اول شي الله يحفظ جنينج ياااارب

وان شاء الله تشوفينه جدام عيونج يارب

وثاني شي مرت اخوج كرتني بمرت اخوي بس بصراحه مرت اخوووي اهوووون بوايد

انا مرت اخوووي من اول ماتزوجت واهي تبي تحمل وانا ماحملت الا عقب 6 شهور المهم

شافت الكل مهتم فيني قالت كل شهر موعد الدوره تسوي روحها حامل وحتى بنتها اذا تاخرت الدوره

ما تتحمل فيها المهم لكن مرت اخوووي الشي المهم عندها اني ماجيب ولد واهي تبي تجيب الولد جنه

الي بتجييب ولد بتحصل الورث يعني

بس يوم اكتشفت انه فيني بنيه احسها ارتاحت واااايد يعني وجدامي تقول ان شاء الله صبي ومن وراي شي غير

بس واايد اهون من مرت اخوووج

ماعلييج حبيبتي وانتي حقريها واهي بتنقهر زوود او سوي حركات دلع جدامها خليها تموت من الحره

والله يحفظ الجنين مره ثانيه

طنشيها .... وزيدي الدلع قدامها خليها تولع

الله يتمم لك على خير وتقومين بالسلامه
حصني نفسك بالاذكار
وعيشي حياتك كأنها ماهي موجوده
واذا اضطريتي ادفعي بالتي هي احسن
صدقيني والله ترجع لك صاغره !!!!!
( ادفع بالتي احسن فإذا الذي بينك وبينه عداوة كأنه ولي حميم )

ادعي ربي قولي اللهم اكفني شرها بما شئت وكيف شئت

السلام عليكم أختي الله يتمم لك حملك بالعافيه والله يهدي مريت أخوك يشافيها يارب .............
أنا أقول عليك بوردك اليومي صباح ومساء لا تطوفيينه والله بيحفظك وجنينك وبيتولاك خير ولايه ومن بعدها بتنامين مرتاحه وقريرة العين ..............
وبعدين أخصريها بالعاميها أكثر أحقريها يقولون ( الحقران يقطع المصران ) وخلي عندك اذن من طين أذن من عجين ......................