مراحل لازم تسوينها قبل علاجك لشعرك مهم لازم كلكم تدخلوون ..

اولا ..
اذا انتي تعانين من تساقط شعر روحي للدكتور وسوي تحاليل ..
1 فروة راس ( جلديه ) 2 دم 3 هرمونات ..
اذا طلعتي سليمه في كل هذي التحاليل بيقولك الدكتور ..
ان السبب وراثي ..
في هذي الحاله بيقولك استخدمي ريجين ..
وهذا هو الحل الوحيد في كل انحاء العالم للتساقط الوراثي ..

اما اذا عندك مشكله بالجلديه يعطيك حل لها ويخف التساقط وتدريجيا يزين شعرك ..
اذا هو هرمون يعالج لك الهرمون ويوقف التساقط ..
اذا هو دم .. يعطيك حديد وزنك وفيتامين ...

انا طلع عندي وراثي مع اني الوحيده اللي بالبيت يتساقط شعري ؟؟!!
ونقص زنك وحديد "..
حاليا استخدم ريجين مرتين باليوم تركيز 5 << مع انه للرجال لكن الكتور قال بعطيك اقوى علاج ..
مع فيتامينات وزنك ...

ووصف لي بعد حبوب وضيفتها تقلل من هرمون التيستروتين << تقريبا هذا اسم الهرمون اللي هو هرمون الذكوره وزيادته سبب في تساقط الشعر ..
<< وهذا التشخيص ماله علاقه بالهرمونات له علاقه بالوراثه << يعني اذا اي احد شخصوا تساقط شعره بانه وراثي يعني عنده زياده بهرمون (( الذكوره )) الحبوب تقلل من كميه هذا الهرمون وبالتالي يكثف الشعر ..

الحبوب هذي لها مخاطر على المراه ..
وهي مخصصه للرجال .
لكن انا اعالج عند دكتور في ديرما يكسر الحبه لاربع اجزاء وبكذا يقل خطرها
ويكون الربع صغييير مره قالي استخدميها لمده سنه وتعالي اشوفك ..

بعد البحث عن تاثير الحبوب واستخدامه ..
عرفت انها تستخدم بلحالها بالنسبه للرجال وتعطي نتايج رهيبه توقف التساقط
وتنبت شعر حتى بدون ريجين وبدون علاج مساعد لها ....
لكن المصيبه انها ما تستخدم للنساء ..
لكن الد كتور وصفها لي ربع حبه باليوم ..
استخدمتها لمده 4 شهور والله ان التساقط وقف وشعري زان مره بس لاني كنت اجهل فايدتها
تركتها !!! ورجع التساقط اكثر من اول ..
الحبوب اسمها بروسكار وصيدليه ديرما تبيعها مكسره بوصفه من الطبيب للنساء ..

فيناستيرايد
اسم الدواء

بروسكار بروبيشيا, نوبيشيا, بروهير << هذي اسماء محتوها واحد فيناستيرايد اللي هو يحارب التساقط ..
اما لعلاج ريجين ..
النتيجه ما تبين الا بعد 4 شهور ..
اول ما تستخدمينه يتساقط شعرك يكثافه وهذا مكتوب بالنشره
تحسين بحرقه بفروه الراس ..<< يكتب لك بينتوفيت السائل لتخفيف الحرقه والحساسيه بين الجرعتين تستخدمين بينتوفيت .,.

انا حاليا استعمل ريجين 8 شهور وماوقف التساقط لكن خف وشعري صار اكثف ونبت براسي شعر خفيف ..
لاحظت ان وجهي كثف الشعر فيه عن اول بس مو مهم اهم شي علاج شعري ..

لحد يستخدم الحبوب من حاله لحاله انا اكتب هذا الكلام لسبب وهو انكم تعرفون مراحل علاج الشعر وتشخيصه وبعدين لو ما استفدتوا سووا اللي تبون لكن لا تهملون كل اللي فات وتقولون ما فيه علاج فيه علاج لكن الاستمرار مهم ..

انا ما دمر شعري الا الملل واني اوقف العلاجات منيوم ما امل وهي تكون مرحله بدايه الشفا وبكذا ابهذل نفسي ..

حبيت افيدكم اي وحده تقرا تدعي لي بان ربي يشفيني ويرزقني السعاده واللي اتمنى بحياتي ..