مرة خالي جابت ولد بعد تاخير خمسة عشر عاما << والسبب بالداخل

السلام عليكم



كيفكم حبايبي الحوائيات ومبروووووك عليكم الشهر الفضيل قبل الزحمه





^^^





^^^

باختصار حبيت اذكركم بشي مهم بحياتنا نسيناه وصرنا نجري ورى هالدنيا وتعلقنا فيها ونسينا ان نتعلق بخالقنا وخالقها واغفلنا هالسحر العجيب اللي حتى لو ما لقينا نتايجه عاجلا فسنجدها لاحقا باذن الله وهو الدعاء
المهم هذي مرة خالي ما خلت ولا دكتور ولا مستشفى ولا معالجة ما راحتلها ولا شافت فايدة ولا لقت نتيجه واخر شي قالولها انتي عقيييييييم لكنها ما فقدت الامل بخالقها شوفوا وش سوت؟؟
تقول بالاخير سلمت امري لله اللي خلقني وصار روتيني اقوم اخر الليل وانتحب من البكاء والعمره كل اسبوع
ولازم اصلي لو فرض بالحرم يوميا وادعي قدام الكعبه(هم ساكنين بمكه) وادعي ربي وثمن حجت وتقول وانا عند الكعبه ابكي وادعي يارب ارزقني الذريه الصالحه يارب لا تحرمني من اجر تربيتهم ومن اجر عذاب الحمل والولاده يارب لاتحرمني من الذرية لاجل اني اربيهم على طاعتك واجعلهم مضرب المثل في التزام والدين والطاعه لك يارب بمعونتك ومشيئتك ساجعلهم قدوه لغيرهم ساجعلهم ممن يعمرون هالارض بالطاعة والخير تقول تركت كل البشر وتعلقت بربي وتحلفلي انها كبت كل العلاجات وبس داومت على ماء الزمزم وسهام الليل والاستغفار والصدقه وما هو الا شهرين وتقولي الا وذيك الليله وانا احس بمغص وغثيان وكانها معدتي قلببت علي وتقولي واجلس على هالحال ثلاثه ايام وابلع من المسكنات يووم زادت اللوعه والمغص بعدالاكل قالها خالي لازم اخذك للمستشفى لايكون تسمم وتروحين فيها المهم تقول يوم رحت قاسوا لي الضغط
وقاسوا لي حرارتي وحللوا لي دم جلسنا شوي ننتظر....




الا بعد شوي





تجي السستر








وش قالت؟؟؟؟؟؟؟؟؟؟




مبروووك مدام انتي حامل تقول انا بعد كلمتها مدري وش صار لي احس كان احد كب علي موييه بارده تجمدت
بمكااني وجلست اصييييييييييح بصوت عالي مثل الاطفال مدري من الفرحه بالخبر او فرحه لاستجابة ربي لدعواتي ورحمته بي و تقولي بعدما استوعبت كلامها سجدت واناظر بخالك والا هو يصيييح بس بصوت مكتووم والدموع مغرقه وجهه شوي الا دخل يده بجيبوه وطلع كل اللي فيه واعطاها اللسستر تقولي والله يقولي ليومك هذا والله مدري كم كانت الفلوس اللي عطيتها بس من الفرحه ولانها بشرتنا حبيت افرحها مثل ما فرحتنا ونويتها صدقه لله وسحبني خالك ومشينا ورحنا للحرم وجلست ابكي واحمد ربي عند الكعبه واخذت عمره بعد شكرا لله
وبس خلصت قصتها وسامحوني اذا طولت عليكم
وهذا هي الحمد لله عندها ولد سمته محمد الله يخليه ويحفظه لها
انا بس حبيت اذكركم باهميه الدعاااااء والقرب من الله لماذا نتغافله ونتناساه
اليس هو القائل(ادعوني استجب لكم)
مو مشكله ناخذ بالاسباب نروح للمستشفيات نتعالج بس ليش ما نطلب العلاج من الله قبل كل شي ليش نغفل اهمية الدعاء والله اني اعرف وحده لها عشر سنوات متاخرة وتجري وراء هالدكاتره والمستشفيات وتصرف بالملايين فيهم ولا قلتيلها عليك بالدعاء قالت يا ما دعيت ولا شفت نتيجه انا ابي شي عاااجل
ليش صرنا بهالحال الصلاه نصليها تادية وااجب بس وبلا خشوع هذا اذا صليناها بوقتها فما بالك بالدعاء
انا ما اقول الكل بس الاغلبيه بهاالزمان كذا الله يهديهم
هذا ما احببت ايصاله اليكم اسال الله ان اكون وفقت ولو لبعض الشي في ايصال كلامي لقلوبكن ونفعكن وسامحوني لو اطلت عليكم بس من فرحتي لخالي المحروم استئذنت مرته وقلتلها خليني اقول قصتك للحوائيات من باب فذكر ان الذكرى تنفع المؤمنين والله يحقق امانينا ويرحمنا ويغفر لنا برحمته اجمعين
استودعكن الله :)