الله يحفظك ياخف طينتك ..تبارك الله
الفرة..........اول مرة اسمع هالمفرده مع اني عصيدة من الثقافات النجدية....

ياحليلك يابدوره الحلوة مع سوالفك اللي نص الكلام مافهمت منه شي يعطيك العافيه
الله يعينك على هالأنجليز اللي عندك الا بسألك سؤال قد يكون شخصي أنت تتحجبين ولا تتنقبين لأن من سياق كلامك ساعه احسك كذا وساعه احسك كذا --------------------->>>> ذابحتها اللقافه

ياحبي لكم والله كلكم...


امبراثريث ارجو من الله انه يوفقك ويشفيك ...بس ياليت تطمنينا عليك اول بأول الله يرضى عليك لأن انشغلت ليه تاكلين علاج؟؟

ام لقمرين افااااااااااا....اجل نسيتي : بالفرة ياستاد ؟؟:) اسألي أبوكم عنها :)

الضوء الناعم الفرة صح هي الخشة ...او الفم ...او البق على قولت اخوانا المصريي...

نورة الدوحة الفرة هي الفم وليس الوجه..خصوصا لما يكون الفم مفتوح بشكل أبله وفيه اسنان صفرا...

ملكي واي اجل تربية علقة؟؟وراتس توتس تقولين لي؟؟

أجودية الفرة عادة مايستخدمونها قحاطين نجد البدو...وهي مصطلح قدييييييم جدا يعني قبل لايخترعون مصطلح الخشة على ماأظن...


أم عبد الله انا ماجيت هنا الا عشاني عارفة اني بين اخواتي..


انا اختك..وهي اختك ..وهذيك اختنا...وهكذا..مافي شي اجمل من شعور الاخوة يابنات...


اللللللللللللللللللللللله يوفقنا جميعا ويرزقنا حسن العمل والنية ...قولوا آمين...

وه واتسبديه...اليوم قمت من النوم نفسي بطررررررررررررف خشمي...

بحثت عن (أبونا)...فلم أجده....وازهم عليه بالجوال (كود ان الجوال لحظتها كان مليان رصيد قبل لايقضي ويمنع عني زوجي الإعاشة:) )...

قلت وينك قال رايحن لمقهى انترنت بشيك حساباتي واموالي السائلة والمجمدة...:)لاياشيخ...

رايحن مقهى انترنت ومخليني...؟؟؟

والله يالحظتها شاطت تسبدي من صدق...لايهمكم اني حليلة واجودية ...

إذا جتني العنز وشفت مواقف زي كذا تجيني ام العبيد صدق..


والله ياصراخن صرخته عليه...ابونا وهو ابونا قام يهديني على التلفون ويقول جايتس جايتس هلحين..


طبعا استغرق الأمر ساعة ونص لين جا ودبجته لين بردت حرتي بعدين قعدت استفسر منه:


وليه رايح مقهى انترنت؟؟

قال لأني بجيب فلوس للشقة ..اجل بنسكن من دون ماندفع قسط اول؟؟؟

قلت ايه والنقطة المهمة هي ليه ماخذتني معك؟؟؟

قال والله شفتك نايمة قلت منب مزعجك...........!!!!!!!!!!!!!!

لا عاد؟؟؟ياذوووووووق...ياأددددددددب........ياأخلااااااااااااااااق...ياإتيكيييييييييييييييت...


ياآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآع...

والله ياانا ذاك اليوم بردت حرتي صدق مابقى الا الرسبشن يطقون علينا يقولون تعوذوا بالله من بليس ياجماعة الخير...

المهم طلعنا قبل لاتغرب الشمس ورحنا لمكتب التأجير المذكور حق أنابيلا...

ونلقاها قاعدتن تقهوى ونطب فيها ...نبي ندفع لك الحين ونبي الشقة المؤثثة ام سبعمية..

وهذي ورقت السفارة اللي تثبت ان لنا مخصصات واننا بندفع لكم شهريا..


قالت انابيلا وهي تبلعم....


تبون الصراحة ياخوان...راعية الشقة تقول منب أجرتهم اياها لين يجيبون لي غارنتور...

والغارنتور موب نوع من الحيوانات الزاحفة كما يوحي نطقها بذلك :)

ولكنه يعني كفيل...او ضامن....والله شي ياأنابيلا...اجل على آخر زمن حنا يبيلنا كفيل؟؟؟


قال رجلي وهو ينتفض غضبا: طب ياشيخة كنتي قلتي لنا من اول نروح محل عقارات غيركم ...


هي حطت ساقها الي طولي مرتين في سيارتهاوهي تقول روحوا وتعالوا كل المكاتب يطلبون غارنتور بمجرد ماتقولون لهم انكم طلاب...


يعني لو كنا عمّال...او اننا موظفين او داخلين بفيزة سياحة فالأمر يختلف...


لكن طلاب قالت لنا لأن كثير من الطلاب احرجونا ومايدفعون مستحقاتهم اول باول خصوصا اذا كان مالهم مخصصات مالية شهرية..

ومير نقعد نهيجن أنا ورجلي نبيها تلين معنا شوي:
يانابيلا ألا يابنت الاجواد...

شوفي اوراق السفارة هذي هي...


عليها توقيع واختام واعتماد...


وكل شهر بيدفعون لنا ...

عاد البيت الأخير ماكمل معنا...


المهم انها رفضت وقالت ان هذا شرط عام ..جيبوا كفيل بريطاني او عربي مقيم في بريطانيا...اي احد يقدر يدفع لنا لو تأخرتوا في الدفع..


والييييييييين....حنا منين نجيب احدن يكفلنا على آخر زمن...


ونقعد عقبها مدة ثلاث او اربع ايام ..نفرفر في هالمكاتب العقارية...ومن مكتب لمكتب...ومن خشة لخشة...

وكل مرة كان رجلي يقول لاتقولين حنا طلاب...اجل وش حنا ؟؟؟


صرنا اول ماندخل اي مكبت اقول حنا طلاب تبون غارنتور ولا الوجه من الوجه ابيض...


وللأسف....مالقينا الا مؤسسة تأجير وحدة..قلت انا ياهالوجيه السمحة..

مابقى الا يصبون لنا قهوة من طيرتهم فينا...

قلت ابدا يابونا مالها الا هالمكتب...ويحددون لنا موعد لرؤية الشقة الموعودة...


الشقة اللي قد قلت لكم عنها ...حقت ديفيد اللي جاين على رجوله...

وهي يوم نفرك ذيك الفركة...


ونرجع لأنابيلا...قلنا انابيلا ساعدييييييييينا...

مافي خيار ثاني؟؟

قالت الا فيه....انكم تدفعون...




إيجار.....



ست شهور!!!!



دفعة وحدة....


طبعا ابونا تبوبه ...مثلما ماانا تبوبهت...

لأن ايجار ست شهور يعني 700 باوند مضروبا في ستة يعني ثلاثة آلاف باوند وخمسمية...


والأهم من ذلك فيه شي اسمه التأمين (ديبوزيت) ايجار ست اسابيع مع مية باوند حق المكتب...


يعني حلبة صدق...


قلنا ويييييييين اقول بس ...رحنا لفندقنا نبي نستخير ونرجع لتس...

قالت ايه بس انهجوا لأن الشقة ام سبعمية راحت...فيه وحدتن تعاينها الحين..


........................


في الفندق فعلا حسينا بزنقة كبيرة...كبيرة جدا...

بهالديرة لاحنيس لاونيس....حتى اتصال انترنت مافي في هالفندق الكحيان...


حتى التلفون محسوب علينا لو نبي ندق...


جوالاتنا ارصدتها بدت تخلص....

فعلا فعلا حسيت بالضياع ذيك اللحظة....

لأنه مير لو انه موب برد تسان ميخالف نروح نتسدح بالحدايق نتبرد لكن بررررررررررد...

وين نروح ؟؟؟

وندفع ايجار فندق زود ثلاث ايام لين ربي يفرجها...


ومن بكرة نروح لأكثر من مكتب....والكل يجاوبنا نفس الجواب...تجيبون كفيل ولا مافي...


آخر شي رحنا للجامعة وقلنا لهم توفرون لنا سكن؟؟؟

قالوا ميخالف بس لازم يكون عندكم بزران...

قلت والله لو اني داريتن مير تسان جبت معي حمدّو ولاعذوذي...


قال لي موظف الجامعة موب مشكلة اخطفي لتس بزر وخليه ولدتس عشان نوفر لتس سكن..اي والله كذا قال لي هههههههههههه...


بايخ صدق؟؟؟؟





رجعنا فعلا نجر اذيال الخيبة...آخر شي قمنا ندور في النت عن استديو (غرفة للتأجير) او اي شي حتى لو موب مؤثث...المهم شي يضفنا لأن الوقت يروح منا.....ولازم نسكن قبل لايبدا الابو دراسته...



قلت لابونا شف....

انا ادري انها قطعة قلب اننا ندفع ست شهور لكن ايه احسن اننا نقعد ازود في هالفندق اللي مصط قلبنا؟؟؟

ولا اننا ندفعها دفعة وحدة ولاعاد نسأل عقب عن الايجار واللي ولدن لابوه يقول ادفعوا الايجار....


قال والله انتس صادقة وان الشور شورتس..


ونطلع عاد لمقهى الانترنت نبي نحول فلوس من البنك السعودي لحساب المؤسسة حقت التأجير...

طبعا الشقة ام سبعمية راحت علينا....وورتنا انابيلا شقتن ثانية هي اللي سكنا يبها ولله الحمد...



طبعا كانت في طور الاعداد وراعيها كان قاعدن يدهنها ويفرشها وشكله توصى خير فيها يوم درى اننا عرب وشافنا دفعنا جامد ....

وجاب لنا غسالة وثلاجتن وش حليلها وفرن كهرب...يعني ماقصر طويل العمر...


عاد انا كنت من الحماس ااقول يانابيلا سكنينا بها لو ماخلص فرشها ميخالف تفرشونها عقب مانسكن لأن ماودي نقعد ازود في الفندق سيء الذكر...


طبعا رمضان ادركنا وحنا لسه في الفندق....وصمنا ست ايام في الفندق وكانت ايام ...


والله ياكانت ايام...وعد لآاقصهن عليكم....

المهم ربنا رحمنا وجا يوم الجمعة كان سابع يوم من رمضان وعلى طول سكنا وودعتنا حقت الفندق ام هيلوووووو....وقالت اتمنى لكم حظا سعيدا...

قلت ياحبني لتس والله انتس تدخلين القلب من اوسع ابوابه....


وبغيت من الحماس اطيح من درج الفندق ...حتى من كثر قشنا ماوسعتنا سيارة التاكسي اخر شي جلست على القش..


ورررررررررررررر وحنا في شقيقتنا الحميمة....


ياحبني لتس ياشقيقتي...



لكن.



مابعد خلصت القصة....


فيه تفاصيل اكثر بتسيح دموعكم...وسواليف أخرى بتقطع بطونكم من الضحك..


تابعوني في الحلقة القادمة من (بيتي الجميل )

ترارااااااااااااااااااااااا






وتخلص وتملص....وتركب حميرها...وتزنننننننننننط.....



:):):)

ياحبيلك يابدوره على هالسوالف ,,, ان اول مادخلت المنتدى كنت اشوف قصصك ,وماكنت استطيع المشاركه,,,,

لكن في الأخير قدرت اتشارك معكم في كل وقت .... الله يعطيك العافيه