السلام عليكم خواتي
خاطري أقولكم قصتي مع السمنة .. لأني ان شاء الله ناوية أبدأ نظام صحي ، بس أخاف إذا ما شاركت حد وياي ما أستمر عليه .. قلت خلني اقولكم عنه و أخبركم بتطوراته .. أحس نفسي ارتبط بكلمة معاكم .. يعني ان شاء الله استمر و ما أخرب
أول شي أبغي أقوله إني مش دبة دبة .. مجرد الزيادات تبع الحمل و الولادة و الي مش راضية تروح .. أووفففففففففف :06: .. و طبعا زيادات في غير محلها
المهم من بعدت ما ولدت بولدي الاول و انا العب رياضة و أثناء حملي الثاني استمريت بعد بس وقفت قبل الولادة بشهرين .. و من بعدها ما رديت ألعب مع اني ما مش من النوع الاكيل .. بس صرت كسووووووووووووووولة و ما أحب أسوي أي شي
بس قبل كمن شهر ، قررت أشد حيلي و أبدأ رياضة و ريجيم .. بس كل ما أبدأ .. بعد اسبوع أمرض .. يمكن ثلاث مرات .. نفسيتي تعبت بصراحة .. لأني أبا أنحف .. المهم رحت للدكتوره و سويت تحاليل .. الحمد لله ما فيني شي .. بس المشكلة اني انسانه غير متعوده على الحركة ، ايي فجأة و اسوي رياضة و ريجيم .. الجسم ما يستحمل عشان جي انهد و امرض .. لازم ما نحمل الجسم فوق طاقته .. و بعدين انا ما اشرب ماي .. قلة شرب الماي تقلل من حيوية الجسم و تزيد من الخمول و الكسل
و نصحتني اني أبدأ الرياضة اول مدة نص ساعة كل يوم لمدة شهر .. بدون ريجيم .. بعد الشهر الجسم بيتعود على الشغل و اذا سويت الريجيم ما بتعب ان شاء الله .. بس انا الحمد لله كنت العب رياضة من قبل و أعرف اني اقدر العب اكثر من نص ساعة في اليوم .. ان شاء الله بلعب ساعة كل يوم .. إذا الله راد و ما صار شي يمنعني
ان شاء الله من باجر ببدأ التالي
1) رياضة يومية مدة ساعة
2) شرب ماي 3 لتر او اكثر
3) شرب خمس اكواب من الشاي الاخضر كل يوم
4) الاكل عادي بس بقلل النشويات
و ان شاء الله بعد اسبوعين بخبركم شو صار
شكله سهل ، صح ؟ .. بس يباله وحدة عندها إرادة
ادعوليييي
السيدة ماما @alsyd_mama
محررة برونزية
يلزم عليك تسجيل الدخول أولًا لكتابة تعليق.
بالتوفيق حبيبتى
انتى لاتنتقدي نفسك ولاتتهزي بنفسك
لا انه عامل يساعد على اضعاف الاراده
حبيبتى انا جربت طريقه ولساتنى عليه
امسكي ورقه وقلم واكتبي فيه اليوم والتاريخ ودونى خانه
اليوم الى تمشين على الرجيم مضبوط تحطين صح فى الخانه اليوم الى تخربطين تحطين خطاء فى الخانه
وان شاء الله تفيدك اهم شي ماتنسين الرياضه لا انه تشد الجسم وتغظى على الترهلت
وان شاء الله تنحفى بصحه وسلامه
انتى لاتنتقدي نفسك ولاتتهزي بنفسك
لا انه عامل يساعد على اضعاف الاراده
حبيبتى انا جربت طريقه ولساتنى عليه
امسكي ورقه وقلم واكتبي فيه اليوم والتاريخ ودونى خانه
اليوم الى تمشين على الرجيم مضبوط تحطين صح فى الخانه اليوم الى تخربطين تحطين خطاء فى الخانه
وان شاء الله تفيدك اهم شي ماتنسين الرياضه لا انه تشد الجسم وتغظى على الترهلت
وان شاء الله تنحفى بصحه وسلامه
الصفحة الأخيرة
المشكله ان انا مثلك المويه يمكن 3ايام او اربعه اشرب فيها ماء وفنجان يادوب ما اكثر
وحتى الرياضه ما اسوي مع اني كنت قبل سنتين مشتركه بنادي
وجميع انواع الرياضه كنت اسوي
الان ياخساره بس شغل البيت وياكثره