ماشاء الله تبارك الله
من مطبخي بعض الحلويات السهله
والسريعه واللذيذه في نفس الوقت طبعا هذي الاطباق من وحده
عزيزه على قلبي اطالع أطباقها وأحب اني أنفذها في مطبخي عشان
افيد حبايبي الغالين على قلبي فجزاها الله الف خير الغاليه أم خويلد
فحياكم معاي نشوف الطريقه خطوه بخطوه مع الشرح
اولا = جيبي 4/1 كيس شعيريه باكستانيه وكسريها قطع كبيره وتحطينها في زبديه
وتصبين عليها ماء مغلي وتحركينها طبعا مو على النار وبعدين تصفينها
ثانيا = جيبي عجينه الباف باستر المربعات الصغيره
وقطعيها 4 مربعات صغيره ومسحي كل قطعه بجبن سائل
ثالثا = مسحي صينبه الفرن بالزيت وصفي
مربعات العجينه الممسوحه بالجبن
رابعا = حطي في وسط كل مربع قليل من الشعيريه الطريه
خامسا = دخلي الصينيه في فرن تم تسخينه من قبل
سادسا = بعد ماتستوي العجينه من تحت
حمري الوجه من فوق انتبهي
الاستواء ما يا خذ وقت
سابعا = صبي عليها حليب محلى وشوفي شكلها النهائي
و بالعافية
