والصلاة والسلام على خاتم الانبياء والمرسلين سيدنا محمد الصادق الامين وعلى اله وصحبه اجمعين صلاتا وسلاما الى يوم الدين
لا لاتضيعون ماهي خطبة الجمعه :)
القصة اني فرحانه فيكم يا الغاليات انكم حرصتوا على هذا الملف المولود حديثا واحطتوه بالرعاية والاهتمام ويشهد الله اني لوما حسيت بتفاعلكم وحبكم ما كنت غذيته بالجديد من القضايا والاحداث الحقيقيه مئة بالمئة مضافا اليها بهاراتي النسائية والبوليسية الخاصه
اما بعد فانا على وعدي يا الغاليات الحمد لله تفرغت لكتابة قضية جديده منكم واليكم والسلام عليكم :icon28:
وبذكر المشغوليات كلمة شكر وعرفان اسجلها بحق طاقم مكتبي للمحاماه المميز والمنتقى بفضل الله الواحد الاحد بدقة وعناية اللهم ارزقهم جميعا الصحه والعافيه وبارك لهم في اولادهم وبناتهم كما تعبوا من اجل حقوق الناس بلا تمييز مابين قيمة كل قضية والاخرى وهذا ان دل فانما يدل على رفعة خلقهم وصلاح نياتهم
الشكر لله ولهم والحمد لله على فضله ومنته ورزقه
اما بعد هذه المقدمه اللي من زمان ما كتبت مثلها لضيق الوقت وندرة الرواق
اسطر لكم باناملي قضية جديده الا انها هذه المره لن تكون في صف المرأه ابدا :icon33:
والصلاة والسلام على خاتم الانبياء والمرسلين سيدنا محمد الصادق الامين وعلى اله وصحبه اجمعين صلاتا...
في احد ايام الاجازة اللي اتنطرها متى تجي عشان استمتع بوقت راحه اتفرغ فيها لزوجي الله يخليه لي ذخر واعيالي الله يسلمهم ويهديهم
رن موبايل زوجي رد بتلقائية وسلم وحايا المتصل وكان واضح انه احد اصدقاءه المقربين :arb:
زوجي : هلا والله بو فلان عاش من سمع هالصوت زوجي وقد تغير وجهه خير واشفيه بو فلان عسى ماشر ؟ لا لا لا اتقول مااصدق ابد اللي قاعد اسمعه معقوله
عقب كل هالعمر ؟
وبعدين وينه الحين ؟ لا لا لا اتخليه يروح لحاله لما ارد اكلمك صار خير ان شاء الله
سكر زوجي التلفون وطالعني وكنه ما يطالعني من كثر ماهو مصدوم المحامية : خير اشفيكم سم بالرحمن زوجي : والله ما ندري شالسالفه ؟ المحامية : اي سالفه الزوج :رفيجنا بوفلان اكبرنا عمر واثقل واحد بالدوانية واحرصنا على عياله المحامية : اشفيه ؟ زوجي :طالبينه المباحث يقولون عليه القاء قبض ولا ندري شالسالفه المحامية بخبث : واذا عرفتلك شالسالفه بدون ما اتعنون مكان اشتعطيني
زوجي انقلب وجهه : شاعطيج ماهو وقت قشمره الحين المحامية تعدلت بجلستي : وانا بعد مو قاعد اتغشمر هذا شغل ولا يخدم بخيل الزوج : خوش لج اتعابج عيل بس يلا خل انعرف شالسالفه المحامية : صار عطني ساعه وارد لكم الخبر< معناتها ابشر
رن موبايل زوجي رد بتلقائية وسلم وحايا المتصل وكان واضح انه احد اصدقاءه المقربين :arb:
زوجي : هلا والله بو فلان عاش من سمع هالصوت
زوجي وقد تغير وجهه خير واشفيه بو فلان عسى ماشر ؟
لا لا لا اتقول مااصدق ابد اللي قاعد اسمعه معقوله
عقب كل هالعمر ؟
وبعدين وينه الحين ؟
لا لا لا اتخليه يروح لحاله لما ارد اكلمك
صار خير ان شاء الله
سكر زوجي التلفون وطالعني وكنه ما يطالعني من كثر ماهو مصدوم
المحامية : خير اشفيكم سم بالرحمن
زوجي : والله ما ندري شالسالفه ؟
المحامية : اي سالفه
الزوج :رفيجنا بوفلان اكبرنا عمر واثقل واحد بالدوانية واحرصنا على عياله
المحامية : اشفيه ؟
زوجي :طالبينه المباحث يقولون عليه القاء قبض ولا ندري شالسالفه
المحامية بخبث : واذا عرفتلك شالسالفه بدون ما اتعنون مكان اشتعطيني
زوجي انقلب وجهه : شاعطيج ماهو وقت قشمره الحين
المحامية تعدلت بجلستي : وانا بعد مو قاعد اتغشمر هذا شغل ولا يخدم بخيل
الزوج : خوش لج اتعابج عيل بس يلا خل انعرف شالسالفه
المحامية : صار عطني ساعه وارد لكم الخبر< معناتها ابشر