للرفع

ننتظر النهايه
الله يجزاك خير

اخيرا بنات ترا تعبني المنتدى بجهازي المشكله والا الكل عنده مشكله اكتب الرد واتعب ويطلعلي المتلقم ماادري اشقصته والمشكله مااعرف اسيف واحفظ اللي اكتبه قبل ما يضيع ادراج الرياح

ونكمل :

فكرت الصديقه وجتني وهي ماخذه قرار الطلاق وتبعاته فقط

الصديقه : استاذه توكلي على الله بالطلاق اما البيت فانتظر مشورتج فيه انا ماافهم ابهالسوالف الصراحه شاتشورين على

المحامية: حبيبتي دامنج مالكه في هالبيت ومحد ينازعج في هالملكيه مافي مشكله يستمر الحال كما هو عليه ، لكن لا تنسين ان زوجج سبق وهددج ببيع البيت واهني تكون المشكله ابيج تتحضرين لهاذي اللحظه

الصديقه : اشلون ، يقدر يبيع البيت بدون ماادري؟

المحامية : طبعا لا بوضعكم هذا لازم يخطر البنك لان البيت مرهون لصالح البنك فمحد يقدر يتصرف الا بامره ، وبحسب عقود القروض في هالبنك فالبيع له طريقتين اما عن طريقه يعني هو يعرضه للبيع ولما ينباع يخصم المتبقي من قرضه ويقسم الباقي بالنص بينكم

واهني انتبهي لا ينزل البنك الفرقيه على الحساب المشترك اللي عنده والا زوجج يقدر يسحب كامل المبلغ :eek:

او ان واحد فيكم يطلب بيع البيت بالمزاد العلني واهني الاضرار راح تكون كسر سعر البيت لان المزاد العلني يوحي للناس بوجود المشاكل على البيت فراح يكون الاقبال على الشراء ضعيف

الحل الثاني انج تتجهين للقضاء وتقسمين البيت في قضية اسمها قسمة منزل مع العلم بان زوجج اذا طلب البيع فان من حقه البيع

انا حطيت بيدج كل الحلول وانتي تختارين اللي يناسبج:)

اما بخصوص الطلاق فانا راح ارفع لج قضية طلاق للضرر ، ونفقه زوجية مؤقته ، ونفقة اولاد

الصديقه : مشكورة يا استاذه خلاص بلغيني بالمستجدات بس لي طلب اخير

المحامية: امري

الصديقه مابي اروح المحكمه ابد

المحامية : ؟؟؟؟؟؟؟ مو لازم روحتج بكل القضايا بس قضية الطلاق اكيد راح يطلبج فيها القاضي عشان يعرض عليج الصلح هذا شي يجبر عليه القاضي بموجب القانون

الصديقه: لا تكفين اخاف
المحامية :؟؟؟؟؟؟؟وش تخافين هو وحش كلمه ورد قطاها وتطلعين

الصديقه : خلاص يعين الله الله يسهل على يارب

وفعلا في الجلسه الاولى طلب القاضي المدعية اللي كانت المسكينه ترجف وعرض عليها الصلح وارفضت الصلح وثبت القاضي رفضها بمحضر الجلسة

وهذا ما حصل القضايا الطلاق ، ونفقة الزوجيه ، ونفقة الاولاد متداوله وان شاء الله كلها احكامها راح تكون بصالحها اما البيت لي الحين مستمر الوضع على ما هو عليه

بس تدرون وش الغريب في الامر لحد الان:30: :30: :30: ؟؟؟؟؟؟؟؟؟؟؟؟؟؟؟؟؟؟؟؟

شنو؟؟