rawnd :

لحظات وتعدلت المرأه في قعدتها واكملت سرد قصتها المرأه : يا استاذه انا لما سمعته يقول مو متزوج اسودت الدنيا بعيني يعني مدعي للتدين وايروكع ليله نهارة جدام الناس واخرته ماشي مع ذي المرا بالحرام استغفر الله واتوب اليه انجنيت فكرت شسوي وهداني عقلي البسيط والله يسامحني على ان اهل البنت لازم يدرون قمت اتصلت على صديقة لي بنفس الشغل اللي يشتغلون فيه وقلت لها ابي اسم البنت ومن تكون وقالتلي اثاريها ارمله وعندها عيال ترملت صغيره ومعطيتها الحكومه بيت لانها ارمله وام لاطفال رحمة في عيالها واثاريها ماتبي تتزوجه عشان ما تخسر هالبيت يعني امعلقه الرجال الى ان يبلغ ولدها العود سن الرشد ويصير البيت باسمه واثاري انها مدعيه انها دينه ولابسة للعباة والبوشيه عشان اتطمن اهلها انها قد العيشة لحالها مع عيالها المحامية : لاحول ولا قوة الا بالله الطيور على اشكالها تقع المرأه : المهم خذيت التفاصيل وطلعت رقم تلفون اهل البنت و سيرتني حرتي منهم هم الاثنين وكذب زوجي علي يوم قال انه متزوج وانا متدينه واعرف ان الزواج من اخرى شرع الله وربي حلله جليل الحيا

لحظات وتعدلت المرأه في قعدتها واكملت سرد قصتها المرأه : يا استاذه انا لما سمعته يقول مو متزوج...

rawnd :

المحامية: والله اني ماالومج الحره تسوي اكثر بس عسى ما تهورتي وسويتيها المرأه : الا سويتها والله يعلم اني ماني ندمانه ، اتصلت على حماتي اخت زوجي ويشهد الله انها خوش مرا خايفة لله وانا وياها نحضر دروس دين مع بعض ومثل الاخوات وقلت لها عن اللي في قلبي وقالت لي انا معج اللي تبينه سويه هذا الوضع لا يرضي الله ولا رسوله قمنا انا وياها فضينا الدار من العيال وقعدنا على التلفون كنا مخابرات واتصلنا وحنا انتراجف وكل ما ترددت وحده فينا قامت الثانية تقوي اعزومها دقينا وكلمنا ام البنت وقلنا لها على الحاصل ما صدقت في البداية تقول بنتي طاهره ومتدينه ما يطلع منها هالخرابيط قلنا لها راقبوها وبعدين حكمو مانبي منكم الا هالشي عشان ما تنهدم بيوت والظاهر انهم راقبوها وامسكوها بالجرم المشهود وحطوه اخوانها وادبقوه دبق سنه بساعه ( ضرب ) لا والظاهر انهم داسوا ابطنه بعد:hahaha:

المحامية: والله اني ماالومج الحره تسوي اكثر بس عسى ما تهورتي وسويتيها المرأه : الا سويتها والله...

rawnd :

المحامية : احس انج بردتي جبدج و، وبعدين واشصار عليكم ؟ المرأه : جاني الرجال يبي ينجن اني فتنت على رفيجته ورفع علي السكين جدام عياله ولحقنا وكان يبي يذبحني لوما ادخلوا العيال بيني وبينه وبدت ترجف وادموعها تنزل ولسان حالها ما يقول الا حسبي الله ونعم الوكيل حسبي الله ونعم الوكيل المحامية : وييييييييييييييييييييه طلعنا من الاحوال الشخصية دخلنا شروع بقتل :eek:

المحامية : احس انج بردتي جبدج و، وبعدين واشصار عليكم ؟ المرأه : جاني الرجال يبي ينجن اني فتنت...