rawnd
•
upup
طلعت من الغرفه ووصيت الفراش يدخل ماي وطلعت اشيك على المكتب والموظفين غبت 5 دقايق ورجعت لقيت الرجال متماسك اعصابه وماقصر معاه زوجي امطيب خاطره بالكلام
المحاميه : نكمل حديثنا يا بو فلان انا ادري ان الحديث عن الموضوع يثير شجونك وما تنلام بس انا ظروري اعرف شاللي حصل ذلك اليوم اللي ادعت فيه زوجتك انك ضربتها وههدتها فيه بالقتل
الرجال : اللي حصل اني يوم عصبت وشفتها متجاهلتني ناديتها قلت لها وقفي جدامي وحطي عينك بعيني وقوليلي وين كنتي فيه
انجنت تخصرتلي كنها في مسلسل وقالتي شيخصك انت وين كنت فيه ، قلت لها ولك عين اتراديديني بعد ما تستحين اولدج ريال امشورب واعيالج ترس البيت وانتي هايته لي هالحزه ماعندج ريال تحشمينه واتبلغينه وين انتي ذالفه ؟
قالت اسمعني عاد علم ياصلك ويتعداك انا مابيك ي تكتب البيت الجديد باسمي حالي من حال حريم اخوانك والا بشرشحك بالمحاكم انا اصلا تحملتك كثير انا توني صغيره وكل من يتمناني وامحافظه على روحي ولو ااشر لاي رجال جاني
يكمل الرجال : انا ركبني بذيك اللحظه الشيطان وقمت من حرتي وما ودي اطقها شلت مطارة الشاي ورنيتها بالارض خافت هي واركضت غرفتها وصكت عليها وانا سبيتها وشتمتها ويوم حسيت اني بوقظ اليهال شلت غترتي وطلعت اصيح مثل الجاهل من القهر
الله يا الدنيا ام فلان الغاليه اللي خذيتها عمرها 17 سنه وعشت معاها احلى سنين عمري تتغير علي هالشكل وليه عشان الماديات والله انها لو طايحت على راسي وطالبتني ما ارده عنها لكني بديت احس بعيونها غدر وطمع خلاني اهوجس انا من لي غيرها ياربي شسوي قلت اتعوذ من بليس اروح المزرعه واطخ كم يوم الين اهدا وتهدا واتراجع روحها
المحامية : يعني انت ما ظربتها ؟
الرجال : ابد يشهد الله من خلقني ما طقيتها ولا لمست شعره منها
المحامية : والله غريبه عقب هالسنين هذا سواياها انا مروا علي موكلات طاقها ريلها وامحلي كل ما منها ازرق واتحرج توصل مخفر او تشتكي اكراما للعشره ولعيالها وتلقاها تطلب الطلاق بصمت ؟
الزوج : انت ابهالكلام يا استاذه تزيدين حرتي الله يخليج لا اتكملين
المحامية : اعذرني يا بو فلان بس الواحد فعلا محتار من اللي سوته
بس اهم ماعندنا الحين نرتب حق محضر التحقيق والاسئله اللي ابتجي فيه
وهي كالاتي وناقشنا الاسئله واجوبتها وحرصته انه اهم شي ينكر التهمه جملة وتفصيلا وهو ما حصل فعلا في اليوم التالي راح الرجال مع اخوه للمخفر ودخل عليهم وافتحوا المحضر وثبتوا اقواله كامله
وبعد انتهاء مرحلة التحقيق انتقلت القضيه للمحكمه ووجهت للرجل التهمه رسميا ، والى هذه المرحله ما اتصدقون كان ينتظر منها اتصال يصفي الاجواء وكان يتصل علي يقوللي اولدي العود يقول ان امه ماكان قصدها اللي صار وانها ما تبي فراقي
وكنت اقول له اذا هي صاجه يا بوفلان تجي عند القاضي وتقول انها تبلت عليك عشان تطلع من التهمه او اتوثق اقرار اتقر فيه بالتنازل عن الشكوى وطبعا ما حصل كانت تلعب فيه مثل ما يلعب الجاهل بلعبته
ومره تدز له مسج تقول له انا ترا مسحوره ولا اتواخذني ومره تدز له مسج انا نفسيتي تعبانه عيالي ماعندهم مصرف لان الرجال سحب منها السواق والسياره بمجرد ماراحت بيت اهلها وما قام يعطي الفلوس اللي في يد اعياله الكبار عشان يصرفون على الصغار
ويوم الجلسه رحت وانا متحضره بكل ما استطعت ان ارتبه من دفاع وترافعت شفويا بالاضافه للمذكرات المكتوبه وحافظة المستندات وحجزت الدعوه للحكم
ولله الحمد براااااااااااااااااااااااااءة
ما تتصورون اشكثر عانى هذا الرجل نفسيا الى ان اخذ حكم البراءه ويومها دقيت عليه وقلت له الحكم قعد يصيح ويتشكر وقاللي الحين اقدر اخذ قراري براحه قصده عن وضع زوجته
ادري ودكم اتعرفون اشصار عليهم
الزوجه مع ابناءها الصغار في بيت اهلها والرجال معاه اولاده الكبار لاهي اطلبت الطلاق رسميا ولا هو راح وطلق الوضع ظال على ماهو عليه واخونها لبسوها الباة والبوشيه مره ثانيه وماعندها سياره ولا سواق ولا تشتغل فجنت وصارت تتصل على اخوانه وتشحت منهم فلوس عشان يوصله الكلام ويرجع يصرف مثل الاول ايام ماكان معاشه وكل ما يملك لها الا ان نفسه مو قابله
وقال لهم يا ترجع بيتها واتسامح والا تطلب طلاقها بالمحاكم اللي علمتني ادروبها
تعليقكم يا بنات
لاحول ولا قوة الا بالله
مسكينه عطت نفسها لصديقة خاينه نفسها ومعقده ونهايتها جات على راسها .. وينك يافيلسووفة ( المرأه عدوة نفسها فعلا ! )
مسكينه عطت نفسها لصديقة خاينه نفسها ومعقده ونهايتها جات على راسها .. وينك يافيلسووفة ( المرأه عدوة نفسها فعلا ! )
الصفحة الأخيرة
اشتـــقـــنا لــــكـ والله ...