مراهقتي على حساب اختي ساااعدوني

السلام عليكم و رحمة الله و بركاته

يا أخواتي أنا عندي مشكلة كبيرة و يا ريت تساعدوني فيها

الله يجزيكم الخير

قصتي من البداية أني لما كنت في الصف الأول الثانوي يعني لما كنت 16 سنه أعجبت بشاب من منطقتنا

و هذا الشاب يصغرني بسنتين تقريبا كانت قصة اعجابي مجرد نظرات بدون اتخاذ أي خطوة ثانيه

و كان هو بعد يبادلني هذي النظرات .. كنت انتظره كل يوم العصر لانه يروح بيت أخوه القريب من بيتنا

و كان يدخل و يطلع او يوقف حذال الباب

كانت اقصر مسافة بيننا تقريبا 10 أمتار ..

و بعدين الظروف بعدتنا و انا نسيت السالفه كلش يعني كانت نزوه و مرت

مع مرور الأيام انا تزوجت قريب له يعني بعد قصة الاعجاب بسبع سنوات تقريبا

هذا الشاب كلم زوجي و قاله انه يبغي يخطب أختــــــــــــي!!! و انه متعلق فيها

انا في البداية رحبت بالموضوع ووافقت لكن بلحظة تذكرت قصة النظرات

و خفت انه كان يحسبني انا اختي !!!أقصد كان يعرف شكلي لكت يحسبني انا الاخت الصغرى مب الكبرى..

و الحين محتارة هل افهم زوجي الموضوع و اقوله يتأكد من الشاب و يخبره ان هذي اختي الصغرى و انا اللي كنت ....

عشان ما ينخدع الشاب .. مع ان زوجي رجال متفاهم لكن ما يحب اي شي يتعلق بالماضي

و هل غلطتي كانت كبيرة وبتسبب زعل زوجي مني ؟؟؟

و لا أنسى الموضوع ؟؟ بس أخاف يتم زواجهم و يروح يذكرها بالايام هذيج و تنصدم اختي و تخرب حياتهم بسببي

الله يخليكم سااااااااااااعدوني

انا بانتظار ردودكم و حلولكم

وجزاكم الله خير