اخي d-did مفاتيح بيركر رائعة وتتحمل كثير وفيها خيارات متعددة يعني فية العادي ابو 8 ريال وفية الغالي ابو 100 ريال وانا استعملها من 13 سنة وتحملها قوي وهي المانية وتعيش اكثر من غيرها اما افضل انواع السبوت فهي جميعها متشابهة تقريبا الاعتماد على اللمبة هي اهم شئ وتكون هيلوجين ماركة اويستر اما الديمر فلا افضلة الا لغرف النوم اما الصوالين والقعدات افضل ان تعتمد على اضاءة في السقف مع اباجورات او اباليك حائطية ممكن يكتفى بها اذا اردنا جو رومانسي لانها احلى من الديمر (الديمر و نوع من الافياش يركب ويشبك على بعض او كل السبوتات او اللمبات ويكون يتحرك يمين ويسار لتخفيف او زيادة الاضاءة)
اما لمبات الفلورانس القلم فهي ابشع اختراع للاضاءة في نظري لان اضاءتها بيضاء مصطنعة تعطي احساس بالبرودة والبهتات للاثاث والاشخاص نفسهم والان بديلها هو ان تعتمد الاسبوت والاباجورات والاباليك وهذي اضاءة كافية
انا بيتي كلة مافية اقلام اللهم المطبخ وضعت لة لمبات بيضاء شكلها مدور جميل بس علشان الشغالات اما باقي البيت فلا انصح بها

اما التناوب اقصد بة ان : لنفرض ان لديك غرفة مربعة في كل ضلع 6 سبوت اي مجموع 24 سبوت تطلب من الكهربائي ان يشبك كل 12 مع بعض يعني يكون عندك مفتاحين حين تفتح واحد منهم تكون في كل ضلع 3 سبوتات منورة ولا تكون متجاورة يعني الاولى تشتغل والثانية طافية والثالثة تشتغل والرابعة طافية والخامسة تشتغل والسادسة طافية

عربوجتي ...

:24: :24: :24:


:24: :24: :24:


وننتظر المزيد ...

اعتقد انه ما عاد فية اسئلة ولا ايش؟؟؟؟؟؟؟؟؟؟؟؟؟
انا في الانتظار

لا ... باقي أسئلة ...:

س - عندي مدخل مؤدي للمجلس ... وأبي أحط حجر الرياض في جدر جهة واحدة إما المدخل أو المجلس نفسه ... أيش أشيك في المدخل أو المجلس ... ومتى قبل البوية والا بعدها ؟؟