مربية طفلي و الحظانه

السلام عليكم ورحمه الله وبركاته

سبحان الله وبحمده سبحان الله العظيم

أخواتي الغاليات ابي منكم رايكم و النصح في الموظوع
أنا موظفه دوامي تسع ساعات الله المستعان بيتي فيه شغاله اندونيسيه
و يالله لك الحمد و المنه انا حامل بنص الرابع و جالسه افكر في ما بعد الولاده قلت
اخذ اراء اخواتي الحوائيات
طبعا عزيزاتي انا مستحيل اترك الوظيفه كلكم عارفين التزامات الدنيا و الحياة صايره
مكلفه و اليد الوحده ما تصفق

كنت بجيب شغاله فلبينيه تكون مربيه طفل و الاندونيسيه تكون عاملة منزل وهذا كان الحل الانسب
شغالتي الاندونيسيه كنا نجدد جوازها لانه منتهي و السفاره كلمتها و قوتها علي مرا

تطالب بزياده راتبها من 900 الى 1200
وتطالب انها تكون مرافقه الطفل و الجديده العامله المنزليه كونها القديمه ولها الحق ترتاح
انا دفعت الافين لتاشيرة لكن لسا ما طلعتها فغيرت كل الخطه
بجيب سيرلنكيه عامله منزل باسرع وقت ممكن
و اسفر الاندونيسيه

ورجعنا للحيره الاولى الطفل وين نوديه

فكرت ادخله حظانه بس قلبي موجعني طفل عمره ما كمل شهرين من الصبح اطلعه
و الحظانه زينين او لان ما ادري

الشي الثاني
اخلي السيرلنكيه تقابل الطفل و اعفيها من الطبخ و يصير اكلنا من برا لكن برضو مستصعبتها
اخاف ما تقدر تتحمل شغل البيت و الطفل صحيح بيتي مو فله لكن دبلوكس دورين اخاف تقسى على
الطفل وهو بذمتي

الشي الثالث اجيب فلبينيه مربيه للطفل لكن هنا لازم اخذ قرض علشان اجيبها
ماراح نقدر نجيب شغالتين و نسفر وحده بنفس الوقت

و الشي الثاني بضطر اشتري فيزه من احد لانو ما يطلعون لنا شغالتين بنفس الوقت و الاندونيسيه الي عندي
باسم الوالد لانه يطلع لهم ثلاث شغالات جداتي عندهم بالبيت

احس اني محتاره ودي اشوف ارائكم بالذات انه اول طفل لي باذن ربي
بعد انتظار اكثر من سبع سنوات


جزاكم الله خير على قرائة الموظوع و الافادة