شي عجيب والله موضوع هالبنت

خلصت النسكافيه وسالتها
المحامية: الحين يا الغاليه وش اللي في بالج من ناحية هالرجال

الصديقه : في شي بعد ما قلته استاذه احنا نزلنا بيتنا الجديد من سنتين وهوسكنني بالدور العلوي واجر الدور الارضي واثناء النقله بس مع نقلة الاوراق اكتشف اني مالكه نص البيت يعني اهو ما قاللي السالفه من قبل ابد

المحامية : غريبه الحين كتب نص البيت باسمك سكاتي العاده يجيج يفرحك بالسالفه ويعطيج صوره عن وثيقة البيت ؟
الصديقه : اي والله انا يوم طاحت اورقة البيت بيدي وانا الم الاوراق وشفت اسمي فيها يببت ( لولشت ) وطرت صورت نسخه من غير ما يدري وخبيتها وقلت لامي افرحت قالتلي ما قلت لج يموت فيج بس انتي ما تفهمين الله سخره لج

المحامية : انزين يعني اشلون كاتبلج نص البيت هبة ؟ والا رحتي وقعتي بيع وشرا ؟

الصديقه : لا مارحت مكان اقوللج تفاجات اني مالكه نص البيت :hahaha:

المحامية : انزين وين وثيقة البيت اللي عندك هذا كلام غريب والله

طلعتلي الورقه وقريتها وكانت الصدمه:eek:

الله يستر ايش طلع مسوي ؟؟؟؟؟

وثيقة البيت كان اموقع عليها شخص موكلينه الزوج والزوجه وهو موظف في بنك بصفته المشتري ومن جهه اخرى مالك البيت بصفته البائع ، يعني لا الزوج ولا الزوجه اللي هي الصديقه اموقعه

معناته البنت اموكله شخص اخر غير زوجها وايضا الزوج وكلوا نفس الشخص ( موظف بالبنك ) بالتصرف لشراء منزل ،

ومن خبرتي هاذي طريقة بنك اسلامي معروف عندنا يتعامل بهالطريقه اذا اخذ منه الزوج والزوجه قرض يسمى المرابحه يوكل فيه الزوجين البنك عشان يشتريلهم منزل بعدين هم يسددون قيمة هالمنزل للبنك

شرحت للصديقة هالكلام وسالتها اذا كانت ماخذه قرض مع زوجها ف: انصعقت :eek:

الصديقه : بس انا ما وكلت احد ولا عندي حساب هناك والدليل ان هالبنوك تفرض تحويل راتب الزوجين عليها وانا راتبي في بنك اخر لان الشركة اللي اشتغل فيها تفرض علينا بنك معين مختلف عن البنك الاسلامي اللي ذكرتيه في حسابات الراتب ؟؟:(

واش السالفه انا مصدومه يا استاذه اشلون ومتى وليش

المحامية : انتي متأكده ان عمرج ما رحتى مع زوجج ووقعتي على شي تذكري وبعدين هالبنك مالج اي تعامل معاه؟
الصديقه : لا انا متاكده

الله يخليج يا استاذه صدقيني

انا راسي قام يدور وين حمامكم احس اني برجع ( باستفرغ )

المحامية: قومي حبيبتي ادخلي حمامي الخاص هني داخل غرفتي

دخلت الصديقه الحمام ورجعت وسمعت بكاءها الحار ، الا اني ما قدرت اسوي شي الا اني انتظر لما تستجمع شجاعتها واتعيد توازنها وتطلعلي

انتو متصورين ان اللي قاعد يصير فيها هالشي عمرها بس 25 سنه وابوها مو حولها واخوها متزوج ولاهي بحياته وامها رافضه فكرة الانفصال بحكم معاناتها السابقه مع الطلاق يعني البنت وحيده وحيده وحيده :(
الله لا يخلي احد من اهله وعزوته قولوا اميييييييييييييييييييييين

أممممممممممممممممممممممين الله يكون بعونها
بس وش صار عليها
صدق زوجها قمه الخباثه حسبي الله عليه

اااااول مره اقراء موضوع كله في وقت واحد

وماشااااء الله عليك انسااانه قمه في الرقي والاخلاق وسعه الصدرر

الله يبااارك فيك ويعطيك ربي العافيه

بس وينك كملي نحن في انتظااااااااااارك