مذكرات مغتربة في شمال أمريكا

السلام عليكم ورحمة الله وبركاتة حاابدا قصتي مع الغربة انا الحمدالله جيت امريكا وانا سندريلا لكن مع عوامل التعرية والبرد وكتر الاكل وبالاخص الكوكز اصبحت ولله الحمد تريلا حاولت اسا لي نفسي باأي حاجة تشغلني عن الطبخ والاكل ولكن في النهاية ارجعهلة لانو هو الشي الوحيد الي يثمر وافرح لما ادخل المطبخ واعمل حاجة وتظبط وطبعا بالعافية ما يبقى منها وصلة ..
الشي الغريب انو احنا وبالاخص في البلد الي انا ساكنه فيها مافي شي نتكلم فيه الا الاكل والله جربت والله سويت والله طبخت واللله استدليت وطبعا الكل تاني يوم راح جرب وكلنا داك الاسبوع طايحين في طبخة الاسبوع الي ظبطها فلانة..
طبعا تقولولي كيف وانتم بلد الاكلات السريعة ايوه بس الواحد يطفش ونشتاق لاكلنا العربي في مثل يقول( الوسيلة ام الاختراع ) اعذروني والله ماادري ان كان مثل ولاحكمة بس دا كلام شايع لما كنت في السعودية كنت اتكسل ادخل المطبخ واتحجج باي حاجة لكن هنا لو اتحججت مرة التانية انا من نفسي اقوم وادخل لانو ما في بديل عن اكلنا العربي كنت اطبخ كل شي في قدر وملعقة خاصة وصحن واللله لايوريكم المطبخ ما تقدرو تشفوني من كتر ما انا حايسة فية لكن الحمدالله مع الغربة والوحده اتعلمت اشتغل في المطبخ بملعقة وحدة وقدر واحد وطبعا لازم يكون قدر ضغط لانو اسهل واسرع وانظف وااوفر لانو الكهربا عندهم نار واكملكم ان شاء الله مرة تانية بقية مذكراتي..... :27: