انتي لا تطنشين لا ردي عليها رد مؤدب مسكت يعني علميها حدودها
واهم شئ عامليه باخلاقك وما عليك منها واذا هي تشيش بينكم وبين اخوكم فلشكوى لله بتشوف عقابها بعدين بس اهم شئ لا تنزلين نفسك لمستواهم

الا امسحيها من الوجود اذا الطيبم مانفعت وتحرض اخوكم الغيها من الوجود اذاصارت المشاكل بكل الاحوال قايمه ليش اتعب روحي لاتتحتكون معها وبعدين وش تبي تجي عندكم اذا ما عجبتوها قله ادب وقل تربيه

الحمد لله على كل حال،اتصدقون انا كنت انتظر اليوم الي يتزوج فيه اخوي الكبير وقلت ان شالله يجيب معاي اخت خصوصا اني بنت بين مجموعة اولاد،بس الظاهر احنا في الدنيا محل ابتلاء انا ما راح اقول انها مو زينه الله يسترعليهاوعلي ويهنيها مع زوجها ،عن جد ترى هالكلام طالع من قلبي،بس فعلا الواحد يرتبط بناس من بيئته احسن يكونون مثل طباعه .اللي صار ان اخوي تزوج وحده من بيئه مختلفه عنا تماما مع انهم مو احسن منا في شي ولا احنا احسن منهم بس حتى العادات اتأثر بشكل كبير في سعادة الانسان.
بعد بقول شي...احنا ما نقدر نجيب لامي شغاله وامي المسكينه تكرف ليل نهار ،وفي الطباخ تطبخ حتى لنسوان اخواني لانهم يشتغلون،والثنتين عايشين بشقق يمرح فيها الخيل،ومن دون مبالغه كل شي عندهم من اجهزه وغيره ، ما يخالف من عند ازواجهم، بس اللي مو معقول انهم ما يسوون شي في شققهم ابد يعني مرة الكبير في المطبخ مغطيه الفرن بدانتيل وحاطه عليه تحف ونفس الشي بالنسبه للغساله في الحمام مغطتنها وحاطه عليها اكسسوارات بتوع الحمام وعندها حمامين كبار،ولمن تريد اتغسل اثياب تغسل في غسالة امي وحتى الكواي بكواية امي وفي القسم اللي مخصص لامي وغيره وغيره من تنشير اثياب او اذا بغت تعمل لعيالها اكل في مطبخ امي وبعد تأكلهم فيه شققهم بس للنوم والقعده هي وزوجها وعيالها،ابأسأل هل هذا وضع طبيعي؟ هذي اشلون تتجنبين اذاها وهيه رازه روحها معانا برضانا وغصبا عنا، وللعلم امي ما تقول شي وما يخالف الدنيا ما تسوى هذا اللي تقوله امي .بس اللي يحز في نفسها هو انهم ما يعاملوني انا وعيالي كويس وانا بنتها الوحيده.

؟والله خلوه تطلع في بيت وافتكوا منها والا خلي امك تتكلم تقول تعبت يوم على فلانه ويم على فلانه
وانا ماحب احد يغسل في غسالتي
اهم شئ اذا طبخت تغسل مواعينها والا تخليها لامك تغسلها وراها هنا الفرق
وانا احس ان المشكلة امك شكلها حبوبه مرة وتبي تحشمهم اذا كان الوضع مريحها خليها
ولا تفجرين ازمة
اما اذا كانت متضايقه فتتكلم وتقول

والله عنا زوجات اخوان ماشاء الله تبارك الرحمن
عيني عليهم باااااااااارده
الله لا يوريج اللي اشوفه منهم

عندهم غيره من كل شي
لو قلت لاخوي السلام عليكم تغاااااااار
استغفر الله العظيم
والله لو ضحكت تغار
لو اني عندي شي جديد او شي زين تمووووووووووووووووووت
والله ما اقول غير الله ياكافي بس