مذكرات بعد الابرة التفجيرية يوم بعد يوم

سلام صبايا كيفكن انشالله بخير؟
انا الي فترة بحاول لاقي موضوع يخبرنا الرحلة بعد الابرة التفجيرية بالتفصيل، وبما اني انا اخدتها قررت شارككن يومياتي بلكي بفيد الجميع بالموضوع
انا بدات علاج بالمنشطات من شي اسبوعين: كلوميد حبتين باليوم من ثالث يوم الدورة وابر مريونال ٧٥ ابتداء من اليوم ال ٥ من الدورة لمدة اسبوع. يوم السبت اي يوم ال ١٢ الدورة رحت عند الدكتورة فحصتني بالسونار وقالتلي ما شاء الله التبويض ممتاز عندي بويضات حجم ١٤ و١٥، قالتلي اخد بعد ابرتين تنشيط والاثنين بالليل اخد الابرة التفجيرية. وطوال هذه الفترة اي من بداية الدورة حتى المراجعة عند الدكتورة كنت اشرب يوم قرفة يوم اكليل الجبل نظرا لفوائدهم الكبيرة على التبويض. وقالتلي يصير الجماع يوم الاحد والثلاثاء والاربعاء
يوم الاثنين اخدت الابرة وهون صار معنا مشكلة، الابرة التفجيرية اشتريتها من قبل ٣ اشهر (نظرا لانقطاع الدواء في لبنان) امنتها قبل الانقطاع وكانت كل هاافترة بلا ثلاجة وصار ايام حر وشوب، من بعد ما اخدتها سألنا الصيدلي قلنا للكب ما بتسوى، تاني يوم الصبح دقيت للدكتورة قالتلي اخد ابرة جديدة لان الاولى بلا مفعول لانها بلا براد.
المهم يوم الثلاثاء صباحا اخدت ابرة تفجيرية من جديد، بعد ساعتين حسيت الم ونخزات بالمبيضين الايمن والايسر (الم يروح ويجي) وحسيت بثقل بالبطن.
تاني يوم الفجر حسيت بانتفاخ بالبطن ووخز بالمبيضين واحتقان بحلمات الصدر(الاحتقان ما زال حتى الان) ولكن لا يوجد اي افرازات.
في صباح اليوم الثاني من الابرة حصل جماع, وما زلت اشعر بثقل في البطن ووخز بالمبيضين يروح ويجي، وكمان لا وجود للافرازات. واشعر بصداع مش طبيعي ما عم يروح ب ولا مسكن، وجع كبير في الرأس.
كنت بدي اقيس حرارتي بس ما عندي ميزان حرارة.
بكرا بكفيلكن المذكرات كل يوم ب يومه وانا بحاجة لدعواتكم الله يتممها معي واطلع حامل، الله يرزقني ويرزق الجميع.