ياحراااااااااااااااااااااام راح فيها المسكين هذا جزاء المعروف :eek: المفروض الواحد ما يشيل شناط غيرة خصوصا بالمطار الكل يخدم روحه خصوصا ان فيه عربات للشنط يعني ما فيه تعب

خوش وصية حسبي الله على الظالم

حسبي الله ونعم الوكيل .. حطوها في هالفقير المسكين !!!!!!!!


كملي يا اخيتي كملي

كملي أهم شىء انها قضايا حقيقية

هاهاها يا حلوكم يا بنات تفاعلتوا :hahaha:

عفية عليكم جذي ابيكم دوم متفاعلين عشان احس ان العبره اوصلت :26:

المهم كانت هاذي اول مرة احضر محكمه وماكانت جلسة محاكمة بالمعنى المعروف لا بس كانت جلسة تجديد حبس المتهمين وانا طايره ماادري شالقصه حسبالي سهالة وحسبالي روحي قوية :30:

دخلت لقيت مافي غير الضباط والمحامين وبعدين فجأة قفلوا علينا الابواب ، خفت قلت واشفيهم هذول قفلوا باب القاعة واوقفوا الضباط بالمسدسات على البوابات لا يخلون احد يدخل ولا يطلع جنا حنا في فلم

رفيجتكم قامت تبلع ريقها بالعافية وتقرا المعوذات واتقول اللهم لا سهل الا سهلته وان شئت جعلت الحزن سهلا ، اللهم ملكني قلب من احوجتني اليه ( اقصد القاضي )

وفجأة افتحوا الضباط ابواب المحكمه الخلفية وادخلوا المساجين مكبلين بالاغلال وياهو منظر يا بنات
اشكالهم وريحتهم الله لا يوريكم واحد مربوط بالثاني من ايديهم وارجولهم

ادمعت عيني بس قمت امثل اني اقلب ملفي اللي بيدي عشان موكللي المراسل الفقير ما يلاحظ اني مرتبكه