السلام عليكم ورحمة الله وبركاته
والله يشهد إني أول مره أكتب عن مشكله تخصني لكن مررره محتارة وما كتبتها إلا وأبي إنكم تشيرون علي يمكن أنا على خطأ أو تفكيري غلط أو رأيي مجانب للصواب .
طبعاً كل خميس نجتمع ببيت أهلي أنا وأختي أصغر مني وخالتي وحريم إخواني ثنتين وطبعاً مافيه أي رسميات أبدن حتى محد يجيب معه شيء لاحلى ولاغيره .
حريم إخواني كلهم أكبر مني وإذا إجتمعنا والله يشهد إني أحبهم وأغليهم وأحب عيالهم بعد يعني مابقلبي عليهم أي شيء.
فجأه مرة أخوي الكبير صارت تغار مني جداً مع أنها أكبر مني ب4سنوات وهي والله أحلى مني وأنا ما أقول إني شينه بس أنا أحب أكون صادقه مع نفسي ومعكم وكان زواجي قبل زواجها بأسبوع , تنتقدني على كل شيء لبسي شعري مكياجي عيالي سفراتي ومع ذلك تغث أخوي تبي مثلي يعني مثلاً أسافر للشرقية إذا رجعت تقولي وع الشرقيه مالقيتوا إلا هي الناس يرحون مكة أنا أبي مكة ثمن ماأدري الأسبوع الجاي إلا هم بالشرقية الله يهنيهم وماعلي منهم ومب هذي المشكله , المشكلة إنها صارت ماتحب تجتمع معنا الخميس ومره كنت عند اهلي ودقت على أمي وقالت له أنا ما أبي أجي يوم الخميس بنتك فلانة إلي هي أنا وبنتك فلانة تقصد أختي إلي ما تزوجت بس يتطنزون علي ويستهترون بي ويضحكون على عيالي ( وقسم انقهررررت لأن الواقع عكس كذا ).
قالت أمي : متى ؟!!!! وفوق راسها علامات تعجب لأنها كانت تكلم عندي .
قالت مرة أخوي : إذا جيت لمكم .
قالت أمي : والله ما شفتهم ولا سمعتهم يمكن أنتي فاهمه غلط وإلا مضايقك شيء.
قالت مرة أخوي : أصلاً أنا أجي لمكم علشانك وعلشان خالي وإلا الباقي ماهموني وإني دايم أقول لزوجي (الي هو أخوي) خذ العيال ورح لم أهلك ( لأنها إنقطعت عنا شهر قبل هالسالفة ) وإلا أنا ما أبي أجي عندكم.
قالت أمي : بكيفك لاتجين مب لازم , إن جيتي حياك الله وإن ما جيتي بسلامتك .
بعد كذا صارت ما تجي للاجتماع وغيرنا موعد اجتماعنا وخليناه الأربعاء علشان الخميس أوسع وتقدر أمي وخواتي يقضون حاجاتهم لأن الجمعة جداً ضيق .
استمرينا على هالوضع 4 شهور , ولي أربع شهور ما شفتها , بس شفت أخوي وعياله يمكن 3 مرات بس خلال هالأربع شهور وهي صارت تجي لأهلي يوم الاثنين تتقهوى المغرب وتروح لبيتها وحنا نكون ببيوتنا هاليوم .
دقت علي أمي اليوم تقول إن مرة أخوك عازمتنا ببيته الخميس (إلي هو بكرا إن شاء الله )؟!!!!!!!!!!!!!!
قلت لأمي وش هالتناقض الحين ما تبينا ولا تجتمع معنا وتعزمنا ببيته للعلم إن أمي ترفض تجي لبيوتنا بحكم إنها بعيدة وصغيره مررره وهي بيتها صغييير وقريب لم بيت أهلي .
قالت أمي : إنها تقول وافقي يا خالة علشان أدق على البنات أعزمهم ؟!!!!!!!!!
قلت لأمي يمه معليش يعني الحين ما تبين وتقول إني اتطنز عليها واستهتر فيها مع إني ما أدري متى صار هالشيء وتركت الجمعة علشان كذا وأروح بعد لبيته ..
اعذرين يمه منب رايحه مب لأني أكرهها أو أحقد عليها لا والله بس عندي عزة نفس وكرامه ..
قالت أمي كيفك أجل نأجل روحتا لمه الأسبوع الجاي وأختك فلانة تقول عادي أجي إلي هي أختي إلي متزوجة .
قلت كيفكم الله يسعدكم ويحفظكم وغيرنا الموضوع وتكلمنا بموضوع ثاني .
الآن وش رايكم وش تشورون علي هل قراري صح أو كان قرار متسرع وخطأ , والي عندها رأي أو شافت الموضوع من منحى آخر تقول ولاتستحي .
مع إني أكره إني أحكم على موضوع من شخص واحد وكان نفسي مرة أخوي تصارحني باللي يضايقها مني بس الحين ابي رايكم هل أروح وإلا ردي كان هو الصواب ؟؟
وعلى فكرة أخوي يقول كيفكم لا توجعون راسي , وأنا ما أحب أتكلم بالموضوع مع أخوي لأني ما سويت شيء ولا بدر مني أي شيء وأخوي عارف الوضع ويقول لأمي والله لولا عيالي إن ما تقعد معي . << كلام أخوي
انتظركم ..
أستاذه قلق @astathh_klk
محررة
يلزم عليك تسجيل الدخول أولًا لكتابة تعليق.
امممممممممم بصراحه يحق لك تحتاري
او روحي اجلسي شوي حق قهوه وشاهي واطلعي اعتذري بان عندك طلعه مع زوجك ولا مع اهله ايش شي
وانتي هناك فهميها ان لو مو معزتها وغلاها ماكان جيتي
يمكن سبحان الله يطيح الي براسها
او روحي اجلسي شوي حق قهوه وشاهي واطلعي اعتذري بان عندك طلعه مع زوجك ولا مع اهله ايش شي
وانتي هناك فهميها ان لو مو معزتها وغلاها ماكان جيتي
يمكن سبحان الله يطيح الي براسها
حبيبتي روحي ولاتهمك هي وسوالفها
وهي شكلها تغار منك
بس وانا اختك روحي انبسطي مو بكره تقول اعزمها وماتجي وبطلع عليك سوالف
وهي شكلها تغار منك
بس وانا اختك روحي انبسطي مو بكره تقول اعزمها وماتجي وبطلع عليك سوالف
روحي يا شيخه
تقهوي وأضربي الباب
تعذري من أخوك بأي شيء
و يبدوا لي أنك عقلانيه
وراكزه
يعني ما حتقدر تستفزك بالساهل
مع حبي
تقهوي وأضربي الباب
تعذري من أخوك بأي شيء
و يبدوا لي أنك عقلانيه
وراكزه
يعني ما حتقدر تستفزك بالساهل
مع حبي
{جذابه}
•
حبيبتي روحي ولاتهمك هي وسوالفها وهي شكلها تغار منك بس وانا اختك روحي انبسطي مو بكره تقول اعزمها وماتجي وبطلع عليك سوالفحبيبتي روحي ولاتهمك هي وسوالفها وهي شكلها تغار منك بس وانا اختك روحي انبسطي مو بكره تقول اعزمها...
اذا دقت تعزمك روحي واذا مادقت لاتروحين
الصفحة الأخيرة
طنشيها بس ولاتروحين لها اهم شي اخوك وعياله تسلمين عليهم ولا تقطعين والا هي بالطقاق اللي يطقه
قهرتني والله
وانتي ربي يجعلك بعين الناس كبيره ويوفقك ويرزقك
اعجبني اسلوبك واضحه فيك الطيبه