السلام عليكم
اليوم طبعا من الساعة تقريبا 10 الصبح او قبل بقليل بدأت تنزل الأمطار بشكل قليل ثم بدأت تزداد تدريجيا
الى الساعة 12 و 1 الظهر صارت شديدة ثم بدأت تخف و لكن مستمرة
سبحان الله شي غريب
خاصة انه جدة مو من عادتها ينزل عليها المطر بالشكل دا
كنا زمان المطر ينزل مرتين في السنة و احيانا مرة وحدة
دي السنة نزل تقريبا 4 أو 5 مرات و يجيكي متواصل ساعتين أو 3 أو 4
بجد سة غريبة
طبعا انا اتصلت بأهلي و اتطمنت عليهم انهم كلهم في البيوت أمي و ابويا و أخواني
ما عدا واحد من أخواني :44: كان في الجامعة و احتبسوهم هناك و راح يباتوا في مستشفى الجامعة لأنه هو يدرس طب فكان هو هناك و ان شاء الله بكرة تخف السيول و تنشف الشوارع و يقدر يرجعلنا بالسلامة يا رب..
اتصلت على اهل زوجي الحمدلله كلهم تمام و طيبين و قاعدين في البيت.. ( كل الناس دحين خايفي و قاعدين في بيوتهم )
و تقريبا كل الرجال اليوم اللي عنده دوام وصلوا بيوتهم متأخر اللي قال لنا وصل الساعة 9 الليل (هو صاحب زوجي)
و عم زوجي وصل بيته الساعة 8 تقريبا
و زوج عمتي وصل الساعة 9 و نص و هو يمشي برجوله من الساعة عشرة الصبح لانه كل السيارات وقفت
تقريبا كل الرجال اليوم وصلوا بيتتهم متأخر جدا جدا و سيارتهم اما اتعطلت او السرى اللي في الشارع وقف
و رجعوا مشيا عالأقداااام
اتصلت على عماتي الحمدلله كلهم في بيتوهم و طبعا برضه رجالهم كلهم وصلوا متأخر
بس الشي اللي قلقنا عمتي:44: وحدة منهم
هي مدرسة و لما شدت المطرة ما قدروا يرجعوا المعلمات لبيوتهم فاتقسموا المعلمات ل 3 أقسام كل قسم راح الى بيت احد المعلمات اللي ساكنات جنب المدرسة يعني الآن عمتي في بيت وحدة من المعلمات و معاها 6 معلمات غيرها اتجمعوا في بيت معلمة وحدة و إلى الآآآآآآآآن ما قدرت ترجع و راح تبات هناك و تقول من الشباك تطالع الشارع فيه سيل و السيارات تندف لحالها وزوجها ما يقدر يجيبها لانه الان مع اولاده في البيت و برضه الشارع اللي فيه بيتهم كله سيول يعني لا هو قادر يتحرك و لا هي قادرة
اتصلت على صديقاتي و اتطمنت عليهم
الآن في جدة كل أسرة فيها حالات زي كدة اللي اتأخر وما رجع للبيت و اللي انحبس في الجامعة او في سوق او او
غير الناس المفقودين
كل الشوارع معطلة
كلها موووووية
السيارات متغطية بالمياه
و شي مقلوب
غير انه الاخبار تقول انه لسة في سيول جاية على شوارع معينة
و شفتوا شارع التحلية اللي يؤدي للبحر و هو من أشهر الشوارع الان غرقان بالمويات و السيارات
و الأنفاق كلها موياااااااات كأنه بركة ماء
ايش نقول بس
حسبي الله ونعم الوكيل
توتي وومن @toty_oomn
عضوة نشيطة
يلزم عليك تسجيل الدخول أولًا لكتابة تعليق.
الله يرد كل واحد سالم لبيته يارب
طيب بسألك اللي يبون يروحون مكه في خطر عليهم من مطار جده لمكه
اهلي بيروحون الاسبوع الجاي جايين من الشرقيه
امانه اذا تعرفين او احد عنده خبر يا بنات يفيدنا لانه اهلي خلاااص حجزوا كل شي الطيران والسكن وكل شي
والله بديت اخاف واحاتي :icon33:
احد يعطيني خبر بس من مطار جده على طول لمكه في سيول وغرق هناك عشان اقولهم مايسافرون واذا مافيه خطر بلغوني الله يجزاكم خير
توتي وومن
جزاك الله خير حبيبتي انا اخر مشاركه لي اليوم بس ابي اوضح لكم عشان اللي عندها خبر تفهمني
هم جايين من الشرقيه بالطياره وتعرفين الحجوزات مو على كيفهم وهم عايله كبيره ومايبون يدخلون جده يبون يروحون على طول من مطار جده لمكه
الطريق نفسه المعتاد من مطار جده لمكه بالعاده تجي فيه سيول او غرق مثل اللي نشوفه بالشوارع ولالا
ياحياتي لهم سنيييييين يتمنون هالروحه الله يسهل يارب :(
طيب بسألك اللي يبون يروحون مكه في خطر عليهم من مطار جده لمكه
اهلي بيروحون الاسبوع الجاي جايين من الشرقيه
امانه اذا تعرفين او احد عنده خبر يا بنات يفيدنا لانه اهلي خلاااص حجزوا كل شي الطيران والسكن وكل شي
والله بديت اخاف واحاتي :icon33:
احد يعطيني خبر بس من مطار جده على طول لمكه في سيول وغرق هناك عشان اقولهم مايسافرون واذا مافيه خطر بلغوني الله يجزاكم خير
توتي وومن
جزاك الله خير حبيبتي انا اخر مشاركه لي اليوم بس ابي اوضح لكم عشان اللي عندها خبر تفهمني
هم جايين من الشرقيه بالطياره وتعرفين الحجوزات مو على كيفهم وهم عايله كبيره ومايبون يدخلون جده يبون يروحون على طول من مطار جده لمكه
الطريق نفسه المعتاد من مطار جده لمكه بالعاده تجي فيه سيول او غرق مثل اللي نشوفه بالشوارع ولالا
ياحياتي لهم سنيييييين يتمنون هالروحه الله يسهل يارب :(
ام لولى
•
ياربي ترد لى زوجى تكفون ادعو حق زوجي عنده اختبار في جده مو راضي يجي يقوول ربي يسهله انشـــاءالله
الصفحة الأخيرة
ويرد كل غايب لأهله سالم غانم