مرايات صالتي طاحت علي

السلام عليكم

اليوم ضايق صدري حيل من صالتي ،، لانه شي يقهر كل شي اسويه يخرب بس قلت ابي اشوف تجاربكم واستفيد منها وان شاءالله تفيدوني وهذا عشمي ولا ماجيت اقول لكم مشكلتي

الصاله صغيره مره مره ففكرت اني احط فيها مرايات فوق الكنب عشان يعطي اتساع ويعطي جمال بنفس الوقت

شريت المرايات اذا تعرفونها الي تجي مربعات وتلصق بالجدار اخترتها لانها ماتبغى شغل ولا مسامير

والحمدلله طلعت حلو اعجبتني لكن اليوم ونا اتغداء مادريت الا بعض المربعات طاحت علينا والحمدلله ماصار لنا شي ولا تعورنا لكن انقهرت من الشكل لان بعضها موجود فتشوه الجدار ورجعت الصقها من جديد بس ولو راح ايضا خايفه من السقوط مره ثانيه

وش اسوي وش تنصحوني اشيلها ولا اتركها ولا وش البديل مع ان المرايات تعطي اتساع للصاله كثير
والمربعات صار فيها تشلخات يعني متشوهه مره

يالله بنات انتظركم والي عنده خبره في الديكور وش تجاربكم في هاالمجال

يارب تساعدوني