مرة أخرى .. لمن هن في فانكوفر وكندا !

وعليكم السلام أختي الحبيبة محبة الرحمن

أهلين فيكِ في فانكوفر....

اجابة على اسألتك...
1- كيف هي الأسعار في فانكوفر؟

الأسعار في فانكوفر.... والله نزلاتي عالسوق معدوووودة جداً بس الي بعرفو انو الملابس هون أرخص وفي تشكيلة أكتر... بس من النواحي التانية والله اسفه مابنزل عالسوق كتير ولاني خبيرة بأسعار السعودية


2 ـ هل تتوفر لديكم القنوات الفضائية العربية ؟ وماهي ؟

والله مابعرف.... الحمد لله ما عنا لا دش ولا تلفزيون ولا من يحزنون! يمكن البنات يفيدوكي أكتر مابعرف :29:


3 ـ كيف هي طبيعة خدمة الإنترنت .. هل هي مجانية أم زهيدة الثمن أم غير ذلك ؟

لا أختي الانترنت مو مجانيه بس اذا اشتركتي اشتراك كابل.... يعني حوالي 40 دولار بالشهر بتصير الانترنت مفتوحة 24 ساعة ومالها علاقة بالتليفون ... نحن هيك مشتركين...

4 ـ وماذا عن الجوالات ؟

الجوالات.... هون الجوالات الأجهزة نفسها رخيييصة مو متل عندكون... بس الplan تبع الجوال بيعتمد شو بدك... يعني احيانا في بلان بيعطيك الجوال مجانا بس لازم تشتركي مع الشركة أقل شي سنتين... أعطيك مثال... أنا جوالي مجرد أشترك مع الشركة عطوني الجوال مجاني والاشتراك تبعي بيعطيني 200 دقيقة بالشهر مجاناً بغض النظر ليل او نهار.. و50 رسالة جوال مقابل 35 دولار شهري تقريباً.... ان شاء الله اكون شرحتلك كويس... المهم النظام مختلف تمااااااااما عن جوالات السعودية


5 ـ أخيراً .. يثير دهشتي واستغرابي أن المواضيع في هذا القسم مع كونها هامة إلا أنها غير سريعة التحديث هل يعود هذا إلى انشغالكن؟

الظاهر هيك شي :32::32::32:

وأهلين فيكِ مرة تانية
اسفرت وانورت فانكوفر....

ترى اذا بدك تسكني في سكن الجامعة.. الانترنت مدفوعة ضمن الإيجار....... يعني مابتدفعي زيادة بس ايجار البيت الشهري..

يالله في امان الله وانا في الخدمة حبيبتي :27:

أم محمد :27:

السلام عليكم ورحمة الله
انا مو في فانكوفير لكن في ميسساجا (اونتاريو) وحبيت بس احكي عن نقطة القنوات الفضائية..
نحنا هون عنا دش عربي على اساس انو ماراح نقدر بلاه.. المهم ركبناه وفي عنا القنوات التالية:
ام بي سي
دبي الرياضية, اقتصادية ، العادية
سوريا
ابوظبي
الكويت
ليبيا
الاردن
المنار
فلسطين
السعودية الاولى
في قنوات تعليم انجليزي ورياضيات وعلوم (مفيده لكن نادرا ما نفتح عليها ) !!
وفيه ميت الف قناة ايرانية وصينية ويابانية ووووو بس حذفنا اي شي مو عربي هههه (زحمة عالفاضي)
المهم بالنسبة لأهميته لو بقولك اني كل شهرين تلاته بشغله مرة يمكن مابتصدقي!!
وبرامج الاطفال مالها داعي لأنها بتطلع الساعة ثلاثة بالليل (الاطفال بسابع نومة) ههههه
غير هيك القنوات الوحيده اللي تستحق الواحد يتفرج عليها هي ابو ظبي (اخبار 24 ساعة ) وام بي سي (احيانا) لأنها بتعيد برامجها فالتوقيت بيصير منطقي شوي..
الشي الوحيد اللي حبيته في الدش انو بتخلينا متصلين بدولنا العربية يعني بتعرفي الاخبار اول بأول وبتعرفي المجرمين شو عمبعملوا فينا على عكس الدش الاجنبي سنة كاملة ماحسينا بلحظه او تذكرنا اي شي عن دولنا:(
وكمان حلو انك تشوفي صلاة الفجر بالحرم لما بيكون عنا العشا يعني في قعدة القهوة ..

الدش اله ريسيفير خاص ودش صغير خاص يمكن اول فترة راح تنبسطي عليه بس بعدين فعلا ماراح تلاقي وقت تتفرجي على شي وصدقيني الغربة علمتنا وخلتني ارى انه الجلوس لمشاهدة مسلسل ماله داعي اكبر جريمة في حق الوقت!!

بالنسبة للوقت الله يجيبك لهون بالسلامة وتنشغلي ياااارب ومايصير عندك وقت متلنا :) بصراحة بالنسبة الي فعلا فعلا وقتي ضيييييييق وازحم شي عندي الويك اند.. ومافي احلى من الشغل بجد الفراغ شي قاتل الله لايبلي حدا فيه..

على فكرة ام محمد انا سمعت انه فانكوفير غالية نار!! وخصوصا من ناحية البيوت مظبوط هالحكي؟؟ وعلى فكرة كم نسبة الضرايب عندكم لأنو هون التاكس بيكسر الظهر الاسعار بتنط بعد ماتجمعيه معها..

اتمنى اكون افدتك اختي..

في امان الله
رنيـــم

أهلين رنيم

لا شو البيوت هون أرخص بمييييييت مرة

هلأ أنا أخوي من فترة يادوب كم شهر اجاه شغل في تورنتو فراح هونيك.. يالطيف بيت غرفة وحدة نفس سعر بيت هون تلات غرففففففففف والله ما عبمزح معك... صدقي مسكين انصدمممممممم شو هاد وياريت بيت جديد يعني والله يادوب بيت عقد حالو وغرفة وحدة!!

بالنسبة للشغلات التانية والله مابحسن اقارن بس مشان البيوت هي عطيتك مثال لسه تازا

بس وين المشكلة بغض النظر مين اغلى فانكوفر ولا تورنتو.... بتعرفي انا حسبت فارق الايجار بين هون وبين السعودية!! بيت أختي في الدمام كبيييييييييير 5 غرف وصالونين و و و و... الهم اذا ضربتي الايجار الشهري بـ 12 مشان على كل السنة.. بطلع نفسسسسسسس الايجار السنوي على بيت بغرفة نوم وحددددة وحمام (تكرمو) ومطبخ زغنطوووووط ..... تخيلي.......!! وانت ادرى شلون البيوت هون أصلاً عشش عصافير...


مشان التاكس... هون 14% ليش عندكون غير؟؟

في امان الله

أم محمد :24:

أختي الغالية أم محمد الخطيب .. إني أحبك في الله .. شكراً على تجاوبك الحار معي .. لقد قدم زوجي على السكن وبفضل الله حصلنا عليه لكن الأوراق هنا في الجامعة لم تنتهي بعد .. قد يسبقني زوجي في القدوم .. ..بالنسبة للعفش فنحن لم نستقر على أي قرار بعد ..لدي بعض الأسئلة إن سمحت :
1 ـ ما شاء الله عليك ماذا تدرسي ؟ أنا مؤهلي دراسات إسلامية بكالوريس هل أجد فرصة للإكمال في تخصص التربية مثلاً ؟
2 ـ دخلنا لموقع الجامعة ووجدنا أن لديهم روضة وحضانة فهل هما جيدتان ؟ خصوصاً وأن ابني 2 سنتان ماشاء الله كثير الحركة وأنا أود إدخاله الحضانة ليفرغ فيها شحنة النشاط لديه .
3 ـ سمعت أن لديكم مدرسة إسلامية فهل هي بعيدة عن الجامعة ؟ وماهي مناهجها ؟ وهل تحفظ الأطفال القرآن ؟ وهل تقبل ابنتي 4سنوات ؟
4 ـ هل تساهمين في بعض الأنشطة وهل لديكم مسجد وهل هناك أسر عربية أو من دول الخليج ؟
ـ # * ـ# # ـ * #
الأخت جزاك الله خيراً على مرورك .. أنا أصلاً هنا في جدة ليس لدي تلفزيون لكن كنت أفكر فقط في قناة المجد وإقرأ
لاأعلم إن كانت تصل إلى بعض البيوت أم لا ؟

أنا آسفة نسيت كتابة اسمك يا رنيم .. اسم جميل ..:26: :24: