يا مفعوصتنا بدري عليك الابواب من هنا لحد ما تشطبين تتغير الموضة اسالي مجربة
اول نصيحة لك من اخت توها منتهية من بنا بيت باعتراف الجميع كبير وجميل ودقيق اقول لك لا تشتتين افكارك وابداي خطوة خطوة
اولا انت انتهيت من العضم اول شي روحي محلات الادوات الصحية واختاري القطع الصحية ووزعيها في الحمام وقرري مكان كل قطعة لان ذلك يترتب علية تمديدات اساسية وبالانسبة للادوات الصحية الغالي عندك ابا حسين عندة ماركة عملية جدا كل عدتها من النحاس مهوب من البلاستك اسمها توتو وهم يقدمون خدمة التوزيع المجاني للقطع يعني يفيدونك بالافكار وحاولي انه يكون فية حركات في الحمام بالذات الرئيسي من ارشات ورسومات ما يكون حمام جامد ابدا اما الرخيص فعندك الخزف السعودي عندة اشكال حلوة بعد ومعقولة
بعد ذلك اذا كان عندك خبرة او ارجعي للمجلات والاخوات ووزعي الكهرباء وحددي بالظبط الانارة والاباليك الجدارية بالذات والاباجورات ومخارج الدش يجب دراستها جيدا حسب مكان التلفزيون والافياش واللمبات لان ذلك يترتب علية شراء افياش والافياش مهيب رخيصة ولا تسوين مثل وحدة اعرفها حطت في كل جدار مخرجين للاباليك وقالت اللي ما ابية الغية بعدين واكتشفت بعدين ان عندها في كل غرفة 6 افياش مالها داعي ومنظرها قبيح لانها الغت الاباليك حقتها
اتفقي مع الكهربائي على اماكن الافياس والمفاتيح بحيث مفاتيح الانارة تكون على جهة فتحة الباب للداخل وجميعها بجوار بعض وعلى ارتفاع 130 الى 140 سم حتى يسهل للداخل انارة الغرفة ولا يكون مثل المهبول يتخبط في الظلام
كذلك توزيع التلفونات ان كان بتركبين سنترال يجب ان يكون بجوار طاولة جانبية في مخطط الفرش حتى لا تسحبين اسلاك في البيت
وش بعد يا عربوجة؟؟؟؟؟؟؟؟؟؟؟؟؟
اية يجيك بعد ذلك مرحلة اللياسة لابد ان يكون مليس مجرب لان عيوب اللياسة خطيرة ما تبان الا بعد البوية حيث تظهلر التعرجات وفية حيلة بسيطة تمكنك من اكتشاف الاخطاء بعد ان ينتهي المليس تعالي في الليل وجيبي لمبة معك ومشيها على الجدار بذلك تكتشفين الخطا مبكرا كذلك انتبهي للتلييس من تحت لان ذلك يبان عند تركيب السيراميك والابواب
وانتبهي ان الاماكن اللي بيركب فيها حجر او سيراميك على الجدران يكون تلييسها خشن وليس ناعم لذلك يجب ان تقررين قبل اللياسة اذا كان عندك اماكن بها هذة الديكورات
بالسبة للشبابيك تاتي بعد اللياسة طبعا اغلى محل ومجرب هو غرناطة وعندك كذلك المانكو اختاري الشبابيك الالمنيوم اللي بلون الخشيب يزيد سعرها شوي بس شكلها اروع واذا كان بيتك ستايل ريفي او مكسيكي تمشي معة مرة ولازم تكون الشبابيك عازلة للصوت والحرارةوتكون عبارة عن شريحتين زجاج بينهما منطقة مفرغة من الهواء
وفية ناس سوو في الصناعية بس السعر قريب والجودة ما عندك احد امتلت بيوتهم غبار
بعد ذلك الابواب فية اماكن كثيرة ومناجر كويسة ممكن تسوين عندهم ابواب حلوة ودرابزين جميل اذا كنتي بتسوين الدرابزين خشب والابواب شغلها كويس في الصناعية وكذلك الدواليب حقت غرف الملابس
نسيت اقولك الشبابيك اذا بتحطين فيها شتر كهربائي لازم تقولين للكهربائي وتنسقين بينة وبين شركة الالمنيومحتى يسوي تمديداتة
زنصيحة لجميع الاخوات ايااااااااااااااااااااااااكم ان تضعون التشطيب على المقاول لانه سيختار اردا الانواع ليوفر اكبر قدر من النقود وانتم عارفين نوعية مقاولينا من نوع اهبش وانحش ما يهمهم المواطن ابد
واي خدمة يالمفعوصة عربوجة المنتدى مستعدة

معتزه بالاسلام ..

كفوا والله .. كفايه ردك علي
شكرا يا الغاليه ما قصرتي ..
الله يوفقك ويسعدك ...


اما انتي يا عربوجه ...

:26: :26: :26: :26:
:26: :26: :26: :26:
:26: :26:

بصراحه .. بصراحه ..

رهيبه ..

قريت ردك 7589000 الاف مره
واحس ان كل سطر اهم من الثاني ..

لا و طبعته عندي علشان امشي خطوه
خطوه زي ما قلتي ..

وبصراحه كفيتي ووفيتي وما قصرتي ..
قلتي الخطوات والزين والشين والمحلات بعد ..


جعلك تسلمين .. ونورتي المنتديات يا احلى عربوجه ..
واحنا مانستغني اذا تزدينا من خبرتك في البناء وفي
مرحلة التشطيب بالذات ..

وجزاك الله الف الف خير ...

بعد اللياسة يامفعوصة عندك مرحلة الجبس وهناك نوعان للجبس من ناحية الخامة ومن ناحية طريقة التركيب
من ناحية الخامة عليك بالجبس الفرنسي لمنطقة الحمامات والمطبخ لانة لايمتص الموية ومقاوم للحريق لا سمح الله طبعا المقاول حيحاول يقنعك بالجبس السعودي ويقول انه يشبهه تدرين لية؟؟؟؟؟؟؟؟؟؟؟
لان كيس الجبس الفرنسي بخمسين ريال والسعودي بخمسة ريال عرفتي إإإإإإإإإإإإ
ثانيا اشترطي ان تكون عملية تصنيع الواح الجبس امام عينك في الموقع لانة ممكن يجيب لك بلاطات جبس عادي ويقول لك انة فرنسي وانتي ما تدرين وهناك طريقة نعرفها نحن مهندسين الديكور للتمييز ولكن يصعب شرحها
كذلك احسن نوع جبس فرنسي وارد البعيز نمبر ون كذا اسمة اذا سمع المقاول معك هذي المعلومات بيعرف انك منتيب سهلة وفاهمة واشترطي علية انيكون الشعر المستعمل في بلاطات الجبس شعر كيني وبكمية راهية لان الشعر هو اللي يمسك البلاطة ببعض واذا كان قليل تتشقق البلاطة بسرعة عرفتي لية طلبت منك ان يكون التصنيع للبلاطات في الموقع عموما الجبس همومة طويلة ولما تجين مرحلتة ارسلي لي على الخاص
بعد ذلك تجي طريقة تركيب الجبس او تعليقة هنالك الطريقة الهندية العادية وتستخدم في اغلب البيوت وهي تكون بربط البلاطات بالسقف بالشعر وهذة تستخدم دائما وسعره معقول ما بين 60-70 ريال وممكن باربعين ولكن انحاشي من ابو اربعين لانة سيغش في الخامة وافضل جنسية للجبس المعلمين الهنود ابعدي عن الباكستانيين لان ما عندهم سالفة
اما الطريقة الثانية فهي الطريقة الفرنسية وتستخدم للبيوت التي بها تكييف مركزي فاذا كان لديك قولي لي حتى اشرحها لك
واذا كان سقف بيتك واطي اختاري تصاميم ترتفع من الوسط لاعطاء احساس بالارتفاع
واشترطي على المقاول ان تكون الكرانيش من شركة الجبس السعودي وهو بيحضر لك كتلوج تختارين منه لان كرانيشهم حلوة وقوالبهم نظيفة
ابتعدي عن موديلات القدد والديزاينات الريفية التي تجي مثل العوارض العرضية والطولية الا اذا كنتي ستفرشين بيتك على الطراز الريفي او المكسيكي وقتها تمشي معك اوكي
الى هنا وفي المرة القادمة اكتب لك عن مراحل السيراميك والرخام والبوية واناااااااااااااااااااااا في الخدمة

عربوجه ...

رائع .. رائع .. رائع

فعلآ انتي مكسب للمنتدى بخبرتك

الي ما تبخلين فيها على اي شخص ...

:24: :24: :24:



انا يا الغاليه بيتي كله تمديدات للمكيف المخفي

يعني على كلامك تسمى الطريقه الفرنسيه ..

وارتفاع سقف البيت ثلاثه ونصف ..

لكن النصف هذا طبعا لتمديدات .. يعني الصافي

مع التكيف ثلاثه ..



لكن عربوجه !!

السقف الي يرتفع من الوسط والتمديدات تكون في الاطراف

شكله يكون حلو ؟؟؟ والله محتاره ودي فيه لكن اخاف يصير

شكله مثل المكاتب والمحلات ..

انتي وش رأيك ؟؟

تعرفين محلات تعرض اشكال حلوه لمثل هذا التصميم ..


وجزاك الله الف خير ..

عزيزتي المفعوصة راسليني على الخاص او ابعث ي تلفونك وانا اتصل وافيدك لاني بكذا ممكن اتهم اني اسوي دعاية اما اي معلومة عامة انا في اتم استعداد لخدمة الجميع