السلام عليكم ورحمة الله
كيفكم حوائيات عساكم طيبين
موضوعي عبارة عن فضفضة من أخت لأخواتها
احنا سلمكم الله كل عيد نتجمع عند جدتي أمي وخالاتي واخوالي وبناتهم واولادهم واحيان نقعد بالأيام عند جدتي وسنواااات على هذا الحال تجمعات كثيرة وننام ونتونس.
طبعًا البيت مافيه الا جدتي وخالتي اللي لسا ماتزوجت المهم ان كرف المطبخ والحوسة بعد الجمعات مايرتبها الا خالتي وجدتي والله اني في كل اجتماع عند جدتي اني ادخل المطبخ واغسل المواعين واكنس الصالة واساعد خالتي وجدتي بس المشكلة ان اللي في البيت عددهم فوق عشرين واللي يرتبون ويطبخون مايتعدون خمسة أشخاص ،، فيه من بنات اخوالي وبنات خالاتي اللي اعمارهم بالجامعة والثنوي والمتوسط اقسم بالله انها تاكل وتترك صحنها وملعقتها وتمشي تنتظر احد يرتب وراها ،، ويا ما جدتي نبهت ان اللي تاكل تغسل صحنها طبعًا الكل يجحد ومو صحني ومو ملعقتي ووقت غسيل المواعين يحاولون يتهربون جدتي حاولت بالطيب حاولت بالغصب مااااااش الوصخ وصصخ والله اني كنت استحي على وجهي وأنكرفففف عشان اساعد جدتي وخالتي المغلوبة على أمرها اللي دايما ترتب وساخة عشرين شخص بس مهما ارتب الحوسة عااارمة وظهري يصير يوجعني بالأيام.
المهم اخر سنتين خالتي تعبت نفسيتها جدًا جدًا جدًا واتوقع جاها اضطراب نفسي وصارت ماتتحمل احد يجي يزورهم بالبيت من شدة ما انكرفت وانغصبت ترتب من وراء ناس اصغر منها ومايحترمونها. حتى انا اذا زرتهم ما أجلس أكثر من ساعة وأطلع لأن خالتي ماعادت تتحمل احد وحتى بالعيد الفطر وعيد الاضحى ماعاد اجتمعنا والسبب انه في كل عيد جدتي وخالتي وامي يطبخون فطور العيد وحريم اخوالي حاطين رجل على رجل والبنات مايبغون يغسلون المواعين ولا يبغون يكنسون
كل مرة أتحسف اقول حسافة ذيك الايام راحت اللمّة الحلوة والجمعات الونيسة بس في نفس الوقت اقول احسن خلي جدتي وخالتي يرتاحون من كرررف قليلات الحيا اللي مايغسلون مواعينهم ولا يساعدون جدتي.
أم عبودي @meem_8877
عضوة جديدة
يلزم عليك تسجيل الدخول أولًا لكتابة تعليق.
فردوس...
•
جاك يامهنا ماتمنى الموضوع جا على طبق من ذهب للعنود🤓🤓جاك يامهنا ماتمنى الموضوع جا على طبق من ذهب للعنود🤓🤓
سبحان الله نفس القصص اللي تتكلم عنها العنود بالضبط طلعت موجوده ع ارض الواقع بالتمام😂😂
ننتظر تعليقها
ننتظر تعليقها
أم عبودي
•
جاك يامهنا ماتمنى الموضوع جا على طبق من ذهب للعنود🤓🤓جاك يامهنا ماتمنى الموضوع جا على طبق من ذهب للعنود🤓🤓
مين العنود؟ وش السالفة 🤭
أم عبودي
•
غـــيمة :
ليش مايكون كل عيد الجمعه عند وحده من الخالات حتى الجده تطلع وتغير جو حنا كذا كل عيد عند وحده اذا ماطلعنا بالشاليه انتم اطلعو بالشاليه او استراحه يوم واحد وبعدها الكل يرجع بيته مو لازم تجلسون بالايام عندهمليش مايكون كل عيد الجمعه عند وحده من الخالات حتى الجده تطلع وتغير جو حنا كذا كل عيد عند وحده اذا...
الصدق ان البنات مايشتغلون فيصير كل الحمل على صاحبة البيت إن تكلمت وقالت قوموا رتبوا صار الوضع متوتر وناس تقوم وناس تسحب نفسها بالقوة وإن سكتت صاحبة البيت بتاكلها وترتب العفسة حقتهم
وأزيدك بعد من الشعر بيت فيه البعض يجي ضيف بس يعني حتى لو سوينا ادوار بالزيارة يجون ضيوف بس مايستقبلون احد ببيتهم يتعذرون باعذار
عشان كذا الكثير من الناس ماعاد يسوون عزايم وجمعات والسبب عدم المساعدة.
وأزيدك بعد من الشعر بيت فيه البعض يجي ضيف بس يعني حتى لو سوينا ادوار بالزيارة يجون ضيوف بس مايستقبلون احد ببيتهم يتعذرون باعذار
عشان كذا الكثير من الناس ماعاد يسوون عزايم وجمعات والسبب عدم المساعدة.
الصفحة الأخيرة
حنا كذا كل عيد عند وحده اذا ماطلعنا بالشاليه
انتم اطلعو بالشاليه او استراحه يوم واحد وبعدها الكل يرجع بيته مو لازم تجلسون بالايام عندهم