طيب انتي جزاك الله خير اعطيتيها وجه و سمعتي لها و ماجاء منك شئ قولي لها مع السلامه و علاقتنا رسميه و بحدود عمل مو محتاجه تصادقينها .... لأن اللي بينكم عمل و تنافس يعني مصالح ....

ممكن البنت تغيرت لأنها ندمت انها تكلمت معك و حست بالخجل و تحاول تبتعد عشان ماتتكلم اكثر يعني ( ماتكب عفشها ) فيه ناس كل شى يقولونه حتى حياتهم الخاصه ...


وممكن البنت تتعرف على شخصيتك و عرفتك ، وهي الان تنافسك بالعمل ...


بالخط العريض ( علاقتكم علاقة مصلحة عمل لا اكثر ) نصيحتي صدقي احساسك و لاتتوسع علاقتكم  اكثر اللي بينكم سلام فقط

حطي فبالك هي جديده وهي كمان قاعده تختبر زملائها وتشوف
يمكن هي كمان نفرت منك فحبت تعطي لنفسها مسافه تعرف زملائها أكثر قبل ما توطد علاقتها بهم
إذا شخص نفر من شخص آخر مو معناته أن هذا الشخص مو كويس وإنما هذا الشخص ماله نفس طباعه الأخوات ببيت واحد وتلاقي إثنين أقرب لبعض فما بالك زميلات
تصرفي عادي لا تسحبي ولا تقربي وخلي الزمن يسوي مفعوله

وانا اقرأ كلامك تذكرت شي صار معي لما كنت مراهقه تقريباً في المرحله المتوسطه
في بنت من الاقارب من طرف امي كانت يومياً وقت الاستراحه الفسحه تدخل الفصل وتروح لقريبتها معاي بنفس الصف
ومن تدخل الى ان تطلع انا يجيني هذاك الشعور ان اصابعي تتشنج ووجهي احس فيه تنميل يزيد بالتدريج ومرات احس من قوته حتى فمي كأنه بيتشنج وفيني ضيقه وتعب
وبعد كم يوم هذي القريبه نادتني تكلمني برا رحت معها وطلعت السالفه انها تسألني عن شوز حذاء عاجبها شافته عندنا الله يكرمكم وتبي مثله
ومرت السنوات وبعدين سمعت ان المعيون اذا شاف العائن تصير له اعراض جسديه وضيقه والم متنقل و ... الخ
وقتها وكأن لمبه اشتغلت براسي وربطت بين هذاك الموقف القديم وبين اللي سمعته
اللي ابي اوصله لك ممكن والله اعلم هذي الزميله اللي ما ترتاحين لها اعوذ بالله نفسها ثقيله وعينها زايغه على شي عندك طبعا هذا مجرد احتمال وليس جزم وتأكيد
وانتي شفتي تصرفاتها معاك خلاص اطوي صفحتها ليش تشغلين بالك فيها وتبين تعرفين ليش راحت وقاطعتك
كان لازم انتي اللي تقاطعينها وتريحين بالك
في ناس سبحان الله طاقتهم السلبيه قويه تحسين بثقلها حتى بدون لا يظهرون لك الحقيقه
المهم تحصني وحافظي على اذكارك ولا تشغلين بالك باللي حصل
وتعلمي درس للمستقبل انك تتبعين احساسك القوي اللي ينبهك وتتعاملين بحذر

احيانا رب العالمين يرسل لك الحماية على شكل احساس غريب نسميه الحاسة السادسة

يابنت الحلال ابتعدي عنها افضل الارواح جنود مجنده كما قال الرسول صلى الله عليه وسلم قد احد يكون امامك يتصنع الطيبه لكن تكتشفين انها حاسده او تغتابك وتكرهك وهذا يحصل مع اغلب الناس ولاعاد تقدمين خدمات تقولين بجلس معها ثم تزعلين ان ماعاملتك بالمثل اذا بتصنعين معروف لوجه الله ماتتنتظرين عليه مقابل او خليك في حالك وانتبهي لشغلك انتي فقط
سبحانك اللهم وبحمدك اشهد ان لا اله الا انت استغفرك واتوب اليك ..