اولا:كل عام وانتم بخير ومبارك عليكم الشهر الفضيل اعاده الله علينا وتقبل صومنا وصلاتنا
ثانيا:هذي اول مشاركه لي في القسم :27: وكنّي مستحيه شوي<-----لا يا شيخه
ويا ريت يعجبكم
يالله
المقاديــــــــــــــــــــــــــــــر:
1) 32 حبه بسكوت (حبه مو باكيت, يعني افتحي علبه البسكوت وخذي منها 32 حبه بسكوتايه :o )ويفضل انه يكون بطعم البينت بتر او الشوكولاته او اي شي تفضلونه, وممكن تستخدمون بسكوت ساندوتش (اللي يجي طبقتين وبينهم كريمه باي طعم).
2) 2 ملعقه اكل زبده سائحه.
3) 4 علب جبنه فيلادلفيا الحجم العادي
4) 1 كوب سكر.
5) 1 ملعقه صغيره فانيلا.
6) 4 بيضات.
الطريقــــــــــــــــــــــــــــــــــة:
1) نكسّر 16 بسكوته ونحطهم على جنب.
2)نطحن ال 16 بسكوته الباقيين في الطاحونه لين تنطحن وبعدين نضيف الزبده ونخلطهم مع بعض و نضغطها في صينيه التشيز كيك(اللي تنفتح اجنابها).
3)نضع جبنه الفيلا دلفيا+السكر+الفانيلا في الخلاط الى ان يمتزجون,ثم نضيف اليهم البيض ونخلطهم جميعا حتى يمتزج الخليط ويتجانس
4)نسكبه في وعاء ثم نضيف اليهم البسكوت المكسّر(اللي سويناه في الخطوه 1).
5)نسكب الخليط في صينيه التشيز كيك ونزين الطبقه الخارجيه ببقايا البسكوت وندخله الفرن 40 دقيقه او الى ان يجمد منتصف الصينيه (نختبره بالشوكه او السكين)
6)نضعه في الثلاجه 3 ساعات على الاقل ثم نقطعه مكعبات
7) نحصل على الشكل التالي
^^^^^^^^^^^^^^
^^^^^^^^^^^^^
^^^^^^^^^^^^
^^^^^^^^^^^
^^^^^^^^^^
^^^^^^^^^
^^^^^^^^
^^^^^^^
^^^^^^
^^^^^
^^^^
^^^
^^
^
:o:o:o
وبالهناء والشفا