المهم

انا انصدمت ولو انها صايره فيني من قبل وايد:hahaha:

المحامية: خير يا ابو فلان واش الجديد

الاخ: الزوج اتصل وتعهد انه يتعدل ويصير رجال وحلف انه يطلعها في بيت ابروحها ويكرمها ويحطها على راسه واتصير هي الامره الناهية وجابلها خدامه ويقوللها اللي تبينه يصير بس وقفي عني كل شي

المحامية : هذا مهو كلام يا ابو فلان لو ان كل مدعى عليه قال باصطلح ووقفو عليه القضايا كان صارت السالفه عيد ولا احد خسر

الاخ: ها تظنين يكذب

المحاميه : الا اكيد كذاب كذاب واللي مثل هذا اشلون يتصدق هذا ما خاف يوم يزور معاملات رسمية جايني تقوللي صدقته

الاخ : عجل شانسوي البنت ودها ترد عشان عيالها و امه جت وتسامحت منها وحبت راسها وقالت لها انتي الداخله وحنا الطالعين

المحامية: امحك عايله وش هذولا عصابة علي بابا والاربعين حرامي ؟:hahaha:

الاخ : وش تشورين

المحامية: خل اختك تجيني وانا اعلمها اشبسوي

يا أستاذة الله يسعدك ويوفقك بحياتك
وينصرك على الظالمين يارب
بصراحة موضوعك روعة ويجنن
وفيه فوائد كثير ويقوي الوحدة فينا تاخذ حقها
وماتسكت عليه جزاك الله كل خير كملي وحنا متابعينك

ياربيييييييييييييييي تحمست معاك وبعدين وش صار

:hahaha: نكمل شوي قبل لا اخليكم واروح انام لاني انحولت من التعب:icon810:

قعدت على اعصابي مثل ما انتو قاعدين الحين تنطرون

ويوم جت الاخت واخوها لاحظت ان الاخت ماشاء الله وجهها راد ينور وكاشخه لابسه عباة اسلامية على اخر موضه والجنطه لويس فيتون والكعب العالي ، سبحان الله ردت عليها الراحه في بيت اهلها بالعافية

المحامية: يا فلانه مو عيب انج تردين على زوجج واتأجلين دعوى الطلاق لكن انج ترجعين تامنين فيه ابهالسهوله هاذي صعبه يصدقها العقل

الاخت : هو يصير ااجل الدعوى انا حسبت يا استمر او اوقف وانا ما اقوللج اني واثقه فيه اللي صار فيني مو هين بس نا فرحانه ماني امصدقه اللي قاعد يسويه عشان يرضيني اهو ورد اهو ككاو او هدايا وغزل ومسجات حب وغرام عشت الخطوبه واللهفه اللي ماشفتها يوم اني عروس الصراحه كأنه واحد ثاني يا استاذه

المحامية: طبعا ما انتي زنطتيه وسحبتيه لابد يسوي اكثر عشان تهدين اللعب والضرب عليه

الاخ : طيب استاذه في طريقه نمسك العصا فيها من النص محد يحب الطلاق وهذا عنده بزارين اصغار اكبرهم عمره سنه ونص حرام ما يعيشون حنان الاب واهو عايش انا كنت شاب نار عليه بس كل ما اشوف عيالها قلبي يحترق اكثر

المحامية: كل شي له حل وهو لازم يتحمل نتيجة افعاله معاج ، الحل انج تاخذين احكام النفقه اللي لج واللي لعيالج واتنفذينهم عليه وطبعا بيعطيج افلوسهم واهو يبتسم كل شهر قضاءا لا رضاءا عشان ما اتكملين عليه، اما الطلاق اناجله كم شهر لما يبين وش ابراسه اذا تعدل وقفنا واذا رد على بلاه كملنا ، هذا من ناحية من ناحية اخرى ابي اقرار المديونية اللي ضده تسلميني اياه احفظه بالمكتب عندي لانه احتمال يكون راسم يساحلج وياخذه بعدين يقلب عليج دامنه عندي مافي خوف لانه بيدري ان حنا وراه وراه

الاخت والاخ : خوش حجي توكلي على الله

وهو ماحصل يا محفوات السلامه الاخت ارجعت لزوجها وهي قام يصرف عليها بامر المحكمه واجرلها برا عن اهله وهي في قمة السعاده الحين وقضية الطلاق مؤجله بس توها من اسبوع قالتلي خليها تنشطب ، وقالتلي بعد ان زوجها سالها عن اقرار الدين وينه قالت له عند المحامية عشان تسحبك من عتراك اذا قررت اتعيد سواياك معاي وطبعا ضحك جنه مهبول واستعبط انه مو فاهم :hahaha: