خلاص ما راح أخبر زوجي و أقنعتوني بكلامكم

و بقنع أختي تصلي الاستخارة زياده والله يستر علي و عليكم

و انا بسكت و بنطم أصلا أنا نسيت اللي صار وأبد ما ايي في بالي حتى ان الولد ايي بيتنا يسلم على أم زوجي و يقعد طبعا انا ما اشوفه .. يمكن والله يكون عارف اني انا تزوجت و هو يبغي اختي أصلا .. لان اللي صار ما كان عشق و غرام و سهر و هيام ..وحده تقنع نفسها هاها


بارك الله فيكم على النصايح

كلامك وقرارك الأخير هو عين العقل..
وبالذات إن مسائل الزواج قسمة ونصيب ..

اختي العزيزة ..

إنت تقولين إنه الموضوع كله كان مجرد نظرات اعجات من بعيد يعني ما في حديث أو وعد او عهد بالحب .. ليش افترضتي إنه يريد يخطب اختك وهو مفكرها إنتي!! يمكن شاف اختك عن قريب واعجبته وصار يريدها زوجة له .. إنتي تتكلمين عن سبع سنوات راحت .. يعني الدنيا تتغير والنفوس تتغير حتى القلوب .. إنتي تقولين كنت معجبة فيك كمان .. ولكنك تزوجتي .. يعني إعجابك ما ربطك فيه (والبنات عاطفتهم اقوى من الشباب).. يعني يمكن هو كمان إعجاب المراهقة الآن مش على باله وهو يريد اختك لذاتها ..

بعدين إنك تقولين لزوجك الموضوع .. هذه اكبر كارثة .. لأنه الرجال مش مثلنا واكيد زوجك مش راح يقتنع إنه كان إعجاب بريء .. وعقله راح يصير يودي ويجيب ويقع بحيرة ويصير بينكم مشاكل إنت في غنى عنها .. وبعدين مين قال إنك لو قلتيله القصة راح يروح ويفاتح فيها الشاب .. كثير صعبة لدرجة إنها مستحيلة إنه يروح زوجك حق الشاب ويقوله : ترى الفتاة اللي كنت معجب فيها أيام المراهقة وبينكم نظرات ويمكن حديث هي زوجتي ومو اختها اللي تبي تخطبها ، فانتبه ..
تخيلي يا اختي العزيزة هذا الحديث والحوار بين زوجك والشاب .. مستحيل صح!! وصدقي ما راح يجيك إلا وجع الراس والمشاكل مع زوجك ويمكن تتطور لا سمح الله إلى الطلاق فالرجل الشرقي دمه حر ولا يرضى ان يعرف ان زوجته كانت معجبة بأحد أو احد معجب فيها فكيف لو سمعها من زوجته !!

الله يوفقك ويوفق اختك وترى الزواج قسمه ونصيب
واهم شي اذا صار نصيب وتزوجته اصحي تقولين لها شي ولو عن طريق المزاح
لانه راح يسبب فجوه بينكم ودمتي

انا من رأيي تسكتي ولا تجيبي سيرة للموضوع وخلاص وكأن شيئاً لم يكن لأنه اصلا ماكان في شي
وبعدين خلي اختك تستخير واللي ربنا كاتب فيه الخير بيصير
ويمكن هو بعد اصلا ناسي هالحكاية وجاي يخطب اختك لانه سمع عنها




والله يسعدها ويتمم لها على خير
ريحي بالك يالغالية