شذى 2005 @shth_2005

عضوة نشيطة

مرة اخوي وسويسرا !!!!!!!

السلام عليكم ورحمة الله وبركااااته

فيه موضوع مزعجني وحابة اشاوركم فيه,,,,اخوي الكبير متزوج وعنده بنتين وزوجته كنا نحبها حب مو طبيعي وامي تحبها وتغليها اكثر من بناتها.
المهم في اخر سنة مشاكل اخوي مع المدام زادت , والسبب لان اخوي استقدم لامي شغاله!!!!!!!!!!!
المهم مره كانت في عزيمة للعائلة في استراحة واخوات مرة اخوي كانن حاضرات وامي طبعا راحت , فاامي لما تروح تصلي او للمطبخ او دورة المياه تقول اسمع البنات يقولن سويسرا راحت , سويسرا جت وماتدري امي وش سالفه سويسرا
المهم بعدها بفترة عرفنا ان امي يسمونها سويسرا, حسبي الله ونعم الوكيل فيهم ,
قبل اسبوعين صارت مشكلة بين اخوي وزوجته والسبب تافهه جدا وهو ان اخوي يبغى ينقل للرياض علشان يصير قريب من اهلي في القصيم ,وابوي تعبان ومريض بالسكر وعنده مراجعات للرياض . المهم الحرمة انجنت وقلبت حياته فوق تحت ماتبغى الرياض تبغى تقعد في جدة.

المهم بدات بالاهانات والتهديد , لدرجه انها اتصلت على اخوانها علشان ياخذوها, الاخت تتدلع وتتغلى تبغى الطلاق فبدات تهين اخوي قدام اخوانها وتكذب عيني عينك.

تدرون وش طلبوا اخوانها!!!!!!!!!!!!!!!!! انه يقطع علاقته باهله كلهم , وركزوا على امي. حسبي الله ونعم الوكيل فيهم .المهم ان اخوي كان بيستقدم لها بس بعد اهاناتها وطلب اخوانها قال تحلم تشوف الشغاله في حياتها,,,,,,للمعلوميه مرة اخوي لاتعرف تسوي قهوة ولاشاهي , وبيتها زباله درجه ولى , حتى كبسه ماتعرف تسويها, يعني ست سنوات زواج كلها مطاعم في مطاعم , لدرجه ان اخوي يقول انحرج لما يجوه رجال في البيت من قهوتها الماسخة اللي ماتنذاق
والله امي مرة قلبها طيب لدرجه انها تغير حفاظات بناتها وتروشهن حتى الجناح الخاص فيها ببيت اهلي امي اللي ترتبة بنفسها وتبخرة وكل فترة تغير لها مفرش السرير وتردد دايما ان غلاها من غلا ولدي, وقبل العيد امي شرت لبناتها اطقم مرة ذوق ومره حلوة , اول ماشافتها مرة اخوي قالت كانها ملابس اليمن الشقيق ( مع احترامي وتقديري طبعا للاخوات اليمنيات الموجودات في المنتدى )

اللحين امي مصدومة ومجروحه لدرجة انها تبكي بالليل وهي تصلي القيام , وش الحل مع هذه المخلوقه؟؟؟؟؟؟
(ملاحظه خطيرة : لاتقولون يطلقها ويرتاح منها لان اختي متزوجه اخوها وعندها 4 اطفال وعايشه هي وزوجها في امان الله , واهلها يقولون ان طلقتوا بنتنا نطلق احنا بنتكم)

يلزم عليك تسجيل الدخول أولًا لكتابة تعليق.

تسجيل دخول

عشيقه ماجد • 13 سنة

بصراحه الواحد مايدرى اش يقول مدرى اش تبغى مرت اخوك هذى
كل المصايب والمشاكل هذى علشان شغاله لامه ياعمرى على امك
والله انى حاسه فيها واخوك مسكين كمان مايدرى وش يسوى يخاف يخرب على اخته الحل انه اخووك يقوى العين عليها شوى وامك تريح بالها وتدعى ربها فيه ناس مايستاهلون دمعه تنزل علشانهم عالعموم صدقينى الحل كله بيد اخوووك وماراح انساك من دعواتى يالغلا

girl_love4ever • 13 سنة

مالك الأ الدعاء و ان الله ينصركم عليها
حسبنا الله و نعم الوكيل

يا كثرهم اللي كذا و المفروض اي وحدة تزوج ولدها نصيحة لا يسكن معهم عشان المشاكل
لو تنقل في شقة بعيد عن بيتكم افضل لكم

beautiful girls • 13 سنة

لايطلقها بس يادبها ويربيها اجل تقول عن امه سويسرا وتبيه يقاطع اهله
خليه يخليها عند اهلها لين تعقل وتصير حرمه وتخاف الله هذيك الساعه يرجعها ويقدم نقل للرياض ولايحسب لها حساب اصلا الزم ماعليه راحته هو الي يتعب ويشقى مو هي لكن لايرضى بااهانه امه ويسكت ويعدي الموضوع بالساهل لان الدنيا دواره واختك مالها اي علاقه لو طلقها اخوهم عشان اخته قليله الادب فهو دجاجه وفرقاه عيد والله حلوه ذي وحده بوحده تطلقون بنطلق تزعلونها بنزعل بنتكم

CHOCLET CHIPES • 13 سنة

يخليها عند اهلها لين ينطحن الحب الي براسها وهو يقدم على النقل ولا عليه منها تبي تجي ولالا بكيفها ولو يقدر ياخذ عياله فتره يخليها تحس بالخوف من الطلاق والحرمان من عياله يمكن تعقل وترجع واذا اصرت خل ياصلها خبر انه بيتزوج عليها كلام بس مو صدق
واذا على اختكم ما راح يصير عليها الا المكتوب ظلت مع زوجه ولا طلقها

شذى 2005 • 13 سنة

girl_love4ever :

مالك الأ الدعاء و ان الله ينصركم عليها حسبنا الله و نعم الوكيل يا كثرهم اللي كذا و المفروض اي وحدة تزوج ولدها نصيحة لا يسكن معهم عشان المشاكل لو تنقل في شقة بعيد عن بيتكم افضل لكم

مالك الأ الدعاء و ان الله ينصركم عليها حسبنا الله و نعم الوكيل يا كثرهم اللي كذا و المفروض اي...

مشكورة اختي على الرد , هي بيتها بجدة واهلي بالقصيم يعني ماهي ساكنة عندهم.

والجناح اللي في بيت اهلي تسكن فيها اذا جت بالاجازة عند اهلي , اللي ماتتعدى خمس ايام بالسنة