وينك نور انتظرك بفارغ الصبر 😁

سبحان الله وبحمده سبحان الله العظيم

وين باقي القصه انتظرك

انا تزوجت كمان وانا صغيره بس حسيت بنور وعذرتها وبالعكس احترمتها اكثر لان لو هي واحده غيرها وفيها الطاقه هذه كان لجأت للحرام بس ماشاء الله عليها دورت عن الستر وبالحلال ولايأست وغرها الشيطان
بنات ليش تنتقدونها ليه ابغى افهم كل واحده تتفلسف من جهه كأنها معصومه وتدعي المثاليه لو ربي كشف الغطاء عن عباده كان لذعت عقولنا من نفوس البشر حتى ممكن عن اقرب الناس لينا..فبلاش ندعي المثاليه ..ولانهاجمها كأنها سوت حاجه حرام
نور الله يرزقك من حيث تحتسبين ويسخرلك افضل عباده ويستر عليكي دنيا واخره 🌸

تابع ( 8 )
طولت ملكتي والرجال ماحدد زواجي وكثرت اتصالاته
علي.. وكل كلامه اسئله واختبار كأني ادرس مهو بتزوج كنت اسمع كلامه الكثير وارد عليه بالقليل
عقلي مشغول بالزواج متى يحدده شبعت من الكلام ونفقع راسي متى العرس ..
تقضيت وجهزت كل شي وملابسي في الشنط تعفطت وعفنت وخلصت الاطياب من الاستخدام وهو باقي يسولف في التلفون ويملي على شروطه ويفرض علي حياته وانا مستمعه جيده جدا حسيت اني في الاذاعه لغيت شخصيتي وكل رغباتي وتقمصت دور المراه اللي هو يبها تعيش معه .
يبي مراه شجاعه ومقدام انا ..يبي رومنسيه انا..يبي ذكيه وفطينه انا..يبي طباخه ومدبره انا ..يبي ذيبه تبطح الخروف وتذبحه انا ..كل شي انا بس متى العرس؟؟
اختي كانت تقول غلط تكلم البنت زوجها في الملكه واذا دخلت عليه لقت حياته غير تنصدم ولا تستمر معه تدخل عليه بدون اتصالات ولا مكالمات وتفهم حياته عن قريب احسن ...كلامها سليم وانا جربته بس المشكله ماناخذ بتجارب الغير لازم ننقرص عشان نتعلم ونحس
بعد ما اقلق راحتي وتعب نفسيتي حدد العرس ..
وجاء يوم العرس رحت اركض من الظهر للقصر وشايله تشريعتي فوق راسي ..
اقلقت راحت الكوفيره والمصوره تعالو بدري لا تتاخرونجوني العصر بغيت انتحر
صلحت الكوفيره مكياجي عجيب
طلعتني مهرجه مدري من سلطها علي ..
وخلت حواجبي مختلفه وحده فوق ووحده تحت
كأنها تقول مساء الخير
وماذبحني الا المصوره تعزز لها وتخف بي
دنتي قميله والمكياج ماكل من وشك حته
وعيونك بأت ادي كدا ..واللي يشوف عيوني يقول احد باقسني فيها لولا التسريحه ومسكت الورد والفستان غطت على العيوب كان غديت مطرسه وكملتها المصوره بتصويرها الخايسطلعت صوري كانها افلام كرتون ازين صور اللي ابيض واسود والباقي مكبره خشمي ومطلعه شفايفي مايله وبارزه عيوب الميكاج ..مطلعه وجهي ابيض مثل اللي مكبوب عليه دقيق غير الجسم مطلعته دمار والحمدلله الرجال في بدايت الزواج مايدققون
وجات الزفه ومشيت مشيت الناقه على انغام زفت العروسه ...وتربعت على الكوشه ..والكثير جو وسلمو علي وباركو لي ...ورقصو قدامي .. تذكرت نفسي وانا افحط في الزواجات مابقيت رقصه مارقصتها من سعودي لهندي الافريقي عشان اعرس ونهالت علي الهدايا والتبريكات
جلست على الكوشه وقت قصير وبعدين زفوني لغرفة الاستقبال ودخل علي العريس بغيت من الفرحه اقوم اضرب له تحيه
سلم علي وجلس جنبي ومسك يدي وذابت بين احضان كفه وكنت استمتع بقوت قبضته
وحلال جسدي عليه ..كل نبضه من قلبي تهز ارجاءالمكان ..
وتوقض احاسيس الحرمان.. ليشبع جسدي من نبع حنانه
بعد انتهى التصوير طلعت وفتح لي باب السياره وشال فستاني وركبه معي ونطلقنا لبيت الزوجيه
تمنيت الارض تطوى تحتي عشان اوصل بيتي واجلس بجانبه اتأمله واسرق لمسات جسده
كنت اتأمله كل لحظه وقول سبحان الله هذا نصيبي اللي بحثت عنه ..ساقه ربي لي سوق لما جاء وقته والحمدلله
عشت بدايت حياتي مثل اي عروس مستحيه وخايفه ولاتعرف عقل وتفيكر هذا الرجل ولا ميوله ..
لازم هي اللي تكتشف بنفسها ..كان تفكيري كيف ارضيه ومافكرت في ارضاء نفسي ...
جاني سرحان مستمر ماقدر عقلي يستوعب اني تزوجت وجالسه بجنب زوجي
وما كان حرام علي الان حلال...
كنت اذا نام المس وجهه ولحيته وانا اتامله واتذكر كيف سعيت له وكيف كنت محرمه ....
ابي احس بوجوده في حياتي عقلي الباطن رفض يستوعب وجوده ..
كان منتبه لحركاتي ولمساتي وسالني ليش كل ما نمت جلستي تلمسين وجهي ولحيتي ..
قلت فرحانه فيك ما كان تفكيره مثلي ولا عاش حرماني..
كان همه معقوله انتي عاقله ولا كلمتي احد
وحاطني في اختبارات مستمره ..ويحاول يتصيد زلاتي ...ويذكرني بتصالاته وكيف صديته..
ماكان شكه وكلامه صريح كان مبطن... مصلح نفسه ذكي يجيب لي قصص غراميه عشان يوقني واعترف له كان لي علاقات حسب ماصور له عقله المريض..
دائم يسالني ليش ماتزوجتي الي الان..
احسبه راحمني وحاس فيني اثاري تفكيره كنتي تحبين احد او لك علاقه ولا حصل الزواج ..
رديت عليه انت نصيبي ليش ماجيت تخطبني وتركتني كل هذي السنوات..قال ماكنت اعرفك ..
قلت خلاص لا تسالني طنشته وعشت متعت زواجي لوحدي ..وسعيت لإشباع حرماني لوحدي..
لااعرف مشاعر حرمانه..انا التي بحثت عنه.. وتزودت بصبري ..وشكيت حاجتي لربي ...وتحملت شماتت ضدي ...على مالم املك قراره ..ولا اعلم حاله ...ولم اكتب شخصه ...ولم اطلعت على قدري وقدره
تحملت وجع ارجائي.. وانين قلبي ..وشغف عاطفتي ..وحنيني لطفل بين اظلاعي... يأن صدري لحمل رضيع يشبعه ...وينحني له ظهري طوعا حتى ينام ويأنس في مضجعه ...
عشت معه مسالمه ادور راحته على حساب راحتي
ولا اعرف النوم عشان اذا جاني مايقول نايمه وتاركتني ..وفي نفس الوقت ابي اشبع منه
وحملت ببنتي بسرعه كنت فرحانه ونصدمت من ردت فعله ..استعجلتي ما كان ودي الان.. عارف عمري قارب الاربعين وكل تاخير يضعف الانجاب عندي وتصعب علي التربيه
قتل فرحتي بالحمل كنت اطلب منه واترجاه نروح
مع بعض نشتري ملابس البيبي وانا بدفع الفلوس..
ابي اعيش فرحت حملي وفرحت زوجي ونشتري
مع بعض هذي الحظه لها ذكريات جميله لاتنسى
كنت اشوف هذا المنظر قدمي قبل زواجي
واردد اللهم بارك لهم رفض يروح معي رحت اشتري
ملابس البيبي لحالي وانا اختار نزلت دموعي
وحسيت بغصه و حرقه في صدري جهزت شنطت
البيبي وجلست اتامل ملابسه في كل يوم وانتظره بشوق واحضنه بحنان واشتكي له المي وصبري حتى شفته بين احضاني
صار زوجي يتافف كثير مثل الشخص اللي يقول متى تطلبين الطلاق او متى اقول لك انتي طالق
ماصدق على الله تجي مشكله تافها
وقال خذي عفشك وروحي لاهلك
تركني ولا سال عني ولا عن ولادتي
وارسل ورقة طلاقي وعفشي كله حسيت ان شي انتزع من داخلي بالقوه وصار يوجعني ولهيبه يحرقني وكان احد يلوك كبدي لوك... كل ماحسيت بحرقته في صدري قمت توضيت وصليت... ورددت لاحول ولا قوة الابالله وتنطفي ناري ..
ويرجع الشيطان يعيد لي الموقف ويذكرني في بيتي وغرفتي وصالتي حتى اشم ريحة بيتي
ويحزنني على فقد زوجي ويشعل النار بقلبي على ظلمه وعلى فراقه
عشت معه ولا حسيت ان هذا زوجي وهذا بيتي حسيت اني ضيفه فيه اي وقت بطلع واترك البيت
بعد ما ولدت بنتي طلقني افقدني فرحت بنتي وماحسيت فيها ..
ونطويت على حالي كنت اعيش الصدمه وعقلي فصل عن واقعه ...وتذوقت مرارة الظلم والتخلي قاومت وفشلت مرت سنوات وبنتي تكبر بين يدي وانا
ما احس فيها حتى جاء ذلك اليوم
وقالت لي طبيه( هل تستحق تسعه شهور زواج الم سنوات )
لقيتها ماتستحق ولقيت نفسي ظلمت نفسي وبنتي معي وبديت اعيد حساباتي مع نفسي وحاولت اغير الكثير من حياتي
مرت سنوات على طلاقي وجاني خطاب كثير رفضت بعضهم وبعضهم راحو احساسي كمطلقه غير احساسي وانا بنت جربت الاثنين العنوسه والطلاق
يتبع