصلنا ما نيب متغطيه .. ابكشف عن وجهي ... قلت انا لا .. ناظرتني وقالت تغار علي .. قلت ما بقى إلا هي اغار عليك لو اخليك تمشين في نص الليل في اخطر شارع في الصين محد جاك ... قالت اجل ليش ما تبغاني اكشف وجهي .. قلت والله يا ( هاله ) ما ودنا تنقطع علاقاتنا السياسية مع دوله كامله عشان وجهك هاللي كنه فقع ما بعد استوى ...ناظرت فيني وقالت الشرهه على اللي تكلمك وإلا تعطيك وجه .. وحنا طايرين في الجو ناظرت في اللي جمبي

لقيت معه مجلات قلت يا الحبيب ممكن مجلة قالي تفاضل أخذت مجلة وجلست اقلبها وأنا اقلب طاحت عيني على ( اليسا ) وجلست أناظر فيها أناظر وأنا ابكي .. أبكي من القهر شوي ما صحيت إلا بوجه ( هالة ) داخل في المجلة وتناظر في ( اليسا ) .. وهي تقول لا تهمك ترى مكياج .. شفها بدون مكياج تطلع قبيحه.. التفت عليها نص التفاته وقلت .. هي تحط مكياج وتصير قمر ، لكن البلا باللي لو نصفقها بعلبة المكياج كلها ما زانت .. على فكرة يا ( هالة ) انت وجهك ما يبغاله مكياج .. صراحه أنت وجهك يبغالة شركة مقاولات .. وجاي طاقم العمل كله .. ولازم يسلم المشروع بعد مية سنه .

وأنا اتكلم جت المضيفة .. عند راسي ( صراحه المضيفه زينه ) جت عندي وقالت وش تبي تاكل .. قلت أنا أي شي .. سجلت لي الطلب من عندها وقالت والمدام وش تبي تاكل .. ناظرت فيها وقلت ما عندكم اكل قطاوة .. قالت نعم وهي تضحك .. هزيت راسي وأنا مبسوط يوم ضحكت ( بديت اتميلح ) .. وقلت أكل قطاوة اللي يجي في معلبات المدام تموت عليه ويا ليت بعد يكون في صحن مكتوب عليه دووك .. ما أمداني اخلص كلامي إلا جايني كوع في نصف وجهي من ( هالة ) من قوته طلعت عيني زرقاء .. يوم شافت المضيفة الضربه الخطافية طقتها الروعة وعلى طول انحاشت

.. وراحت تجيب الاكل .. التفت على ( هالة ) وقلت سلمات عسى ماشر جعله في وجهك هالطويل اللي كنه يوم السبت قالت هذا وانا جبمك تناظر وتقزقز وتوزع ابتسامات .. كيف اجل لو ما نيب موجودة وش بتسوي .. قلت يا ( هالة ) ليكون عادة نفسك زوجتي .. ترى انت واحد من العيال المفروض آخذ منك قطة السفرية هذي .. وانا أتكلم جا الاكل .. وحطوه على الطاولات اللي قدامنا صحنين فيهم ملعقة رز وشوي ادام ( مرق ) اول ما حطته المضيفة شافت ( هالة ) وانحاشت على طول واضح أن اثر الصدمه في عيونها حست أنها تتعامل مع حيوان مفترس .

توني اباكل إلا سمعت صوت ( هالة ) وهي تقول وعععععععع الله يحوم كبودهم على هالضيافه وش هالصحن ليكون جايين نطر منهم .. قلت اناهيه وش اللي وع العالم قامت تناظر يحسبونك لاقية شعرة في الاكل .. وبعدين ترى أحس أن هالصحن عندي إنقاذ من طبخك اللي كله بليلة اجل فيه أحد يحط بليلة بدريم وب .. :29:

سفهتني وقامت تاكل .. يوم خلصت ناظرت في صحني وحطت عينها على للحمة اللي عندي انا يوم شفتها كذا بغيت امسك اللحمة واصفر لها وارميها في آخر الطيارة عشان تروح تاكلها هناك .. بس ما امداني اسوي شي انقضت علي كنها اسد مجوع له ستة شهور .. يوم كلت نامت جمبي .. نامت نومة وحده مقتولة .. جلست اقرى المجلة ومندمج شوي سمعت صوت ماطور استراحه أو شي مدري وشوا ... والمضيفة تركض وتقول للركاب اربطو الاحزمة فيه خلل في الطيارة .. أول ما جت عندي قلت لو سمحتي وشوا خلله قالت الصوت اللي طلع يمكن انه من المراوح .. قلت لا هذا الصوت طالع من خشم زوجتي اللي نايمة جمبي .. :42:

وقف شعر المضيفة وهي تناظر في ( هالة ) وكيف جالسة والصوت يطلع من فتحة خشمها كنها مغارة يدخل فيها هوى .. قالت لو سمحت صحها لا تربك الكابتن وتشوش على الرادارات .. قالت كلامها وراحت اول ما راحت على طول مسكت الصحن الحديد .. ورجمته في وجه ( هالة ) من قوة الرجمه انعفط على وجها .. قامت بكل برود وقالت وصلنا .. قلت قومي الناس مختبصة هنا وطاقهم الخوف والسبه شخارك يحسبون المراوح حقت الطيارة خربانه ..

قالت ( ابو هديب ) بطني يوجعني احس بسكاكين.. ابي دورة المياه .. قلت أي دورة مياه في هالطيارة زين لقينا كراسي نجلس عليها .. قالت وش رايك ادور اقرب زاوية وتغطي علي انت الين اقضي حاجتي .. ناظرت فيها وقلت وين حنا جالسين فيه في براحه وإلا في ارض فاضية خارج الرياض .. طيب ابي دورة المياه .. قلت خلاص شوفيها في اخر الطيارة .. قومي .

رحت انا وياها ودخلت وقفلت الباب .. وجلست انتظر برى .. جلست انتظر عشر دقائق ، ربع ساعة ، نصف ساعة ، .. رجولي تكسرت وانا واقف .. شوي قلت في نفسي ليكون صار لها شي في الدورة ... ليكون سحبت السيفون وطاحت من الطيارة .. جيت وضربت باب الحمام .. وانا اقول ( هاله ) .. ما ردت علي قويت الضربه ما ردت علي .. قلت انا ما بدهاش .. لازم اكسر الباب رحت ورى شوي عشان آخذ مسافة وأجي طاير وارجف الباب برجلي ..

المهم وانا جاي طاير وماد رجلي ابرجف الباب انفتح الباب فجأة .. حاولت أني افرمل ما قدرت .. حاولت اني اوقف ما فيه امل .. شوي جت رجلي في بطن ( هالة ) أول ما ضربتها طارت عيونها ،من قوة الضربة رجعتها في الدورة وصفق راسها في المغسلة وستفرغت على رجلي .. حسيت بحرارة في ساقي كأن احد كاب أسيد على رجلي .. قمت اصارخ من قوة الحرارة .. الين تجمعوا الباكستانية اللي في الطيارة كلهم .. وطمر واحد منهم الظاهر انه دكتور وجا يفحص ( هالة ) ويفحص رجلي .. شاف هالة مغمي عليها .. قام فصخ شرابه وشممها شوي وقامت من قوة الريحه .. وناظر في رجلي وقالي انت عندك حروق من الدرجة الثالثة من اللي كاب على رجلك اسيد .. قالها وهو ما يدري ان هالة مستفرغة على رجلي .

عالجوني .. وجلسونا على الكراسي حقتنا .. و ( هالة ) تصيح وهي تقول ما توقعتك تمد يدك علي .. قلت الله يرحم امك ما ركب عليك الدلع .. لا ارجم عليك هالباكستاني اللي جالس قدامي .. وإلا أحط وجهك في جزمته .. ما يكفي انك عدمتي ساقي وصار معد يطلع فيها شعر .

قالت انا آسفه حبيبي .. بس انت اللي جت رجلك في بطني .. ناظرت فيها وقلت هذا جزاي داخل ابنقذك .. وانا اتكلم قال الكابتن ( الرجاء اربطو الاهزمة ألى شان احنا وصلنا الصين وكل نفر يسوي كمامة أو يهط طاقية في خشمة من شان سارس )
نزلنا واستقبلنا واحد مدري وش يبي .. واحد شكله قصير كنه قير ارضي .. أستقبلنا وودانا للفندق .. وحجز لنا وعطاني الطرد وقالي .. هذا سلمه لمديركم .. وهذي مفاتيح غرفتكم انت وزوجتك .. عطاني المفاتيح وراح .. جيت عند ( هالة ) وقلت لها وش رايك نروح لمطعم الفندق .. وبعدين نرقى للغرفة نريح شوي .. قالت وهي مستحية اللي تشوفه يا عمري .. صراحه حامت كبدي وهي تسبل عيونها كنها صطبات كرسيدا موديل ثمانين ..

رحنا للمطعم وجلسنا على الطاولة وكانو حاطين في النصف شمعة .. يعني جو رمنسي بس انا ما حسيت بالشي هذا .. مدري ليش من الله كذا ما حسيت بالجو هذا.. مدري عشاني جالس مع قطعة خشبة ..

المهم قالت لي ( ابو هديب ) .. قلي كلام حلو على هالجو .. قلت وأنا العب بحقت الملح اللي قدامي يا ( هالة ) ودي والله بس لساني ما يطاوعني .. أحس اني اخون ضميري يوم اتكلم كلام حلو احس اني اظلم الكلام الحو لأني حطيته في غير محله .. قالت لي ( ابو هديب ) ما لاحظت شي .. قلت وانا مستغرب لا والله ما لاحظت .. أنت ملاحظة شي .. قالت لي ايه ملاحظة .. قلت انا وش ملاحظة .. قالت اتوقع ان الصينيين اللي في الفندق كلهم اخوان .. قلت ويعوني طايرة وش دراك .. قالت واضحه كلهم يشبهون لبعض عيونهم ممسوسه وشعورهم ناعمه وقصيرين وغير كذا خشومهم مندقه .. قلت لها ما ودك تنطمين لا تجي هالملاحه في خشمك وتدقه مثل خشومهم ... وبعدين عندي لك نصيحه لعد تشغلين مخك ثاني مرة لا تجيك جلطه .

وثاني شي وخري الطفاية حقت السجائر من جمبك .. قلت وهي متسغربة ليش .. قلت ابد عشان ما يجي احد يلخبط ويطفي سقارته في وجهك .. اول ما قلت كلامي هذا قامت وزعلت واخذت مفتاح الغرفة مني وهي تقول انت انسان ما عندك مشاعر .. قالتها وصعدت للغرفة .. وجلست لحالي .. اقلب امور الحياة في راسي .. وأناظر في الناس اللي حولي ...وأقول في نفسي هل كل واحد في هالمكان سعيد في حياته الكثير يرسمون بسمات مزيفه عشان مصالحهم ... وغير كذا انا ما ارتحت في المكان ما احس اني انتمي لعروبتي لما أكون خارج عن النطاق ... ليش الناس تفرح لما تسافر للدول الاوربية وتخجل لما تسافر للدول العربية .. وش زودهم عننا .. حضارات عندنا تنافس حضاراتهم ... وعندنا ناس مليانه عقول .. واكثر اللي يحركون الاختراعات الغربية عرب ... بس مشكلتنا ان حنا فقدنا المصداقية مع أنفسنا وأصبحنا ننظر انهم هم افضل منا في كل شي ويا ليت على كذا وبس صرنا نفتخر لما ننقل عاداتهم في مجتمعنا ونسمي عاداتنا انها بلدية والتحضر والتقدم والانفتاح في عاداتهم ... وانا افكر جا عندي حق الطلبات .. وقالي سير ... قلت سير يتمحط على ظهرك ... قالي سوري .. قلت انا سعودي مهوب سوري ماتشوف آثار الشمس اللي صالخه وجهي .. شوي مل مني وراح ..

قمت ورحت للغرفة توني جاي ابدخل للغرفة سمعت صوت وحده تغني داخل ... جلست عند الباب متردد أدخل وإلا لا ..جلست اناظر الرقم اللي معي والرقم اللي على الباب واقول هذي الغرفة انا متأكد .. جلست ربع ساعة عند الباب كني تمثال رمسيس .. الين مرت مسؤولة الغرف ووقفتها وقلت وأنا ااشر على الكرت اللي معي وعلى الرقم اللي على الباب هذا نمبر سمسم نبر ( اسمع بالانجليزي ) هزت براسها .. أول ماهزت مشت على طول .. انا دخلت الغرفة وجلست انا دي بصوت واطي

( هالة ) .. شوي تطحت في غرشة ( قارورة ) مرمية في السيب .. اخذتها ودخلت غرفة النوم لقيت ثلاث قوراير مرمية .. وهالة واقفه فوق السرير تترنح وفي يدها قارورة وتشرب منها وهي تقول ( ابو هديب ) احسن زوج تعال لا يفوتك عصير التفاح حقهم يعطيك جوووووو .. هئ هئ قامت تشرق .. ناظرت فيها وقلت وش جالسه تسوين قالت اشرب عصير .. حسيت بالعطش واخذت واحد ثمن الثانية والثالثة .. الين حسيت ان الدنيا رهيبه .. قلت هااااااااا هييييييه اصحي هذا مهوب

عصير هذا خمر .. اول ما قلت كذا على طول رمت القارورة .. وقالت اشوى اني ما كثرت منه .. قلت أي ما كثرتي شربتي اللي في الثلاجة كله وتقولين ما كثرتي .. انا قلت كذا طاحت على السرير وقامت تصيح .. ناظرتها وانا متسغرب قلت وش فيك تصيحين .. قالت وهي تشاهق كنها مكينه يبغالها بواجي .. قالت تتوقع اني اشرب من خمر الجنة يا ( ابو هديب ) بعد ماشربت من خمر الدنيا ... قلت لها انشاء الله تشربين من خمر الجنة .. انت ما كنتي تدرين .. المهم خلينا نرجع على اول طيارة انا ما ارتحت .. وخصوصا ان هذا أولها ينعاف تاليها شاربه خمر وبكرة مدري وش راح يقدمون لنا الظاهر لحم خنزير وإلا لحم قرد يتيم .. وبعدين الديرة موبوئة كلها امراض .. وناس تسد النفس .. يا الله بسرعه هاتي الشناط .

جمعنا عفشنا وحجزنا على اول طيارة رايحه لسوريا .. عشان نقضي شهر العسل هناك :27:

الله يقطع أبليسج........لايكون الموضوع خلص:confused: :confused:

وااااااااااى وااااااى مت من الضحك خخخخخخخخخخخ حقت الباكستانى الى يلطخ الطياره.......والثانيه ماودنا نقطع العلاقات السياسيه......والثالثه شرايك ادور اقرب زاويه وانت اتغطى على......أذبحتــــــــــــــــــــنى;) ;)

ياربـــــــــــــــــــــــى له تكمله......والله القصه عاجبتنى..... :33:

جعل ابو اهديب مو رجلى عليه الفاظ تجيب السلال:(

يالله انا ان شاء الله ناطره التكمله:rolleyes:

هههههههههههههاااااااااااااااااااااااااااي
الله يرجك انتي وابوهديب
اقول لازورد وين الحاره حقت ابو هديب وياليت بعد تقولين لي متى يقول هالحكايات <<<البنت ناويه تروح ترسم عنده هع

انا كنت في يوم من الايام .. جالس في الغرفة لحالي لا لي ولا علي .. جالس اسمع شريط ( سعد جمعه ) كنت ضايع مع اغنية ( بسمك صرخت وصابني نشوة الزار )<<<<قدييييييييييييييييييييييييييم طالع طعس من فمه مو غبار خخخخخخخخخخخخ

يسلمووووووووو عيوني والله يعطكي العافيه